ياريت حد يقولي الاقي فين شريط الايرباج بتاع الياريس ..وممكن الاقيه برا التوكيل ولا لا وبالنسبه لزيت الفتيس يتفير علي كام كيلو وممكن اغيره بره التوكيل
عرض للطباعة
ياريت حد يقولي الاقي فين شريط الايرباج بتاع الياريس ..وممكن الاقيه برا التوكيل ولا لا وبالنسبه لزيت الفتيس يتفير علي كام كيلو وممكن اغيره بره التوكيل
الاستاذ شنوري قال لي ماتتكلميش في االسياسه وريحي دماغك فقلت اشغل نفسي باصلاحات العربيه .....الا من مجيب ???
احسن حاجة عملتيها
بس اهم حاجة ما تزعليش من
مداخلات امبارح
وكلنا فى الاخر اخوات
وممكن نتكلم فى السياسة بس بهدوء
وشكرا
يا ولكم يا ولكم
واهلاً بيكي كعضوة معانا في فريق تويوتا
بالنسبة لسؤالك عن تغير زيت الفتيس لو اتوماتيك. يفضل تغيرو كل ٤٠.٠٠٠ كيلو
ولو منيول. انتي وكرمك ممكن كل ٦٠.٠٠٠ او كل ٨٠.٠٠٠ كيلو
@@@@@@@@@
بالنسبة لشريط الايرباج انا مش فاهم بالزبط المقصود منو ايه. قصدك على الطارة ذات نفسها ولا كيس الايرباج ولا حاجة تانية
عامة هتلاقيها استيراد عند محمد علي في الحرفيين او عند العالمية في شارع دمشق او عند عرفة جابر كمان وارقام تيلفوناتهم موجودة هنا في المواضيع المثبته فوق. وتحياتي واهلاً بيكي في قسم تويوتا :)
العفو ياست الكل ... انا كنت النهرده في العالمية
قالولي مفيش حاجة اسمعها شريط اير باج ...
قلتلهم طيب الاير باج الي في الدريكسيون بكام قالولي ب 3500 جنية
والاير باج الي جمب السواق ب 2700
وطقم حزام الامان ب 3000 جنية
المهم مشكلة الكلاكس دي حاجتين يا فيوز محروق ب 10 جنية
يا الفيشة بتاعت الكلاكس ساقطة بسبب هزة الطريق الب هيا بيسموها ترامل الكلاكس ودي اي واحد ايدو طويلة يمد ايدو من ورى الاكصدام ويتبت او يتمم على الفيش وهيا ترجع تزمر وتبقى زي الفل وتحياتي
مشكوووووووووور وربنا يخليك ويكفيك شر احوال الشارع المصري في الشارع وعلي النيل موتورز
هههههههههه
اتمنى متغيريش رأيك فيا بعد ماتعرفي اني مع الرئيس وبحب الاخوان وضدد المعارضة هههههه ، اااه وعلى فكرة تلت قسم تويوتا ميولهم اخوانية وتلتهم فلوولية ودول عايشين ليل نهار في الشارع المصري ومبيجوش القسم هنا خالص غير كل عيد مرة وفي بقة التلت الاخير ده بقه حزب الماوس بيقلب المواضيع يتفرج بس ومشاركات مفيش :) وتحياتي ويا اهلاً بيكي في القسم الياباني :)
ماهو انا خليتها تدخل تويوتا علشان الكلاكس يتصلح
ولما تزهق من الشتيمه بالالفاظ تشتم بالكلاكس هههههههههههههههه
وطالما ميولكم اخوانيه
فانا مش معارض الاخوان انا معارض التخاذل
تروحوا كده بربطه المعلم تعملوا حاجه للبلد واحنا معاكم ياعم
والا حنقفل تويوتا علي اللي فيه وانا معاكم
ومقولكش حعمل فيك ايه ههههههههههههههههههه
هههههههههههه
اه منكم انتم يابتوع اسكندرية تلات تربع اسكندرية انتخبوا شفيق ههههههه حبيبي يا شنوري
واللهي ياباشا ولا مرسي ولا شفيق ولا الجني الازرق هيقدر ينقذ البلد دي من الي هيا فيه ... انا كان زمان اقترحت اقتراح اننا نحول مصر لممللكة ويكون حسني هو الملك بس على شرط يكون رئيس الوزراء بالانتخاب يعني مملكة ديمقارطية زي نظام بريطانية كدة ... اما تقلي ان البلد دي هينصلح حالها بالديمقراطية وبالمدادية والطبطبة لايمكن ابداً
احنا محتاجين ديكتاتور يحكم البلد دي بيد من حديد وبقبضة من فولاذ
شوف كل مايشكلو وزارة يقولك لا عاوزين وزارة تانية. وصدقني مش هنخلص ابداً ده وزير الداخلية لسه متعين وبيقولك عاوزين يشيلوه
هو لحق هههههه. ... طب انا راضي زمتك يا باشا لو كنت انتا مكان السيد الرئيس مرسي هتقدر تعمل اي مشروع يفيد البلد في ظل الظروف المهببة. والمعارضة الي موجودة في البلد ... بس صدقني لو البلد تهدى شووية واللهي انا متفائل خير في الراجل ده انو يقدر يعمل حاجة بس المعارضة دايما. بتقول فيها يا اخفيها علشان كده الرئيس مش قادر يعمل حاجة وتحياتي :)
يا خوفي تنقلوا الصراع الي فاحوال الشارع المصري
عندنا فالقسم الطيب ده والناس تتخناق هنا كمان
تويوتا متستهلش مننا كده هههههههه ..
