الموضوع: التوكيل نصاب بجد

المشاركة الأصلية كتبت بواسطة ahmed_adham

كان ممكن تشوف بيعه للحاجات الجديده اللي معرفتش ترجعها وتقلل الخساره وممكن برضه تبيع المستعمل اللي عندك دلوقتي وترجع جزء من اللي دفعته عشان مش هتحتاج الحاجات دي الا بعد سنتين على الاقل فتتصرف فيهم دلوقتي أحسن من تخزينهم والله يعوض عليك في المصاريف فداك وفدا عيل من العيال.

المشاركة الأصلية كتبت بواسطة hi_nmr

انا مش عارف الضمير راح فين

وبعدين نرجع ندور علي الدولار عشان نشتري بيه قطع غيار مش عاوزينها اصلا ونلبس فيها بعضينا
مصر ماشيه بالشقلوب

حاجه تعصب وتحرق الدم

معلش يا باشا ربنا يعوض عليك

فعلا :(

يا اخي انا دمي مخروق انا اصلا فاهم في العربيات و ناصح مش اعبل يعني و برده لبست :(

و عملت ناصح في بلية الكمبويسور بدل ما البس كمبويور كامل غيرت البلية و تمام :)

اقوم لابس حجات ملهاش لزمة :(

والله ساعت البصر يعمى القدر انا من كتر الغيظ قلت للميكانيكي ركبهم و امري للا يعني حعمل بيهم ايه احنطهم في البيت سنتين كمان يعني :(

الحمدلله بس بجد نصب في كل حتة و في كل مكان :(

البلد مش عارف في ايه :( والله الفلوس مش جاية بالساهل

انا بقالي بتاع 3 شهور عمال اجوع نفسي عشان اصلح العربية :(

مش كان المفروض المساعدين يتغيروا فى الضمان على حساب التوكيل ولا ايه ,, انا عايز اعرف الضمان ده لزمته ايه ؟؟؟؟

المشاركة الأصلية كتبت بواسطة bybers

مش كان المفروض المساعدين يتغيروا فى الضمان على حساب التوكيل ولا ايه ,, انا عايز اعرف الضمان ده لزمته ايه ؟؟؟؟

ولا ليه لزمه , و التوكيل ميزته الوحيده ان قطعه الغيار اصليه وبس

فين مركز محترم بيعمل استعدال للجنوط الاسبور
عشان انا معرفش حد خالص

كان عندي مشكلة ان لمبة الزيت بتنور وطبعا صوت الموتور والكستبانات عالي علشان مش واصله زيت... قلت اروح التوكيل
قالولي عايزين نغير طقم كستبانات وبعدين نحكم على الموتور -مع ان اي ميكانيكي او انسان طبيعي كان بيقول على طول دي مشكلة طرمبة زيت- قلت لهم بكام الطقم قالك ب 3000ج ومش موجود .. طب يا عم غير الطرمبة اللي موجودة عندك وممكن العملية تتظبط - عندهم الطرمبة ب1300ج- قالي لأ لازم نمشي بالترتيب دا ولو تحب نطلب لك الكستبانات ماشي..
رحت واخدها وجبت الطرمبة نوع Mobis ب 400ج ورحت للميكانيكي قالي ممكن مشكلة طرمبة فعلا بس هابص على المصفاة الأول .. وفعلا طلعت المصفاة مكتومة ومسدودة واتنضفت وصوت الموتور بقى اهدى من الاول ولله الحمد والفضل ورجعت الطرمبة والميكانيكي مصنعيتة 120ج

انا مش عارف بقى لو كان غيرولي طقم الكستبانات ب3000ج ومطلعش هو الحل يبقى مين اللي يتحمل التكلفة ولا هما لازم يغيروا كل حاجة !!

غير قلت لهم في صوت طقة في العفشة لقيتهم عاملين تقرير فيه كل العفشة عايزة تتغير!!!
مساعدين وبطاحات وكاوتش ميزان وشداد ميزان وعلبة دريكسيون وخرطوم باور وكوبلن !!! وانا مش بشتكي من العفشة اصلا...!!
مع اني مغير المساعدين مكملوش 15 ألف كم بس مغيرتش البطاحات.. ولما بقول للمهندس انا مغيره قالي امال البطاحات وكان لازم تغيرهم.. طب وعلبة الدريكسيون ليه وخرطوم الباور قالي امال زيت الباور بينقص ليه!!!

يعني السادة الافاضل بياخدوا بالأعراض .. شايف بطاحة مشققة يبقى اكيد المساعد عايز يتغير.. مش مهم حالته..
زيت الباور ناقص .. يبقى نغير علبة الدريكسيون وخرطوم الباور!!!!

اخدتها لعفشجي يبص عليها قالي هي محتاج بس بطاحات.. مع ان مصلحته يغير حاجات كتير..
بصراحة كنت مدي التوكيل اكتر من حقه وفاكر انهم بيشخصوا الاعطال باجهزة وحاجات متقدمة.. طلعوا .........

واخدوا 188 ج المفروض كشف على الموتور والعفشة..!!
بتكلم عن فرع روكسي

كان فيه موضوع هنا في المنتدى عن قطع غيار موبيس وانها زي الاصلي بالظبط وان شركة موبيس هي اللي بتصنع لكيا وهيونداي اصلا..

ببساطه هما استغنوا خلاص , لازم وقفه معاهم المواقف دى لازم يتعمل بيها محاضر فى حماية المستهلك

يارجاله ده موقع جهاز حماية المستهلك , ممكن تعمل الشكوى على النت مش لازم تروحله بنفسك

جهاز حمايه المستهلك

أظن لو لقوا كذا شكوى من وكيل واحد هيهتموا و يحققوا فى الموضوع بجد , ياريت نعمل خطوة إيجابية عشان ميضحكش علينا اكتر من كده
كفايه اننا شاريين عربيات بأكتر من قيمتها الحقيقية و قطع غيار غالية ز كمان يضحكوا علينا فى الصيانات كل ده عشان هو اسمه توكيل و الناس مصدقة انهم بيفهموا فى العربيات و هما أغلب شغلب بالممارسه و لما بيظهر عيب جديد بيتنحوا و بيبقوا مش عارفين يعملوا ايه !!