عرض للطباعة
السلام عليكم, انا معايا سوبارو امبريزا 2007 اوتوماتيك و العربية عاما بتستهلك بزنين كتير اوى جوا البلد فى الزحمة (الصفيحة بتعمل متوسط 170 كم)
كنت بفكر انى اشيل الفيوز بتاع ال ِawd و ده هيخلى العربية جر امامى فقط و انا ماشى فى الزجمة جوا البلد و ارجعو تانى وقت الجرى او السفر
انا عارف ان ده ممكن يؤثر على ثبات العربية بس الفكرة ان جوا البلد الدينا زحمة فا مفيش جرى خالص اخرك 100 لو عرفت تشفهم
حد جرب الموضوع ده قبل كده يا اهل السوبارو ؟
عربيتك اوتو ؟؟
انا اعرف ناس بره بيعملوه في الليجاسي الاوتو عادي بس بيشتكو من الاتزان المفقود وبيقولو انه في اي عربيه اوتو فيها الاوبشن ده (امبريزا ولا ليجاسي) بس معرفش حد عمله في امبريزا
اه انا عربيتى اوتوماتيك 2007 , نفسى اجربو بس خايف يبوظ حاجة
طب ممكن لينك لقصص الناس اللى جربتو دى احاول استفيد منهم
انا دورت شوية و اللى فهمتو انك ممكن تعمل كدة فى الاوتوماتيك بس الماينوال لا فعلا زى ما قلت يا خالد
و الناس كلها اجمعت ان سبب وجود الفيوز ده هو لما تركب الاستبن الصغير اللى بييجى مع العربية لان الاستبن ده لما بتركبو و تمشى بيه كتير ممكن يبوظ ال awd بتاع العربية بسبب فرق الحجم. انا اول مره اعرف المعلومة دى, ما كانو حطو استبن زى الناس و خلصونا !
و الناس ده محدش جرب فعليا فى الامبريزا بس كلو بيؤكد انو ممكن عادى بس برضو فى ناس تنيه بتقول ان ده مش هيوفر بنزين خالص لانك اه الموتور هيحرك عجلتين بدل اربعة بس العربية لسه فيها الوزن الزيادة بتاع عمود الكرنك اللى بيحرك العجل اللى ورا فا مش هتوفر بنزين !
هقولك راى بعيد عن العربيه
الفيوز ده معمول اكيد عشان حاجة ممكن تكون فى الصيانه مثلا او لو العجله الاستبن بس ان انت تشيله و تمشى بيها دفع امامى بس ده ممكن يبوظ حاجة فى الفتيس نفسه على المدى الطويل
و استهلاك البنزين فى الزحمه بماتور 1600 دفع رباعى اوتو كويس على فكره لو خليتها امامى بس هتعمل 180 مثلا مش الفرق الى يخليك تجازف بفتيس و الات جر خلفى عشانه
ممكن توفر بنزين من غير ما تعمل كده تسوق سواقه هاديه و تطلع عادى من غير دوسه بنزين و فرك و تمشى من غير حرق على الغيارات و كيك داون كتير هتوفر معاك شويه
اعتقد ان فعلا الموضوع مش مستاهل المخاطرة و لكن اللى استافادتو ان انا عرفت انى المفروض الغى ال awd اما اركب الاستبن و امشى بيه, دى كانت معلومة جديدة