يسمع من بوقك ربنا
ياااااااااااريت. الواحد يقوم من النوم ويلاقي البلد خست نص عدد سكانها .... ياريت
عارف ياباشا مش في فيلم كده بيطلع على ام بي سي تو بتاع فايروس ضرب البلد وتحول الاموات الى احياء وبقوا يكلوا لحم بعض عارف الفيلم ده ليه عدت اجزاء والي بتدور احداثوا في بريطانيا ... مش فاكر اسم الفيلم ايه
بس احياناً وانا بتفرج على سي بي سي او النهار ولا الحياة وبيحطو الكميرة على احداث الشغب والمظاهرات مش عارف ليه بحس نفسي بتفرج على الفيلم ده وان في فايروس ضرب مصر ... وبقوا الناس هايجين ليل نهار في الشوارع ويدمروا ويقتلوا ويحرقوا :) مش عارف حد يتفق معايا في هذا الرأي : ) وتحياتي
لقد وقعت في الفخ:36_7_4[1]:هههههه
مع الرئيس او ضد الرئيس انا رافضه مبدأ التقسيم اصلا ..انا عندي اسبابي وحضرتك عندك اسبابك واكيد احنا الاتنين مش هدفنا اسقاط مصر... بس تعرف انا بفكر ابيع التويوتا ههههه... وبقيت اقسام العربيات اخبارها ايه ؟؟؟طيب ماتعلموها يعني التويوتا حطه واعدوا والسيفين الخضر ..
تحياتي
باقي الاقسام من ده على ده
بس تصدقي فكرة حلوة نحط شعار تويوتا وتحتيه سيفين ونخلة في النص هههههههههههه
وبعدين يافندم تقسيم ايه ده كل المشاكل الي الرئيس فيها لرفضه تقسيم التورتة ويدي لكل القوى السياسية الي عاملين نفسهم قوى حتت تورتة. لان مصر مش تورته علشان نقسمها عليهم ، بس هما مش مقتنعين وكل واحد بيقول لا مليش دعوه انا عاوز حته ... طيب الرئيس هيجبلهم تورته منين والتورته من كتر ماهيا بره التلاجة ساحت ونشفت وقشيفت ... يقولهم طب نعمل انتخبات تشريعية لمجلس الشعب وهما يحددوا هنعمل ايه في التورته الخربانة البايظة دي يقولوا لا ملناش دعوة انتوا كتير وهتكلوها كلها لوحدكم ... ياعم الحج هناكول ايه بس. بقولك التورته باظت بااااااااظت ومحتاجين. نلحقها قبل ما تخرب كلها مفيش فايدة. وانا اسف اني شبهت مصر حبيبتي بالتورته بس المعارضة شايفينها تورته عاوزين يلهفوها ... وبسئل نفسي سؤال هو لو المعارضة هيا الحاكمة في مصر وهيا السلطة ياترى هتسمح بالمشاركة او تدعوا للحوار اساساً مع الاخوان ... اذا من دلوقتي بيقولك الجماعة مش شرعية ، ودخلو البلد في مهاترات ملهاش لزمة شرعي ولا مش. شرعي هو شورت هنطولوا شوية تحت الركبة علشان يبقى شرعي ولا مش شرعي .
