عرض للطباعة
دلوقت انا روحت التوكيل و سمعته صوت كركرة او تكتكة المهم الصوت بيروح لما ادوس دبرياج و المهندس قاللى كل اللوجان كده فهل كل اللوجان كده
لو عشر اعضاء كتبولى ان عندهم نفس الصوت ده انا هاصدق و هاسد ودانى و احاول اتجاهل الصوت ده
مع العلم انى روحت مركز صيانة معتمد و قاللى ان الصوت ده بلية دبرياج و قاللى روح التوكيل و هيصلحوهولك
الصوت عندي قالولي نغير زيت الفتيس بس الصوت ممكن يزيد لان الزيت اللي في التوكيل مش زي زيت الفابريكة ... ده كلام واحد مهندس معرفة ليا في التوكيل ... هل صح او غلط ما اعرفش
iهو انت وقعت في ايد مهندس بهجت والا ايه!
الصوت موجود عندي فعلا
صوت وررره و كركره بيختفي مجرد ما تدوس دبرياج
في التوكيل فرع المقطم قالوا ان الصوت طبيعي و اللوجان كلها كدا
العربية عاملة حاليا 105 الف كم و الحمدلله الصوت زي ما هو و مفيش مشكلة ظهرت منه و اتعودت عليه خلاص
اللوجان مشكلتها معايا في الاصوت الغريبة اللي بسمعها منها زي الكركرة دي و كمان صوت ونه بيظهر عند سرعة 70 و 80 يظهرلو انا مثبت السرعة و بيختفي بعد ما السرعة تزيد او تقل عن كدا
متشغلش بالك و طنش
طب ايه موضوع زيت الفتيس ده حد جربه لو كده يبقى اسهل من اللعب فى بلية الدبرياج و الفك
و عندى سؤال هو ضمان الفتيس اد ايه ؟
انا حاسس ان من كتر الناس اللى اشتكت من الصوت ده التوكيل زهق و قرروا ان اى حد يقولهم عالصوت ده يردوا الرد المستفذ ده لكن الحقيقة ان الصوت ممكن يختفى لكن هما اللى مقصرين و مطنشين
تغيير زيت الفتيس ملوش اي تأثير وانا غيرته و معملش حاجة
الصوت دا يا اما في بلية الدبرياج او في الفتيس نفسه و فيه رأي بيقول انه من الديسك و الاسطوانه
بصراحة مش قادر احدد و لكني تعايشت معاه
ضمان الفتيس زي ضمان العربية 100 الف كم او 3 سنوات ايهما اقرب
انا عربيتي 2009 و عديت ال 100 الف كم يعني برا الضمان من الناحيتين
الصوت موجود عندي من 2010 و الدبرياج مفيش فيه اي مشكلة و العربية عاملة 32000 كيلو
خلاص كده يبقى المهندس معاه حق شكرا لحضراتكم و يا ريت لو حد عرف يحل الصوت ده يقول غير كده هاضطر اتعايش معاه
]دى بلية دبرياج انا غيرتها مع طقم الدسك والاسطوانة وعلى فكرة صوتها هيعلى ما تقلقلش بس انا لو منك اغيرها فى التوكيل انا كنت خارج الضمان
طبيعى
شكرا لاهتمام حضراتكم و ردودكم
حضرتك زى ما الأخوة أشاروا أنها صوت بلية أسطوانة الدبرياج أنا حأقول لحضرتك على الحل غير المفيد و بأكرر غير المفيد أنك تروح بنزينة مصر للبترول اللى فى شارع القصر العينى و تنزل زيت الفتيس و تقولله حط لى زيت تقيل مش فاكر رقمه يا أما 110 أو 120 و غالبا بيتحط للديزل و حتلاقى الصوت يقل بنسبة 60 % و بأكررر الحل ده ممكن يأذى ما يفيدش أنا جربته فى الشاهين أشتغل شوية و برضو الصوت رجع تانى لما الزيت خف شوية
لا انا عربيتى 2012 ومفيهاش الصوت ده الحمد لله