عايز اركب جهاز انذار ضروري...ارجو الافاده

السلام عليكم
تحيه طيبه لجميع الاعضاء
انا الحمد لله استلمت لوجان 2013 اوتوماتيك من حوالى اسبوع وكله تمام
عندي بس مشكله قلقاني جدا ومش عارف انام

الشارع عندي هنا كله لبش!! وكمان الشارع ضيق جدا والعربيات لما بتركن بتبقى مزنقه في بعض خالص!!!

دلوقتي انا محتاج جهاز انظار ضروري باي شكل.....
لما سألت قالولي انك لو ركبيته بره التوكيل هتخرج العربيه من الضمان او على الاقل ضفيره الكهرباء....هل فعلا الكلام ده صحيح؟
وطبعا ده هيكون صعب جدا اني اضحي بالضمان خاصه ان العربيه لسه جديده....

سألت ناس تاني زمايلي من القاهره قالولي انهم ركبوا جهاز انظار في التوكيل (خالد عماره) وبالتالي العربيه مش هاتخرج بره الضمان...

الرجااااء الافاده في الموضوع ده ضروري خاصه لو حد مركب جهاز انظار قبل كده؟؟؟؟؟
ياريت يقولنا هل ينفع فعلا اركب جهاز انظار في التوكيل؟؟؟ وهل اشتريه معايا قبل ما اروح ولا هما هناك عندهم الجهاز؟؟
وكمان هيتكلف كام؟؟؟؟ واركبه في اي توكيل ولا لازم خالد عماره (عشان انا مش من كايرو)؟؟؟...اظن السياسه واحده في الكل

وشكرا مقدما

السلام عليكم ورحمة الله ....

فعلا لازم التركيب يكون في التوكيل علشان الضفيرة متخرجش من الضمان ....واعتقد ممكن تشتري الانذار وهما يركبوه

ممكن تتصل بيهم علي 16202 وتسالهم وهما هيقولولك الخلاصة ...وربنا يوفقك ويسترها عليك وعلينا

أنا استلمت عربيتى فى 20-10-2010
وركبت الانذار فى 30-10-2010

والضمان خلص على خير بدون مشاكل وماحدش قال حاجة على الانذار.

بص يا باشا
ممكن تركب الانذار برة التوكيل عادي بس لو حصلت اي مشكلة في الكهرباء بس هيقلك الضفيرة برة الضمان علشان ركبت انذار برة اما لو محصلش حاجة فمحدش هيقلك حاجة.

ممكن تركب انذار في التوكيل عادي بس سعره حوالي 1000 جنيه و دي انا مستحرمها بصراحة

و لك الاختيار

طيب معلش حضرتك لو ركبيته بره التوكيل سعره هيبقى كام تقريبا

ممكن ميوصلش لل300 جنيه

لسه مركب انذار ولف فى شارع دمشق عند محل قطع غيار رينو اسمه عطيه الأسكندرانى عنده واد كهربائى ايده تتلف فى حرير ركبه فى ربع ساعه على ضوء لمبه فى ولاعه ميزه الراجل ده ان ركبه فى عربيات لوجان كتير و عارف كهربه العربيه كويس اوى

انا ركبت جهاز انذار بره التوكيل
spy 5000 ممتاز جدا الجهاز ده
وبتاع التوكييل قالى فعلا لو ركبت جهاز انذار بره الضمان هتخرج الضفيره من الضمان

بس انا لم القى له بالا والحمد لله محصلش اى مشاكل لحد دلوقتى

انا ركبته فى سبير كااااااااااااااااار ناس محترمين جدا ومش هيبهدلك الضفيره

جهاز الانذار بالتركيب كلفنى 450 جنيها

وليا سنتين مركبه مفيش مشاكل نهائيا الحمد لله

الواحد لازم يركب جهاز انذار يعني منزلين العربية من غير انذار وكمان مش عاجبهم

طب حتى يقولولنا نشتري واحد من برة وهما يركبو واهو حيكسبو المصنعيات

السلام عليكم ورحمة الله وبركاته
الأخ الفاضل انا مريت بالتجربة ومع تناكة التوكيل ورفضهم تركيب اى انذار لحد ما ربنا هدانى وأحمد الله وأشكر للأخ الفاضل كريم منير لأفادته وكرمه معى
ركب GPS tracker. هو غالى شوية انما فائدته عظيمة يكفى انك ممكن تفصل طرمبة البنزين خالص بمجرد رسالة موبيل وتتبع خط سير العربية عن طريق القمر الصناعى دورعلى الموضوع ده واقراه كويس وبعدين قول لى رايك
تحياتى