مقارنة ال v5 بالكارينز ..... هل ينفع ام لا ؟!

عرض للطباعة

13-02-2013, 05:37 PM
ashouhdy

مقارنة ال v5 بالكارينز ..... هل ينفع ام لا ؟!

انا عملت موضوع كاتب فية صدمتى فى التقفيل

دلوقتى ممكن الفروقات من وحوش المقارنات بتوعنا

انا حصور نفس الاجزاء فى الكارينز بتاعت اللحمات ونقارن

ال v5 حسب ماقريت انها موتور مايفيك ميتسوبيشي الجيربوكس والتكييف يابانى

العفشة تصميم المانى .

الفروقات فى الامان البريليانس فرامل ebd bas ومانع انزلاق asr يعنى العجل ميفركش
4 ايرباج
العفشة تورشن بيم
الكماليات الزيادة البصمة زرار ستارت اينجين
التابلوة جلد او فينيل مش بلاستيك

اللى يهمنى فقط العلو عن الارض 175مم

الكارينز موتور اضعف بس عفشة مالتى لينك
اوسع
اوطى علي الارض 155مم
الفرامل abs بس
2 ايرباج بس

ممكن تيفيدونى افادكم الله

متطلباتى للتغير العلو تكون العربية عفيية فى المطبات والطلوع علي الرصفان والشوارع المدغدغة
بسافر كتير جدا الصحراوى متدغدغ العامرية عندنا كائنك فى جبل

مش عايز ابهدل الكارينز
عايز عربية ادوس بنزين فى الدغدغة ميهمنيش ونفس الوقت تكون عزامل امان اوتوماتيك

طبعا زيرو

فرق السعر عربيتى ممكن تجبلى 140الف مستريح حيتبقى 10الاف عاي البريليانس حقسطهم

اية رأيكم

حضيف الصور بتاعت لحامات الكارينز بعد ساعة

مستنيكم
13-02-2013, 05:46 PM
ashouhdy

فين الوحووووووش

Sent from my GT-N7100 using Forum Runner
13-02-2013, 06:05 PM
zangry

رأيي مستهلش انك تغير .. لو حبيت تغير يبقي تجيب قشقاي دى احسن حاجة بس هتزود شوية !
13-02-2013, 06:24 PM
ashouhdy

اقتباس:

المشاركة الأصلية كتبت بواسطة zangry

رأيي مستهلش انك تغير .. لو حبيت تغير يبقي تجيب قشقاي دى احسن حاجة بس هتزود شوية !

مش شوية خااالص القشقاى ب 200الف :_Alshmokh11::brn::beatbrick:

انا بتكلم فى 10 تلاف مش 60 الف زيادة !
13-02-2013, 06:28 PM
ashouhdy

http://i1052.photobucket.com/albums/...psacff97b0.jpg

http://i1052.photobucket.com/albums/...ps06744f55.jpg

http://i1052.photobucket.com/albums/...psa0114e1f.jpg

http://i1052.photobucket.com/albums/...ps243ba659.jpg

http://i1052.photobucket.com/albums/...ps1f49de82.jpg

http://i1052.photobucket.com/albums/...ps84de9d55.jpg
13-02-2013, 06:29 PM
zangry

اقتباس:

المشاركة الأصلية كتبت بواسطة ashouhdy

مش شوية خااالص القشقاى ب 200الف :_alshmokh11::brn::beatbrick:

انا بتكلم فى 10 تلاف مش 60 الف زيادة !

انا اخر حاجة سمعتها 180 ! :d .. اللى ب 200 دى تسليم فوري .. متهيألى برده البريليانس

تسليم بعد شهرين !
13-02-2013, 06:34 PM
ashouhdy

لا لااااا بقت ب 200الف !!!
البريليانس 153 تسليم فورى 150 تستنى
13-02-2013, 06:57 PM
أحمد عبدالله

ما هو السعر الرسمى للقشقاى استلام فورى وما هو سعر الرسمى
13-02-2013, 07:03 PM
AlGazar2

فى رأى متطلباتك عايزه سوبارو xv عربيه عاليه و عفشه تستحمل و تدوس و ما تخافش عليها

او تجيب حته رانجلر مستعمله بس معرفش هتكون موديل كام

ال v5 كويسه بالنسبه للصينى و انا شوفتها و تقفيلها مقبول مش متميز بس حلو بس تخاف من ان انت تدوس عليها و تستحمل دى
13-02-2013, 07:17 PM
ashouhdy

