الحوار اللذيذ ده اكيد تم فى المصريه . عندهم شويه موظفين ما شاء الله عليهم . اللهم لا حسد اخرهم يبيعوا طورشى فى محل فول . العلاقه بينهم و بين العربيات زى علاقه الصومال بالسويد كده :beatbrick:
انا قريت التقرير المثبت فى قسم البريليانس. انا حاسس انة بيتكلم عن عربية تانية ..... امال اية اللي انا حاطة دة. واذاي محدش جاب سيرة الحاجات دى
اول حاجة الواحد بيمسكها الباب وعينة بتجرى علي الكاوتش والمفاصل واللحامات
ليَّ تعليقين صغيرين
أولا على حد علمي برليانس مبقتش تبع بافاريا خلاص بقت حاجة لوحدها و أساسا مكنش ليها علاقة بـ bmw لا من قريب ولا من بعيد . وكلاء توزيع bmw بيوزعوها في مصر وفي الصين لا أكثر والاقل.
ثانيا متخدش وصف أي حد لأي عربية جديدة و تقول امين لأن كل واحد شايف اختياره أعظم شيء في الدنيا و ممكن يكون قبلها يمتلك عربية موديل وتصميم قديم فبالنسبه له دي حتى لو سيئه الصنع في وجهة نظر ناس كتير هي شيء رائع و حتى في وصفه لها هتحس بالإعجاب المبالغ والإقتناع التام بـجودتها وراحتها وثباتها وقوة الموتور الرهيبه و طبعاالتكنولوجيا اللي سابقه عربيات كتير بنفس التمن واللي ممكن يكون بالنسبه لواحد تاني كلام فاضي .
ونرجع ونقول لولا اختلاف الاراء لبارت البرليانس ! والوكيل لو مكنش متأكد إن فيه من هينبهر بهذه ال V5 و خصوصا في مصر مكنش نزلها وبالسعر المتخلف ده .
اخيرا بقى هي الناس مش هتبطل تشتري عربيات بأسعار غير منطقية و مش هيبطلوا يسلموا رقبتهم للتجار علشان يدبحهوم !
أنا هقول حاجة على كلام حضرتك اللي في الأخر ... التوكيل جاب العربية ديه علشان الناس اللي نفسها تركب x1 و مش قادرة تشتري v5
نفس الكلام زمان مع لاندروك و كومودو لما الناس كانت بتشتريها علشان شكل تويوتا برادو ... ناس في مصر بيحبوا إن يجيبوا عربية فيها كل حاجة و بسعر قليل جداً ... بس طبعاً قليل جداً في مصر اللي عندو ثقافة الجودة و الأمان .. يعني زمان كنت بشوف ناس بتشتري البريليانس سبلندور أو حاجة ذي كدة اللي كانت ب-150,000 ليه هما ماشتروش كورولا مثلاً و ساعتها اسمها عربية ياباني و توكيل أحسن إلخ ....
تصحيح فقط للعنوان هى ليست بديل هى تقليد
و ليه ماتقولش أن العربية دي من ضمن عربيات كتير بتكون زيرو و عاملة حادثة أثناء النقل و المعرض بيصلحها في الحرفيين و بعدين يبيعها علي أنها زيرو ؟
فيه معارض كتير أتضح أنها بتعمل كده و هنا في المنتدي حالات كتير و موضوعات عن المعارض دي و ماركات ياباني و كوري و أوروبي
أستحالة فيه مصنع يطلع عربية بالشكل ده
دى فيه asr يعنى عربيه عربيه وب 160 الف بس دى رخيصه اوى يا نهار اسوح انا بصراحه ماركبهاش لو حتى test drive