المهم. انا مش شايف للموضوع حل او نهاية انا شايف ان في صراع على السلطة
رئيس منتخب ، وناس حوليه يا نحكم معاك يا نبهدلك الدنيا ونهيجلك البلد وعلينا وعلى اعدائنا
والنتيجة. اعتقد كلنا شايفينها كل يوم قتل كل يوم حرق كل يوم مظاهرات كل يوم اعتصمات كل يوم مشاكل وحرق مقرات ... لغايت ما الرئيس يقولهم تعالوا يا حبايبي عاوزين ايه تيجو تقعدوا انتوا في القصر واروح انا اقعد في بيتنا ههههههه ، ماشي مفتاح القصر اهو. بس والنبي كلو والعبوا واسهروا براحتكم ... وبعد ماتخلصوا ابقوا طفوا النور واقفلوا باب القصر وراكم ... وكل واحد تلاقيه فاتح بوقوا ومنشكح ويقلك الشعب يريد. والشعب يريد ياعم الحج الشعب مش عاوز حاجة ولا يريد شيء اهمدوا انتوا بس وريحونا هههههههه
وبعدين فاكرك حضرتك ايام مكنا عيال وكان الاتاري ابو جدون اسود ونقطة حمرة لسه طالع ... وكانت الساعة بجنية. لمن كنا نقعد نلعب مع بعض تبصي تلاقي العيال تتخانق لا ده دوري والتاني يقول لا ده دوري ولمن يجي عمو صاحب الاتاري ويقول لا الدور دور مرسي دلوقتي. تبصي تلاقي حمدين وشلتوا يعمل نفسوا انوا روحو رياضية ويقول ماشي ويقعد ساكت قال يعني هيتفرج على اللعب ... وكل شوية يقوم حمادة. يقول لمرسي لا لا لا انتا شكلك مبتعرفش تلعب وريني وريني الجدون كده وانا اوريك اللعب ازاي يقوم مرسي يقول اسكوت شوية خليني اعرف العب. يقولوا تلعب ايه ياعم حد يلعب كده ههههههههههه فاكرة الايام ده ويقعد حمادة يغلوش على مرسي لغايت مايعمل جيم اوفر ويقلووا شفت بقه انتا مبتعرفش تلعب ازاي. يالله يالله دوري بقه وهيا دي يا عزيزتي الي اسمها ( اللعبة السياسية )
ومصر بقت جيم اوفر من قبل ما تحصل فيها ذرت تنمية وحدة وتحياتي واسف على التشبيه بس ارجو تكون الفكرة وصلت :)
حضرتك خدتني بره موضوعي خالص انا لا مع معارضه ولا مع اخوان ولا مع رئيس فقد مصداقيته بالنسبه لي . ولا حتي مع دسته الجاتوه ماهي مصر حالها دلوقتي ما تجبش حتي تمن التورته
يطلع يقولك احترام القانون وهو اول واحد يغثصب سياده القانون هناك 7 احكام اداريه لم تنفذهم الحكومه حتي الان
حلف علي احترام الفانون وسيادته وخالفه بعوده المجلس الهزلي المنحل بضعط طبعا من الجماعه المباركه .. وبعدين يطلع واحد يقولك الرئيس هيصوم . ووووووووي حكايات كنير ده مش مكانها وتعبت من الكلام فيها ..
النهايه شكرا لنقاشك الموضوعي واتشرفت بمعرفتك وندعوا الله ان يهدي الجميع الي مافيه خير مصر
نرجع للموضوع يا جماعه انت نقلتم احوال الشارع المصري هنا ولا ايه ههههههههههههه
بالنسبه لشريط الايرباج عشان بس متجيبهوش على الفاضي الاول هو لمبه الايرباجز منوره عندك ولا طافيه ؟
لو منوره على طول يبقى فعلا كده شريط الايرباج وه له حلين هقولهم بعدين
لو مش منوره يعني بتنور وتطفي تاني عادي يبقى كده الشريط سليم مش مقطوع وكده ممن الكلاكس يكون اتحرق او الفيوز بتاعه معلق او بايظ ودي حاجه بسيطه اي كهربائي يعملها
طيب لو لا قدر الله الشريط مقطوه يبقى قدامك حل من اتنين الاول انك تشتريه جديد وهيكون غالي طبعا او استيراد
التاني انك تشوفي واحد بيفهم يلحمه ليكي بس عاوز كهربائي شاطر عشان يلحمه صح
فانتي هتحدددي هتعملي ايه بناءا على لمبه الايرباجز منوره على طول ولا بتطفي ؟
يعني لمبه الايرباج مش بتنور خالص ؟موضوع اللحام انا عمله عندي في عربيتي
انا عمله عندي في المنصوره
بس انتي المفروض تتاكدي الاول انه شريط الايرباج
هو حضرتك من بورسعيداصل اكيد في ناس هناك برده بدل المشورار
انا بنةل تامره احياناوتاناس بتشكى في الصناعيعة عندوا
عزرا لللخبطه
انا بنزل المنصوره واسمع من ناس ان الصناعيه شاطرين عندكوا.
نحتاج دعواتكم ببورسعيد لعل الله يتقبل منكم
ممكن تشوف الموضوع دا تاخد فكرة عن شريط الإيرباج
http://www.nilemotors.net/Nile/304678-a.html
السلام عليكم
ياريت يا جماعة لو سمحتم تليفون او عنوان الكهربائئ اللى بيصلح شريط الأير باج فى المنصورة و شكرا