استفسار هام : بخصوص برنامج Truecaller الي على الاجهزة الذكية !!

**Y a r i s** · 12-02-2013 01:49 PM

استفسار هام : بخصوص برنامج Truecaller
الي على الاجهزة الذكية !!

البرنامج ده ياشباب بيشتغل ازاي !!!
يعني هو معروف انو. لمن بتستب البرنامج ده عندك اي حد بيتصل عليك ورقموا مش معروف ... الموبايل على طول يعملك سيرش عن اسم المتصل من خلال الانترنيت. ... السؤال هنا. هو بيحمل سيرش منين بالزبط ؟؟
يعني بيدخل على ( جهات الاتصال) في الموبايلات الي شغاله على النيت وبيلقط اسم المتصل المجهول من هذه الموبايلات ولا من خلال سايت ولا ايه !

وازاي الواحد يسجل اسمو بحيث ميطلعش اسمك غير فلان
مش كل ما تيجي تتصل على واحد يقلك ده انا شفت اسمك سمسم والي يقول ده اسمك طلعلي بتاع اليارس والي مسميني كلابيظو. وهلما جره وربنا يستر من زميلاتنا في العمل مسميانا ايه وبكدة مش هنخلص انا كل يوم اعمل سيرش على رقمي الاقي عليه اسم جديد. ياترى ايه الحكاية. هو البرنامج ده بيجيب الاسماء منين بالزبط وازاي الواحد يقدر يثبت اسم معين عليه !!!

@@@@@@@@@@@

وتحياتي

**NaderNabil** · 12-02-2013 02:04 PM

أعتقد فكرة البرنامج قايمة على انك لما بتنزله على الجهاز...بياخد النمر اللي عندك و يحطها على السيرفر و بالتالي لما واحد يتصل من رقم منهم على أي واحد تاني منزل البرنامج هايطلعله الإسم اللي انت منزله بيه

يعني مثلاً انا عملت سيرش على رقمي لاقيت إسمي متسجل Nader Work

المهم انا رفضت تماماً انزل البرنامج عندي علشان بعتبر ان ده إنتهاك للخصوصية

**eng/muhamad** · 12-02-2013 02:05 PM

هى الفكرة بالظبط ان اى حد بينزل البرنامج ده كل الارقام اللى عنده بتتنقل للداتا بيس بتاعت البرنامج و بناء عليه لو فرضنا ان شخص معين اسمه محمد عنده البرنامج و مسجل شخص تانى باسم جوجو مثلااا و جوجو ده اتصل بحضرتك و انت اصلا عمرك ما ترفعه هيظهرلك اسمه جوجو زى ما هو متسجل عند محمد بالظبط
اتمنى تكون الفكرة وضحت

**Y a r i s** · 12-02-2013 02:20 PM

طيب ماهو كده او كده حتى لو انا مش منزلوا
ووجيت اتصل على واحد منزلوا. فالبرنامج هيدور في جميع اجهزة الشباب وممكن ياخود اسمي من على موبايل اخت صديقه شقيقة عزيزة فاضلة مسمياني مشمش. مثلاً ساعتها يبقى ازي الحال !!!!
بالذات لمن يكون عندك وحدة بتتلكك ؟
ومين ومييين الي مسمياك مشمش وانتا ازي تسمحلها بكدة ... وهلوما جرررة !
وانا بقول افرض مثلاً مثلاً يعني اني خصمتك يوم ... فبقول مثلاً
علشان محدش يفهمني غلط :)

فازاي احفظ اسمي. باسم محدد بحيث الي يدور ميطلعلهوش غير اسم محدد وواضح وصريح
@@@@@@@
وتحياتي

**MaZaGAngeE** · 13-02-2013 01:14 AM

ده شكله حوار جامد
ياترى الناس مسجلاني باسم ايه ؟

**MaZaGAngeE** · 13-02-2013 01:21 AM

هوه البرنامج ده ؟

https://play.google.com/store/apps/d...=search_result

**Ahmed_Adham** · 13-02-2013 01:40 AM

المشاركة الأصلية كتبت بواسطة Y a r i s

طيب ماهو كده او كده حتى لو انا مش منزلوا
ووجيت اتصل على واحد منزلوا. فالبرنامج هيدور في جميع اجهزة الشباب وممكن ياخود اسمي من على موبايل اخت صديقه شقيقة عزيزة فاضلة مسمياني مشمش. مثلاً ساعتها يبقى ازي الحال !!!!
بالذات لمن يكون عندك وحدة بتتلكك ؟
ومين ومييين الي مسمياك مشمش وانتا ازي تسمحلها بكدة ... وهلوما جرررة !

ساعتها مشمش هيتفعص يا ريس

**Ahmed_Adham** · 13-02-2013 01:49 AM

ده البلد كلها متسجله يا جماعه! بس الحمد لله نمرتي مش موجوده لسه هههههههههه بس واللهي لو أعرف بس واحد من أصحابي ينزل الزفت ده على موبايله لقفله الموبايل وأخليه يحتاس بيه! أكتر حاجه تضايقني انتهاك الخصوصيه! ده أنا بنشف ريق أي حد يقابلني في مول ويقولي سحب وبتاع وادينا رقم البطاقه والتليفون وبعد تنشيف الريق بقلبها تهزيء وبعدين أمشي في وسط الكلام مش عارف ازاي الناس بتستهون بخصوصيه الناس بالشكل ده. ده أنا مره اتصلت بفودافون وأنا متنرفز قوي عشان جالي رساله اعلانيه وقلتلهم أنا مش بدي رقمي لحد معرفوش فلو جالي رسايل اعلانيه تاني هرفع عليكو قضيه ومن ساعتها مجاليش ولا رساله دعايه من بره فودافون!

-

الموضوع: استفسار هام : بخصوص برنامج Truecaller الي على الاجهزة الذكية !!

LinkBack

أدوات الموضوع

عرض

استفسار هام : بخصوص برنامج Truecaller الي على الاجهزة الذكية !! - انشر الموضوع فى :

-

-

-

-

-

-

المواضيع المتشابهه

استفسار عن أفضل أنواع الاجهزة الكهربائية

استفسار هام بخصوص جهاز star و برنامج polnav ارجو ان اجد اجابته عندكم

استفسار عن برنامج لنوكيا

نسخة برنامج Sygic لجميع الاجهزة - مع الشرح-

الكلمات الدلالية لهذا الموضوع

المفضلات

المفضلات

ضوابط المشاركة