هل مهارات الاداره وراثه ام اكتساب ؟؟

**a_nbm** · 13-02-2013 02:44 PM

ازيكوا يا شباب
طبعا الموضوع باين من العنوان
انا مهندس صغير (5 سنين خبره)
فجأه وبقدره قادر بقيت مدير
المفروض كنت الاول ابقى جينيور
وبعدين تيم ليدر
وبعدين سينيور
ونتيجه لظروف معينه طلعت من جينيور ل سينيور على طول
عايز اعرف ازاي ابقى مدير ناجح
ازاي ابقى مدير شاطر
ازاي ابقى قائد لمجموعه
هل الصفات دي وراثه ولا بالأكتساب
ولو بالاكتساب
هل في كورسات تتقري ولا تتاخد

شكرا

**mohamed_selim** · 13-02-2013 03:03 PM

فى حاجات ممكن تكتسب و حاجات لأ
بس المشكله الحقيقيه فى وجهة نظرى فى الظروف اللى خلتك تنط النطه دى ... لو مجهودك و خبرتك يبقى مش مشكله لان ده هيساعدك كتير ... بس لو الخبره (التقنيه مش الاداريه) مش كبيره يعنى مثلا هتدير ناس شغاله فى حاجه خبرتك فيها مش قد كده يبقى فى مشكله من وجهة نظرى ... و طبعا الكلام ده ليه علاقه بسنك و انك ليك 5 سنين خبره بس .... بعد 10-15 سنه خبره ممكن بسهوله تدير ناس شغالين فى حاجه بعيده عنك بس مع الخبره القليله بيكون صعب

ربنا يوفقك

**maka** · 13-02-2013 07:52 PM

بالاكتساب طبعا من التعلم + الخبرة الحياتية

التعلم فيه كتب للادارة و فيه كورسات بس الكتب هتنجز معاك

طالما بقيت مدير لازم تتبع الحايد مع الجميع , التقييم تبعا للشغل المنجز من الاشخاص و ليس لعوامل اخرى

لازم تتمتع بمرونة و تكون عارف تشغل الجميع

لازم تحط قدام عينك 3 اهداف رئيسية تسعى للوصول ليها :

1- تسير الاعمال المطلوبة فى وقتها مع العمل على تطوير سياسة العمل من حيث السرعة و الكفاءة - اذا كانت تستدعى ذلك -

2- لو وارث مشاكل من المدير السابق تعمل على حلها تاخذ باسبابها و تحط لها كذا سيناريو للحل بالمناقشة مع الفريق

3- تحل مشاكل الافراد و دى بتزيد ثقة الفريق فى مديرهم و تعمل على دعمهم و تدريبهم - اذا استدعى ذلك - و متحاولش تحسسهم انهم مكن شغال و خلاص علشان ده بيؤدى لحاجة من 3 : اما عند او روتينية او تكاسل فى الشغل

اخيرا افهم فريقك كويس ووظفهم تبعا لمهارتهم و قدراتهم

و بالتوفيق