195000 ج كيا سبورتاج 2013 بزيادة 19000 صور ومواصفات واسعار

**محمد بدر** · 16-02-2013 09:45 AM

حبيبى يا أبوليلى
سبقتنى كان نفسى فى الموضوع ده
وانا عاملت موضوع تجميع لمواضيع السبورتاج طبقا وطلبك وما تم الأتفاق عليه ياريت تضيف ليهم هذا الموضوع الرائع جزاك الله كل خير
وبالرغم من هبل الأسعار فى حاجة غريبة ومش قادر أفهمها
كل ما سعر السبورتاج بيزيد يزيد الطلب عليها وده أتى عكس كل التوقعات
فوجئت ان الحجز بدل 6 أشهر أصبح الأن 7 أشهر
والناس مش رحمة فى ناس تنتظر فترة الحجز وناس بتشترى وتدفع 30 ألف جنيه أوفر
انا من وجهة نظرى المتواضعة وتفسيرا للحالة دية ممكن نضرب مثال
النهارده مثلا كيلو الصنوبر بكام ؟ بــ 500 جنيه
فيه ناس بتشتريه ولا لأ
طبعا فيه ناس كثير بيشتروه
وناس ثانية لو سعره بقى 50 جنيه برضو مش هيشتروه
إذا الموضوع ان فى حاجات كثير تقديرها يختلف من شخص إلى أخر - ولولا إختلاف الأزواق لبارت السلع
والزيادة فى الأسعار مش للسبورتاج لوحدها علشان منظلمهاش أعتقد ان الزيادة كانت لجميع أنواع السيارات وبإختلاف فئتها
شوف النهارده اللانوس والأفيو و الفيرنا والبيكانتو أسعرهم إيه مش الكورى بس
لو شوفت أسعار اليابانى والألمانى
هتلاقى الزياده كلها مشية فى منظومة واحدة
وانا من وجهة نظرى وخلال تجربتى للسبورتاج ولحبى الشديد لها بكل أمانة شايف انها مازالت منافسة وتستحق الأقتناء مقارنة بسيارات ثانية كثيرة نفس الفئة ولازم تجربوها علشان تحكموا عليها

**Land_Cruiser** · 16-02-2013 04:48 PM

هى عربيه حلوه فعلا بس مش لدرجه الاسعار دى خالص .انا عارف ان السوق كله غلى علشان ازمه الدولار و اغلبيه العربيات طلعت لرينج اسعار مش بتاعها خالص لكن فعلا لو حد بيفكر فى الفئه التالته بتاعتها هيلاقى نفسه بيفكر فى البى ام ال ٣١٦ مثلا موديل السنه و الفارق مش هيبقى رقم كبير و اعتقد ساعتها هتبقى البى ام هى الاختيار الاوقع. سؤال يفرض نفسه:: يا ترى بقى الاسعار الجديده دى فيها تسليم فورى و لا الناس هتدفع مقدم كبير و تستنى ٧ شهور حجز يا أما تشترى باوفر برايس يعنى على الثمن زياده ١٥ و لا عشرين الف كمان؟

**Batman372** · 16-02-2013 04:56 PM

المشاركة الأصلية كتبت بواسطة land_cruiser

هى عربيه حلوه فعلا بس مش لدرجه الاسعار دى خالص .انا عارف ان السوق كله غلى علشان ازمه الدولار و اغلبيه العربيات طلعت لرينج اسعار مش بتاعها خالص لكن فعلا لو حد بيفكر فى الفئه التالته بتاعتها هيلاقى نفسه بيفكر فى البى ام ال ٣١٦ مثلا موديل السنه و الفارق مش هيبقى رقم كبير و اعتقد ساعتها هتبقى البى ام هى الاختيار الاوقع. سؤال يفرض نفسه:: يا ترى بقى الاسعار الجديده دى فيها تسليم فورى و لا الناس هتدفع مقدم كبير و تستنى ٧ شهور حجز يا أما تشترى باوفر برايس يعنى على الثمن زياده ١٥ و لا عشرين الف كمان؟

كل الاسعار الجديده حجز و تسليم مش اقل من 3/4 شهور و يقال ان السبورتاج 7 شهور !!!!!!
يعنى يكون الدولار غلى ميت مره و بالتالى كل الاسعار وقت التسليم ...

