الموضوع: اول مشاركه ليا

توكل على الله ياباشا وافحصها كويس اوى ومتقلقش من الاسبيرانزا معايا من سنتين m11 وماشاء الله متتكلمش عالثبات ولا الارتفاع ولا الصاج والا الاوبشن كان ليا واحد صاحبى مكنش عاحبه السيارة لمجرد انها صينى رغم اقتناعه بادائها جدا اشترى من شهرين شفرولية لانوس 2013 وكم المعاناه الى بيعانيه وعاوز يعليها عن الارض لان المطبات مبهدلاه ومعقداه ودلوقت بقى بيحترم عربيتى الm11 وعرف قيمتها حقا وصدق

المشاركة الأصلية كتبت بواسطة aldesha989

العربيه موديلها مش قديم علشان صاحبها يلحق يزهق منها ويبيعها انا بصراحه كان قدامى واحده حالتها مش بطاله بس بفتح الكبوت لقيت ولاعه يعنى شغال ليل ونهار فيها
الباب مش بيفتح
عايزه حساسات
تمنها 34 الف

طبعآ التمن ده كان يبقى معقول لو هى لسه على السعر القديم لكن سعرها دلوقتى 58 او 60
فنصيحه منى لو عايز تشترى الاسبرانزا اشتريها جديده

انا كنت هموت عليها برضه لانها عاليه وكماليتها جميله بس ما احبش اخدها وتمرمطنى معاها

او بص على حاجه تانيه تكون حلوه زى فيات سيينا 1600 سى سى او رينو كليو 2003 او

2004

اه الرينو قطع غيارها عاليه شويه بس ثباتها اوعى وشك

والسيينا بصراحه انا ما اعرفش ثباتها عامل ازاى بس كل الناس بتشكر فيها

انا غلطت عمرى انى اتهاونت فى اللى انا عايزه لما كنت بجيب العربيه لانى كنت عايز اجيب يا دايو يا رينو يا سيينا وللاسف لبست نفسى فى مازدا 121 اه العربيه مش وحشه بس مش زى العربيات التانيه الحمد لله

صلى استخاره وحط قدامك اختيارات كتير وما تستعجلش انا استعجلت وندمت بصراحه