صوت طرقعة مع تحرك العربية و وقوفها كيا سبكترا 2004
السلام عليكم و رحمة الله:
عندى سيارة كيا سبكترا 2004 و عاملة 100000 و بسمع صوت طرقعة صاج تحت ودن المقص اليمين (عند القنطرة) و بقالى سنتين متعزب بالصوت ده و رحت التوكيل و قالو ده عيب معروف فى الكيا و مالهوش حل لدرجة إنى غيرت العفشة كلها و كانت سليمة 100% بس غيرتها للتأكد.
المهم الحل الوحيد استمر لمدة شهرين كان إنى فتحت الصاج من عند الدواسة اليمين و وجدت طبقات من الصاج فوق بعضها و لحمتهم كلهم Direct (بدون بنط)و فعلا الصوت راح لكن بعد فترة من الإستعمال بيرجع تانى خفيف و يعلى تدريجيا.
أرجوكم لو حد عنده حلول علشان أنا تعبيت جدا و مش قادر أسوق العربية أى حلول (و حتى لو مكلفة مفيش مشكلة) و ياريت لو حد قابلته نفس المشكلة و حلها يتصل بى .
ملاحظة العربية لم تأخذ أى حوادث إطلاقا ده عيب فى التصنيع على كلام توكيل كيا بس أنا مش مقتنع و أكيد فى حل. حتى لو رحت بالعربية أى مكان فى مصر معنديش مشكلة.
الحل بسيط ومش مكلف ... وهو ان فايظ تنك البنزين مسدود
الحل بسيط ومش مكلف ... وهو ان فايظ تنك البنزين مسدود !!
عالشان كدا بتسمع الصوت دا ، لو اتسلك الهوى هايقدر يدخل للتنك وبالتالى مش هاتسمع صوت الطرقعة دا تانى ... هذا والله اعلم
م/ وائل