-
ميه نضيفة تحدت البدالات
انا لسه شاري عربيتي جديد وفجأة لقيت ميه كتير تحت كرسي السواق والبدالات الموكيت كان مبلول هوا والاسفنج اللي تحته تفتكروا من ايه مع ملاحظة اني لسه غاسل في البنزينة وكنت يومها مشغل التكييف و شغلت مساحات المطر مع رشاش الميه بتاع البيربيز الادماني اعرف السبب ازاي وادور علي ايه :_Alshmokh11:
-
طيب انت غسلت العربية من جوة بالميه
لو الاجابة نعم يبقى ما تغسلش العربية بالمية نهائيا لأن عندك الفيوزات وعلبة الكنترول فى الصالون جوة
انت كنت مشغل التكيف اثناء الغسيل
ياريت توضح اكتر عشان اقدر اساعدك
-
اكيد من غسيل العربيه في المحطه
-
ممكن بخاخ المياه بتاع البرابريز يكون بيسرب
-
يا باشا انت شغلت التكييف السخن اكيد كده سربنتينه السخن عندك اتخرمت ودى بتبقى تحت التابلوه لازم تروح تغيرها لو هتحتاج التكييف الساخن او تلغيها لو مش محتاجه بس بسرعه علشان دى ميه الماتور وممكن تنقص جدا وتجيب جوان
-
لأ يا باشا مغسلتش العربية من جوه بالميه
-
مشغلتش السخن انا كنت مشغل التكييف بارد
-
طب هوا فيه طبات ةولا حاجة اتأكد منها وشوفها لو مسربة
-
قبل اى حاجة شيك على مستوى القربة المية بتاعة الماتور واتاكد ان الميه مش بتنقص ....
-
المية في القربة تمام مش بتنقص
-
حصلت معايا نفس المشكله بعد غسيل العربيه فى البنزينه
-
أعتقد من الغسيل والله اعلم...
تحياتي
Sent from my SE Arc S using Forum Runner
-
من الاخر هو سؤال ورد غطاه ؟؟
ياترى انتا غسلت المحرك فى البنزينه ؟ لو الاجابه بنعم
يبقى السبب انه واثناء غسيل محرك السياره فى البنزينه الراجل اللى غسلك الموتور قرص شويه بمسدس الياه على صدر العربيه وتحديدا خلف السيرفو وتحت علبه الاسكترا
ومن هنا تسربت المياه الى داخل الصالون من قطمه الدريكسيون وغرقت الدنيا
اصلها حصلت معايا وباظ اولسيل قطمه الدريكسيون (زيت الباور)
:_Alshmokh11::_Alshmokh11:
-
اتأكد من خرطوم فايظ التكييف اللى بيكون فى ظهر التابلوه جايز يكون اتفك من مكانه وبيرمى داخل الصالون
-
طب يا باشا الاقي الخرطوم دا فين ولو فيه صور اكون شاكر للافضال
-
سيب العربية يومين لو منشفتش يبقي فيه حاجة بتسرب ندور وراها اما لو نشفت يبقي من الغسيل
Content Relevant URLs by
vBSEO 3.6.0 PL2