السلام عليكم انا استخدم سيارة شيفرولية اوبترا وهيا سيارة ممتازة لكن قابلني مشكلة ان احيانا وانا ماشي بالعربية اضغط بنزين ماتستجيب بسرعة تاخذ وقت كانها تفكر بس مش بتكرر كتير مش عارف دة اية سببة ياريت لو تقدروا تساعدوني وشاكر تعاونكم معي
عرض للطباعة
السلام عليكم انا استخدم سيارة شيفرولية اوبترا وهيا سيارة ممتازة لكن قابلني مشكلة ان احيانا وانا ماشي بالعربية اضغط بنزين ماتستجيب بسرعة تاخذ وقت كانها تفكر بس مش بتكرر كتير مش عارف دة اية سببة ياريت لو تقدروا تساعدوني وشاكر تعاونكم معي
وضح اكتر
السرعه بتكون كام وعدد لفات الموتور بيكون كام
والعربيه شكلها اتومامتيك
انت بتعمل كيك دون ولا بتضغط الدواسه اذاي
وشكرا
العربية مانيوال دايما لو حصلت تحصل في الغيار التاني يعني اكون علي 20 واجيب التاني اضغط علي البنزين تتكتم العربية ومفيش استجابة تاخد وقت ثم تستجيب وتمشي عادي
دى بتكون وساخة فى البنزين .... وبتسد الفلتر ... شيك على الفلتر اللى فى الحوض وكمان فلتر الطرمبة ..
واخر احتمال .... هيكون طرمبة البنزين قربت تبوظ ... وده بيكون على اساس نوعية البنزين وكمان التنك بيفضى كتير ولا لا ..
البنزين 95 انا في السعودية والتنك مش بيفضي خااالص وفلتر البنزين بغيرة علي طول هو فية فلتر تاني في الحوض
بصراحه مش عارف
طيب حاله الاسطوانه ايه
مش عارف اعرف ازاي حالة الاسطوانة
انا كان عندى نفس المشكله وطلع ان غطاء التكيهات مشروخ وبيجيب زيت على البوجيهات و غيرت الغطاء والجوان وجبت بوجيهات جديده و سلك بوجيهات جديده والحمدلله بقيت زى الفل لو عندك غطاء التكيهات سليم ومفيش زيت على المكنه يبقى
انشاء الله مش هتخرج عن البوجيهات وكبلتها
ممكن البوابه عايزه تتنضف وممكن فلتر الهوا محتاج يتنضف او يتغير ...
تحياتي
تسلموا علي الردود بس انا ملاحظ ان البوجيهات بتتحرق بسرعة ويطلع لونها اسود والمكان البيض محروق لونة بني كدة انا بمشي عليها 15000 كيلو فقط وغيرت الاسلاك اصلي من التوكيل والبوجيهات اصلي بردة بس مش عارف لية بتكون محروقة كدة
اللي يخلي البواجي تهبب في الانجكش اما الثروتل مردوم وساخه بحيث ان الحساسات بتقرا غلط فبتدخل بنزين اكتر من الهوا
او فلتر الهوا مسدود
او البخاخات بتسيل وتحتاج الى تنضيف
او البوجيهات نفسها سيئة...
بعد اذنك السياره موديل كام وماشيه قد ايه وآخر مره تم فيها صيانة كانت امتى؟
تحياتي
Sent from my SE Arc S using Forum Runner
السيارة موديل 2005 وتم تنظيف الرشاشات وفلتر الهوا وكل فترة احط سائل التنظيف في التنك السيارة ماشية 211980 كيلو وحاسس ان سحبها ضعيف يعني من صفر الي 100 في 16 او 17 ثانية هو اية الثروتل دة واشكركم والله كلكم لتعاونكم معايا
ما شاء الله العربية ماشيه حبه حلوين...
الثروتل هوا بوابة دخول الهوا حسب مقدار الدعسه وفي الاوبترا هي مض ميكانيكية ومش كهربائية هي سيمي
وليها طريقة معينه في التنضيف
هتفك الغطا الاسود اللي على المحرك
هي عبارة عن جسم معدني اسطواني الشكل موجود في آخر الماسوره الخارجه من فلتر الهوا...
هتفك المربط(الافيز) اللي فنهاية الخرطوم وتفك الخرطوم... حتبان قدامك...
هتشتري منظف اليكترونيات وده الأفضل في حالتك او الاختيار الاقل منظف الكربراتير البخاخ...
هتجيب فوطه نضيفه وترش عالبوابه وهي مغلقة وتمسح الوساخه بالفوطه...
كل ده عادي
اهم خطوة التنظيف الداخلي...
لازم حد تاني يكون معاك
هيفتح الكونتاكت (ماقبل تشغيل السياره وكل انوار التابلوه مضاءه) ويدوس دعسة البنزين عالآخر ويفضل دايسها...
انت في هذه الأثناء هتلاقى البوابة انفتحت امامك...
حترش من المنظف شويه مره مرتين تلاته حتلاقي الوساخه بتسيل لتحت اسحبها بالفوطه ورش رشتين (طبعا كل ده حسب مقدار هي وسخه قد ايه) وخليه يرفع رجله عن الدعسه ويشغل السياره....
السياره غالبا مش هتشتغل من اول ولا تاني مره وهذا طبيعي....
اول متشغل السياره قد تلاحظ ان الار بي ام عالي على 2 لوحده وهذا طبيعي
تدعسلك دعستين تلاته بنزين
ومن ثم اطفي السياره وبهذا تكون قد نضفت البوابة...
يفضل بعد هذه العمليه تغيير البواجي....
تحياتي
Sent from my SE Arc S using Forum Runner
بالمناسبة...
السياره الاوبترا تحديدا تسارعها مش عالي جدا لان ماتورها على حجمها يادوب ومتتوقعش منها انها تتسارع من 0-100في اقل من 13 ثانية في رأيي....
تحياتي
Sent from my SE Arc S using Forum Runner
تسلملي يا دكتور علي الشرح الرائع وهجرب ان شاء الله يوم الخميس او الجمعة واشكر كل من شاركو وساعدوني