كيا سيراتو ولا اوبترا

**m_zater** · 30-07-2008 04:09 PM

اولا مساء الخير او صباح الخير
انا يا جماعه محتار جدا ومش عارف اعمل ايه انا عاوز اشتري عربيه ومحتار جدا بي الاوبترا والكيا السيراتو ممكن تفدوني بشكل واقعي وفعليي للناس اللي جربت اي عربيه فيهم
علي العلم اني معايا عربيه النترا 2004
وشكرا لكم

**Noha.M** · 30-07-2008 04:11 PM

انا هتكلم فى اللى اعرفه اللى هي السيراتو فعلا عربية جميلة جدا من كل النواحي و الحمد لله كان اختيار موفق جدااااا

انا الاوبترا معرفش عنها حاجة اوى يمكن اخواننا فى المنتدىيفيدوك فى النقطة دة بس اللى اعرفه عنها انه هى هى النوبيرا .

**mshamy** · 30-07-2008 05:21 PM

السلام عليكم و رحمة الله و بركاته
انا كنت عامل نفس الموضوع من فتره و ده الربط بتاعه
http://www.nilemotors.net/Nile/showt...E6%C8%CA%D1%C7

**mohamed ibiza** · 30-07-2008 05:30 PM

الاتنين كوري و الاتنين مستوي جودتهم واحد تقريبا هات الاحلي شكلا و الاحدث تكنولوجيا سيراتو

**bassem_sams** · 30-07-2008 06:14 PM

انا زيك لكن قررت على كيا سيراتو و عامه انظف كورى فى صناعه والأعتماديه هى كيا
و سيراتو نزلت لتنافس فى سوق الأوربى واخذت منهم مجهود 40 شهر و بتتصدر مراكز كويسه جدا فى امريكا و ميزة سيراتو شكل جديد 2008 و صالون واسه و موتور 121 حصان و عفشه ناعمه و سواقه رياضيه و مريحه انما الأوبترا الأن حلوة لكنها كورى مبنى على نوبيرا و هى حلوة لكن تابلوة بتاعها شكله قديم و دى مسأله ازواق و فى ناس فى المنتدى بتشكى من حاجات منها زى العفشه ودى مواضيع ممكن تساعدك فى الأختيار و اكثر من الأستخارة و فى الأخر عربيتين مش هتندم عليهم و انزل المعرض و اتفرج
ودى شويه مقارنات تفيدك وتأخذ فكرة:
http://www.nilemotors.net/Nile/showt...ED%D1%C7%CA%E6

http://www.nilemotors.net/Nile/showt...ED%D1%C7%CA%E6

**mohaismail** · 31-07-2008 07:07 PM

من حيث التوكيل الاتنين واحد توكيلاتهم من انضف التوكيلات فى مصر
من حيث الفلوس اعتقد اوبترا ارخص
لو الفلوس مش فارقة اعتقد سيراتو تكسب لانها احدث وكماليتها اكتر

**Hosam_Optrawy** · 04-08-2008 06:41 AM

السلام عليكم
انا كنت محتار نفس حيرتك من حوالى شهر
واخترت الاوبترا فى الاخر
بص السيراتو احسن فى انها اقوى ( 121 حصان )
الاوبترا 107 حصان بس ده مش معناه انها ضعيفه
ولو قارنت بعد كدا من كل الجوانب هتلاقى الاوبترا احسن
السعر هو هو الاتنين ب 97 الاتوماتيك بس الاوبترا تزيد الفوج لايت والمرايات الكهربا
وعشان تزود الحاجات دى فى السيراتو يبقى هتجيب اللى ب 102
السعر عند اعادة البيع : اوبترا
اسعار قطع غيار وتوافرها وتوكيل وضمان واسم فى السوق : اوبترا
الشكل الداخلى والخارجى اذواق دى حاجه ترجعلك بس رأيى الشخصى ان الاوبترا احلى واشيك من جوا والسيراتو احلى من برا
الاوبترا اوسع من جوا
استهلاك البنزين تقريبا زى بعض والثبات برضه زى بعض تقريبا لان فى الوزن قريبين من بعض والارتفاع عن الارض برضه الاتنين عاليين
مش عارف انا ناسى حاجه ولا لأ بس ياريت يكون كلامى فادك
وربنا يوفقك

**slayer** · 12-08-2008 04:16 PM

بص يا سيدى انا معايا سيراتو و اخويا معاه اوبترا و جايبينهم مع بعض فى نفس الوقت
الوبترا و السيراتو عربيتين بجد حلوين جدا
الاوبترا تتميز عن السيراتو بخامات داخليه افضل و صوت موتور و شكمان اهدى و سعر ارخص.
اما السيراتو تتميز عن الاوبترا بموتور اقوى و اكثر استجابه و الاستيبترونيك الرياضى و عفشه انعم بكتير
*عيوب الاوبترا:
- عفشه ناشفه نسبيا
- استجابه غير سريعه
- بتنزل بكاسيت عادى و الساوند سيستيم ردئ.
*عيوب السيراتو:
- صوت الشكمان عالى.
- الخامات الداخليه مش عاليه اوى

و على فكره يا جماعه الاوبترا مافيهاش abs زيها زى السيراتو و ده خبر شائع

و على فكره اما اخويا بيحب عربيتى اكتر من الوبترا بتعتو بيئوللى انها مشجعه للجرى و انعم

**m_zater** · 08-09-2008 03:59 PM

انا خلاص اخترت ههههههههههههههههههههههههه هههههههههههههه
جبت لانسر
محديش يقول ليه
بس كل اللي انا عاوز اقوله اني كنتي قررت اشتري اوبترا وانا في المعرض علشان خلاص كنت هدفع الفلوس لاقيت نفسي بقول انا هاخد لانسر
وربنا يباركلي فيها ويكفيني شرها
يارب