**Land_Cruiser** · 16-02-2013 05:14 PM

المشاركة الأصلية كتبت بواسطة batman372

كل الاسعار الجديده حجز و تسليم مش اقل من 3/4 شهور و يقال ان السبورتاج 7 شهور !!!!!!
يعنى يكون الدولار غلى ميت مره و بالتالى كل الاسعار وقت التسليم ...

ايوة موضوع ال ٧ شهور ده كان لما السعر ارخص لكن بعد ما غليت الموضوع مبقاش مستحمل اوفربرايس كمان على الاسعار الفلكيه دى فكان عندى أمل انهم هيظبطوا موضوع الاستلام ده و ما يفضاش زى مسرحيه الانتظار ٧ شهور دى

**Samir Elshahawy** · 16-02-2013 08:06 PM

مع أحترامي الشديد للناس اللي بتتكلم و تقول أدفع ليه في كوري المبالغ دي ما أنا أدفع في بي أم و ألماني و أوروبي مع أحترامي أيضا للعربيات دي و لكن ..

أنتبهوا يا سادة كله زاد مش بس الكوري ..
يعني أقلها بي أم بكام ؟؟
و معلش اللي بيقول أدفع و الباقي قسط .. فكر في اسعار قطع الغيار و أنك هاتضطر تبيعها بعد شهرين تلاثة بسبب أسعار الصيانة و قطع الغيار ده غير سعر البنزين و الترخيص

**fares_311** · 16-02-2013 09:56 PM

المشاركة الأصلية كتبت بواسطة amdd

روعه فى الجمال
غباء فى الاسعار

صح

**zangry** · 16-02-2013 09:57 PM

المشاركة الأصلية كتبت بواسطة Samir Elshahawy

مع أحترامي الشديد للناس اللي بتتكلم و تقول أدفع ليه في كوري المبالغ دي ما أنا أدفع في بي أم و ألماني و أوروبي مع أحترامي أيضا للعربيات دي و لكن ..

أنتبهوا يا سادة كله زاد مش بس الكوري ..
يعني أقلها بي أم بكام ؟؟
و معلش اللي بيقول أدفع و الباقي قسط .. فكر في اسعار قطع الغيار و أنك هاتضطر تبيعها بعد شهرين تلاثة بسبب أسعار الصيانة و قطع الغيار ده غير سعر البنزين و الترخيص

معاك ان كلهم زادوا فعلا !

البي ام ب 279 الكيا ب 250 ! والهونضاي نفس الكلام ! مفرقتش كتير ؟ في مقابل عربية احسن بكتيييييييييييير منهم وتستاهل فلوسها

قطع الغيار الكوري مبقاش رخيص اطلاقا ! هو تيل فرامل الالنترا بكام!؟ ده غير الاداء

البنزين البي ام بتستهلك اقل من الهونضاي - كيا !؟

**Samir Elshahawy** · 16-02-2013 10:44 PM

المشاركة الأصلية كتبت بواسطة zangry

معاك ان كلهم زادوا فعلا !

البي ام ب 279 الكيا ب 250 ! والهونضاي نفس الكلام ! مفرقتش كتير ؟ في مقابل عربية احسن بكتيييييييييييير منهم وتستاهل فلوسها

قطع الغيار الكوري مبقاش رخيص اطلاقا ! هو تيل فرامل الالنترا بكام!؟ ده غير الاداء

البنزين البي ام بتستهلك اقل من الهونضاي - كيا !؟

أنهي بي أم و انهي كيا أو هيونداي ؟

لما بأقارن بأقارن فئة بفئة , مش هأقارن عربية سيدان بعربية suv

يعني معلش ماتجيش تقولي البي أم ارخص من الاوتوبيس

معاك أن البي أم عربية لا غبار عليها و تستاهل كل مليم يندفع فيها بس ... المهم تعرف تكمل و تصرف عليها بعد كده و كمان لو أنا عايز عربية أكبر من البي أم و مش قادر اجيب غير كوري مثلا أعمل ايه ؟

