السلام عليكم
اشتريت لمبتين أوزرام نايت بريكر بلاس مقاس h7 عاملين 160 جنيه هل دا سعرهم ولا أنا كدا انضحك عليا ؟
عرض للطباعة
السلام عليكم
اشتريت لمبتين أوزرام نايت بريكر بلاس مقاس h7 عاملين 160 جنيه هل دا سعرهم ولا أنا كدا انضحك عليا ؟
والله يااستاذ محمد انا كنت جايب اللمبات دى بس h4 وتقريبا كانوا ب125 من محل اسمه المدينة فشارع دمشق بس دا من فترة طويلة الله اعلم غليت ولا لأ وهل سعر ال h4 نفس سعر ال h7 ولا فى فرق
بالمناسبة قلى اخبارها ايه فى الاضاءة قوية ولا عادى انا مبحسش بقوتهم الا فالطرق الضلمة اوى بتفرق عن الفابريكة بس مش حاسس بفرق واضح مقارنة بسعرها
عادى يعنى بتنور كويس لكن مش اللمبات اللى تبهرك يعنى بس هى راكبة على عدسات عندى نور واطى :)
أنا جبتهم من المدينة برضه بس أنا حاسس إنهم ما يسووش أكتر من 60 أو 70 حنيه
نازل قريب تانى يا أستاذ محمد وهشوفك إن شاء الله ..... أعذرنى اليوم دا تعبت جامد جدا خصوصا إنى مش من القاهرة لفيت كتير قوى كنت تايه بصراحة وسافرت ومكنتش نايم
إنت أزيك عامل إيه يارب تكون بخير
بس إنت مقلتليش السعر دا سعرها ولا انضحك عليا لأنى قبل ما أشتريهم سألت راجل بشترى منه قطع غيار للعربية
قال لى حاجة إن شارع دمشق دا شماطين وهناك الناس معاهم فلوس كويسة عشان كدا أصحاب المحلات دى بيستغلوا كدا
يعنى أنا شفت بوجيهات عادية خالص لميجان ب 140 جنيه وممكن أجيب زيها بنص التمن
بس هى أحسن من الزينون اللى كان راكب عندى برضه :)
حتى وأنا بخلع اللمبة التانية اتزنقت اتكسرت بس الحمد لله معورتنيش
باشا .. الزنون أصلا مكنش نافع ... اللمبة خلاص كانت في آخر عمرها .. ده الطبيعي من اللمبة الزنون..
وليه مكلمتنيش طيب ... مكنش في داعي إنك تتوه خالص :d
أنا الحمد الله كويس ...
ده سعرها الطبيعي.. المدينه وادريان هم اللي مسكين موزعين لأوسرام .. الكلام ده واحد عارفه في توكيل أوسرام نفسه... وهي فعلا كانت ب125 ج..
عامتا أنا شايف السعر عادي خالص.. تمنها بره مصر 25$ ~ 30$ .. يعني ارخص في مصر
ممكن يكو ن يف ناس كده .. بس في قطع الغيار من عربيه تانيه أو الاستراد .. مش الحاجات اللي بتتباع من شركة .. وسعرها محدد
خلي بالك وإنت بتفوك لمض الزنون .. فيها زئبق.. خطر وسام جدا
وبما إن واحده اتكسرت منك .. احتفظلي بالوصلات على الاقل .. متنساش :D
تمام ... بس هو ليه مش عليها ضمان ؟؟ سألته قال لى مش عليها أى ضمان ؟؟ بس لو فيها حاجة هاتها :)
ولا الضمان على الزينون بس نسيت أسأل على الزينون بكام
متهيقلى لو كنت ركبت لمبة هالوجين عادية كانت هتبقى بنفس الكفاءة فى الظروف العادية لكن زى ما حضرتك بتقول ممكن يكون فعلا دى تتفوق فى الظلام الدامس :grinder:
بس الراجل اللى واقف فى المحل شايف نفسه آخر حاجة هههههههه ...... دخل زبون بيتكلم معاه ... الزبون قاله دا هزار ولا جد بيقولها عادى كدا ... عمل له فيها قصة ... وانا محترم وأنا مبهزرش ... خلاص يا عمو بقى ... والراجل برضه مصممم
الزبون واقف مش بيتكلم وهو عمال يقول له ...... مهو يا أنا مش محترم يا إنت مش محترم ههههههههههههه