الموضوع: تفاصيل صيانة 120 الف للميجان

الحمد لله عملت صيانة ال 120 الف مع ان العربية عاملة 112 الف فقط بس كان لازم اغير حساس الكامة ضرورى والاسعار

فلتر بنزين 101
فلتر هواء 127
طقم كاتينة 781
سير دينامو 121
طبة كامة كبيرة 90
طبة كامة صغيرة 55
بوجيهات 155
اسبراى كاربرتير 35
شريط كولية 1 ؟؟؟؟
حساس كامة 430
ماكينة مارشدير 279
مصنعيات 700
اجمالى 2874.97

طبعا مغيرتش زيت موتور او فلتر عشان كنت لسة مغيرهم مع الكارتيرة + فلتر تكيف لانى مش محتاجة فى الشتاء + طرمبة المية كشفوا عليها ولقوها كويسة وهى سعرها فى فرنش 600 و برة ماركة فاليو ب 350

انا سالت ناس كتير اوى برة وكانت هتبقى ارخص كتير برة بس بما انها اول صيانة للعربية معايا حبيت اعملها فى فرنش لاكن فية واحد اسمة البلدوزر نرفزنى جدا لما قالى طقم الكاتينة ب 1000 وعلية خصم وب 800 يعنى اغلى من التوكيل وطبعا ارخص الاسعار كانت عند المهندس طلعت ولو حد عايز يعرف الاسعار يقولى

بصوا يا شباب الصيانة فى توكيل العبور بحوالى 3600 جنية مش عارف ب طلمبة المية ولا لا بس تقريبا لا وفى فرنش موتورز بحوالى 2400 جنية بس زادت معاية عشان مكينة المارشدير وحساس الكامة والطبة الكبيرة والصغيرة للحساس

اما باقى الاسعار برة عند المهندس طلعت اللى فى صقر قريش

طقم كاتينة 600
فلتر بنزين 50
فلتر زيت 35
فلتر هواء 60
طلمبة مية فاليو 350
فلتر تكييف 80
سير الدينامو 90
بوجيهات 100 بس دية مش الاصلى قالى تقريبا بوش لان الاصلى مش موجودة غير فى التوكيل

طبعا قولتوا انا عايز حاجات اصلى قالى كل الى بقولك علية دة الاصلى ما عدا البوجيهات

+ الى عايز يعرف الكارتيرة عندوا ب 900 و التركى ب 600 والجوان ب 75 ومش بيجى معاها

سالت بردو عند م/معتز الى فى الهرم والاسعار اهى بالمرة

طقم كاتينة 750
فلتر زيت 50
فلتر هواء 60
فلتر بنزين 55
سير دينامو 100
فلتر تكييف 100
بوجيهات 140
طلمبة المية 400
المصنعية من 250-300 حسب حالة العربية