الموضوع: انا هرفع قضية على غبور

المشاركة الأصلية كتبت بواسطة hawary2

انا هرفع قضية على غبور بسبب سرقة العربيات الالنترا و عدم نزول عناصر الامان فى العربية مما يسهل على الحرامى سرقتها
ياريت لو حد يشترك معايا و نشوف هنعمل ايه فى الموضوع دة
شكرااا

ياباشا العقد شريعة المتعاقدين دي قاعدة فقهمية في القانون يعني الي اشترى وقع عقد مع الشركة او الموزع وفيه مواصفات العربية يبقى مالوش حق يعترض بعد كده

المشاركة الأصلية كتبت بواسطة mohamed_rhem

كانت اترفغت علي وكيل كيا اللي كل السرقات للاسف سيراتو وفيها امبوليزر

عزيزي سرقة السيراتو كانت كتير علشان ماكنش فيها ايموبيليزر وطبعا رقم المركبة "فين" الي كلنا خبيناه دلوقتي لكن اعتقد ان دلوقتي سرقة السيراتو قلة كتير عن الاول

المشاركة الأصلية كتبت بواسطة samir elshahawy

أحنا نعمل مظاهرة بعربياتنا قدام وزارة الداخلية و نقفل لهم مداخل الوزارة ساعتين تلاتة
- نعلق لوحات علي عربياتنا نطالب فيها الداخلية بتوفير الامن و منع سرقة السيارات
- نقعد داخل عربياتنا و نقفل الازاز علشان لو أستخدموا قنابل الغاز
- نقفل مداخل الوزارة بأعداد كبيرة من السيارات
- نضرب كلاكسات في وقت واحد و بشكل منتظم تعبيرا عن الاحتجاج

هههههههههههه عارف لو حصل كده هيجيلك بلطجية الداخلية ويكسروا العربيات على دماغ ماليكيها وتبقى مصيبة وبرضه هيقولك انت اشتريت ليه ياباشا فيه ناس عربيتها اتسرقت وراحت القسم تعمل محضر وسألوهم هتعملوا ايه وفيه خطة بحث قالولهم لو لقيناها بالصدفة هنبلغك مش انتم كنتوا عاوزين ثورة اشربوا بقى صدقني ده حصل

المشاركة الأصلية كتبت بواسطة mivec.a92

المفروض ترفع قضية علي الجهة المسؤولة في البلد انها تمنع اي عربية مفيهاش اقل شكل لمواصفات الامان انها تنزل

ياراجل ليه بس في ناس كتير ماتقدرش على العربيات دي وعاوز يشتري عربية متواضعة يعملوا ايه لو لغوها وكمان العربيات القديمة هتتسحب يعني لا لا ماينفعش

طالما في عربيات هيبقى فيه حرامية وسرقة سيارات بس السؤال ليه منتشرة العلاج في اهتمام الشرطة بالموضوع ولو مسكوا معظمهم هيقلوا لكن هو الي بيغتصب في التحرير بيتمسك والي بيخطف ويسحل ويعذب بيتحاسب انسوا

امسية طيبة