الموضوع: إلى كل من اشترى عربية مستعملة او بالتقسيط

- قررت تجيب مستعمل على قد فلوسك ولا تجيب جديد وتكمل أقساط؟
قررت اجيب مستعمل على قد فلوسى
2- ليه اخذت الاختيار ده؟
لانى مش بحب ان يكون عليا أقساط او ديون.كمان مش هقدر ادفع الاقساط ويكون معايا فلوس بنزين وصيانه ومصاريف شخصيه ودوشه كبيره
3 - العربية نوعها ايه؟ وموديلها؟ وكنت شاريها بكام ؟و معاك بقالها فترة قد ايه؟
مازدا 121 موديل 98 اشتريتها ب 28 الف معايا بقالها شهر ونص
3- صرفت كام تقريبا على العربية خلال الفترة دى؟
صرفت عليها مبلغ محترم بسبب حادثه علشان ماكنتش اعرف ان الكاوتش بايظ وان العربيه هتتزحلق بسببها ولبست فى مشروع بس الحمد لله الاضرار ماكنتش كتير صرفت عليها حوالى 1000 جنيه برضه فى الشهر والنص ده
ولسه محتاجه مصاريف اغير الاربع فرد كاوتش والردرياتير علشان لاحم خرم كبير فيه ومش عايزه يسخن فى الصيف وعايز انضف كربراتير وهغير قواعد ماتور وفتيس وسيور وبيض مقصات واحتمال مساعدين واظبط العفشه عايزه حوالى 3000 او 4000 الاف جنيه
5 - حاسس ان قرارك كان صح ولا غلط؟ ولماذ؟
شايف ان قرارى من نحية العربيه دى بالذات ماكنش قد كده لانى كنت مهتم اكتر بالسيينا وكان نفسى فيها وكنت متابع اخبارها لمدة 6 شهور لحد ما مسكت المبلغ ووقت ما جه المبلغ بتاع العربية استعجلت لانى ما لقيتش سيينا مناسبة بس الحمد لله العربيه مش مزعلانى فى حاجه غير انى هظبطها واشدها وان شاء الله خير بالنسبة لقرار المستعمل او الجديد الجديد برضه فوق الممتاز بس المشكلة كلها فى القسط وانه مبلغ فى الشهر كبير مش صغير
6- لو رجع الوقت بيك لمرحلة التفكير كنت هاتجيب عربية مستعملة كاش ولا جديدة قسط؟
ماكنتش هقدر على القسط برضه وكنت هجيب مستعمل

خالد بيقول كلام زي الفل...خاصة ان الجديد قطع الغيار غالية...ومجبر علي التوكيل...وهاتدفع قسط وصيانة..وتامين سنوي..وحوارات..تجيب مستعمل وظبطها احسن..

المشاركة الأصلية كتبت بواسطة mo7eb elrasol

السلام عليكم
كل واحد مننا فى الغالب فكر الف مرة قبل مايشترى عربية مستعملة هل فعلا يجيب عربية مستعملة على قد فلوسه ويعيش رحلة المجازفة مع مصاريف الصيانة والميكانيكة،ولا يدفع الفلوس ال معاه مقدم عربية جديدة ويدفع الباقى أقساط ويعتبر ان القسط جزء من مصاريف صيانة العربية المستعملة ويريح دماغه من العطلة والصنايعية.
عايزين كل واحد مننا يقول تجربته واختياره بعد التفكير:
1- قررت تجيب مستعمل على قد فلوس ولا تجيب جديد وتكمل أقساط؟
2- ليه اخذت الاختيار ده؟
3 - العربية نوعها ايه؟ وموديلها؟ وكنت شاريها بكام؟ و معاك بقالها فترة قد ايه؟
3- صرفت كام تقريبا على العربية خلال الفترة دى؟
5 - حاسس ان قرارك كان صح ولا غلط؟
6- لو رجع الوقت بيك لمرحلة التفكير كنت هاتجيب عربية مستعملة كاش ولا جديدة قسط؟


وطبعا انا اول واحد يقول تجربته
1- قررت تجيب مستعمل على قد فلوسك ولا تجيب جديد وتكمل أقساط؟
قررت اجيب مستعمل على قد فلوسى
2- ليه اخذت الاختيار ده؟
لانى مش بحب ان يكون عليا أقساط او ديون.كمان قالوا ان اللانوس الجديدة مش كويسة وداخلها حاجات صينى. وانا اللانوس كانت انسب حاجة لظروفى .
3 - العربية نوعها ايه؟ وموديلها؟ وكنت شاريها بكام ؟و معاك بقالها فترة قد ايه؟
لانوس 2 - 2007-45000 جنيه - بقالها معايا اربع شهور تقريبا
3- صرفت كام تقريبا على العربية خلال الفترة دى؟
صرفت تقريبا لحد امبارح 1000 جنيه ،لكنى النهار ده بعمل عامرة كاملة للماتور هاتكلف تقريبا 1600 جنيه
5 - حاسس ان قرارك كان صح ولا غلط؟ ولماذ؟
شايف ان قرارى كان صح الى حد ما ،مع انى لو كنت دفعت ال 45000 مقدم كنت ها ادفع قسط تقريبا 875 جنيه على خمس سنين،بس قلت ان برضه العربية الزيرو هاتحتاج مصاريف وصيانة،فخفت ان مصاريفها تكون عبء مع الاقساط.
6- لو رجع الوقت بيك لمرحلة التفكير كنت هاتجيب عربية مستعملة كاش ولا جديدة قسط؟
بصراحة مش عارف.

منتظر تفاعل الاعضاء

السعر اللي اخدتها بيه ممتاز اوي لو كانت سليمه بس واضح انها مش سليمه اوي بدليل انك بتعمر بعد 4 شهور ربنا يباركلك فيها

المشاركة الأصلية كتبت بواسطة khalid_adel

متفق معاك ونفس اللي حصل معايا وتفكيري
6- لو رجع الزمن كنت حجيب مستعمل علي قدي برضه
بص من الاخر القسط في الشهر مش اقل من 900 جنيه ده غير بنزينك العادي وصياناتك ولو ركنت العربيه برضه حتدفع القسط
لكن لو مستعمل تخيل لو حتصرف عليها كل شهر 900 جنيه (دانا اغير ماتور كل 3 شهور) والبنزين ومفيش صيانه تاني اكتر من 900 جنيه بتوع كل شهر لكن الميزه هنا انك مش مجبر تدفع المبلغ ده ولو ركنتها مش حتصرف عليها اي حاجه وممكن تمشي بيها من غير ماتصرف او لو مزنوق يعني

كلام سليم جدا