أما بالنسبة لأداء هيونداي و كيا ... أتحسن أوي عن الاول بس ناقص أن بعض الناس ممن أعتادوا علي قيادة الالماني و الياباني أن يعترفوا بذلك

أما أستهلاك البنزين فأقدر أقولك أن أستهلاك الالنترا علي سبيل المثال لا الحصر و من واقع تجربة كالتالي :
- داخل المدينة (حد أقصي و خاصة في القاهرة) : 10.0 لتر / 100 كم
- علي الطرق السريعة : 5.7 لتر / 100 كم بسرعة قصوي (90 - 120) كم/س
- متوسط أجمالي : (7.0 - 8.0) لتر / 100 كم

ياريت تقول لي علي أرقام استهلاك البي أم أو اي عربية ألماني مماثلة

مع خالص تحياتي لحضرتك

**zangry** · 16-02-2013 11:30 PM

المشاركة الأصلية كتبت بواسطة Samir Elshahawy

أنهي بي أم و انهي كيا أو هيونداي ؟

لما بأقارن بأقارن فئة بفئة , مش هأقارن عربية سيدان بعربية suv

يعني معلش ماتجيش تقولي البي أم ارخص من الاوتوبيس

معاك أن البي أم عربية لا غبار عليها و تستاهل كل مليم يندفع فيها بس ... المهم تعرف تكمل و تصرف عليها بعد كده و كمان لو أنا عايز عربية أكبر من البي أم و مش قادر اجيب غير كوري مثلا أعمل ايه ؟

أما بالنسبة لأداء هيونداي و كيا ... أتحسن أوي عن الاول بس ناقص أن بعض الناس ممن أعتادوا علي قيادة الالماني و الياباني أن يعترفوا بذلك

أما أستهلاك البنزين فأقدر أقولك أن أستهلاك الالنترا علي سبيل المثال لا الحصر و من واقع تجربة كالتالي :
- داخل المدينة (حد أقصي و خاصة في القاهرة) : 10.0 لتر / 100 كم
- علي الطرق السريعة : 5.7 لتر / 100 كم بسرعة قصوي (90 - 120) كم/س
- متوسط أجمالي : (7.0 - 8.0) لتر / 100 كم

ياريت تقول لي علي أرقام استهلاك البي أم أو اي عربية ألماني مماثلة

مع خالص تحياتي لحضرتك

بصراحة حضراتكم بتدوا العربيات دى اكتر من حقها بكتير !

اية اللى اتحسن؟؟ الشكل بس غير كده لأ :D

للأسف اداء سيئ ,, امان اسوء سعر مرتفع قطع غيار مش رخيصة ..ده بالنسبة للعربيات الاوروبي اللى في نفس فئة الالنترا - سيراتو 170-180 الف

في ال X1 وفي فئة منها كانت ب 289 الف ! مش فارقة كتير في السعر ( حتى لو قسط) بس الاداء والامان تفرق !

ده استهلاك ال 316 الجديدة .. اقل من الالنترا

Urban in l/100 km
7.7 - 7.6 [7.6 - 7.5]Extra-urban in l/100 km
4.8 - 4.7 [4.9 - 4.8]Combined in l/100 km
5.9-5.8 [5.9-5.8]

تحياتى ليك يابشمهندس

الموضوع: 195000 ج كيا سبورتاج 2013 بزيادة 19000 صور ومواصفات واسعار

LinkBack

أدوات الموضوع

عرض

-

-

-

-

المواضيع المتشابهه

99 الف كيا بيكانتو اوتوماتيك صور ومواصفات واسعار

89 الف جنيه سعر ByD f3 2013 صور واسعار ومواصفات

185 الف سكودا اوكتافيا 2013 صور ومواصفات واسعار

110 الف سعر كيا ريو بزيادة 10 الاف جنيه صور تفصيلية ومواصفات واسعار

صور ومواصفات واسعار بيجو 301 - 2013 الجديدة

الكلمات الدلالية لهذا الموضوع

المفضلات

المفضلات

ضوابط المشاركة