الفلوس .... انا مربوط ب 155الف مقدرش ازود عنهم

ال v5 عفشتها او متستحملش رملة ودغدغة وكدة ولا اية ظ
13-02-2013, 08:28 PM
2CODE

ياراجل بتقارن بريليانس بكيا ؟
13-02-2013, 09:07 PM
ashouhdy

كل ما اقول لحد يقول دى صينى واذاى

حتى فرق الصور مش قادر ابلعة !
14-02-2013, 01:07 AM
smsm159753

ال v5
روح شوفها بيعينك واركبها
انا شفتها وحاجزها وهيجيبها كمان
العربية رهيبة جداا
تقفيل محترم جدااااااااا
تابلوه ومساحة داخلية كبيرة جدااا
شنطة واسعة جدااا
صاج متين ومحمل جدا
شوفها في التوكيل وافتح الكابوت كدا وشوف تقله قد ايه
العربية متميزة جداااااااااااا
وسعرها لفئتها حتي بعد غلوها يجعلها صفقة رابحة برضه
ونصيحة اخوية سيبك من الكلام اللي بيقلك كيا وكوري احسن من الصيني
روح شوف دي وجربها الاول وانت هتحكم بنفسك لان اغلب اللي بيتكلم مش جرب العربية فعليا
العريبة مش مجرد شكل كويس ولا فكرة اصله الكوري كل سنة بيعمل شكل جديد وجديدة كليا والكلام الاونطة دا
شكرا
14-02-2013, 02:13 AM
AlGazar2

طيب ما تفكر فى التريوس يا باشا عربيه عاليه و فى اعتقادى تستحمل البهدله

و اى عربيه ممكن تمشى فى الرمله و تدوس فيها و تمشى على طوب و زلط ( النوبيرا بتعملها عادى مع عيب المقصات الشهير بتاعها )

بس على المدى الطويل بقى ممكن العربيه تتخلع من بعضها تابلوه و كده يعنى فانت عايز عربيه عفشتها تستحمل و تقفيلها يستحمل برضه

فى رأى شوف عربيه جيب رانجلر مستعمله ( معرفش هتبقى فى حدود كام ) لو تقدر تستحمل بنزينها

غير كده يبقى خليك فى الكارينز لان فرق ال 2 سم مش هيفرقوا كتير بين الكارينز و البريليانس غير ان الكارينز سعرها فيها و البريليانس هتجيبها زيرو و لو حبيت تبيعها هتبقى بخساره كبيره
14-02-2013, 07:40 AM
amribrahim

بلاش الصيني ... كفاية الصور ديه مصيبة أنا في حياتي ماشفت تقفيل بالمنظر ده ... الصيني مش هيستحمل الشغل
14-02-2013, 02:01 PM
مدحت البلبيسى

السلام عليكم هانصحك نصيحة اخوية قبل اى شىء ماتديش ودانك لحد ماجربش اى عربية انت بتسال عنها الى جرب بس اولا لان الشعب المصرى بيحب الفتى والتقليد فقط لاغيرالا من رحم ربى

ثانيا//انا معايا بريليانس v5ومش هقولك انا كنت بقارنها باالكارينز مع احترامى ليها لا انا كان معايا فلوس الفانتازيا واخترت البريليانس وناس كتير هتقول ياسلام والكلام دة وانانازل من كورى ويابانى ومش مشكلة مادية خالص المهم مقارنة بالكارينز مافيش مقارنة الا ان الكارينز اوسع شىء بسيط غير كدة كل المميزات والكماليات والامان والشكل والرفاهية والعلو وقوة الماكنة للبريليانس ونعومة العفشة وقوة العربية للبريليانس
انا عامل لحد النهاردة14000 الف فى 4 شهور وبمشى بحكم شغلى فى مختلف الطرق الى ممكن تتخيلها ومش هاقولك عن قوة الماكنة انى غزيت السيراتو والالنترا والفيرنا والفانتازيا والقسقاى والكارينز والسول والاسبورتاج الى هية 140 حصان قسما بالله ومن يومين شديت مع سيراتو كوبية عديتة ووقفت على المطب وهوة زحف وكسر الاكصدام بعد مااكل المطب انا مابقولش ان البريليانس احسن عربية لا عربية معقولة وكويسة وواسعة وعالية وماكنة حديثة وقوية ورفاهية وعفشة ناعمة وعالية وثبات عالى جداجدا وفرامل قوية جداجدا ومعقولة بالنسبة لسعرها وتقفيلها انا اخدت العين والعربية اتخبطت انا ماصدقتش العربية التانية الى حصلها كان صعب واحترمت البريليانس وصاجها وقوتها نصيحة لوجة الله عربية محترمة واسال الى جربوا وانا بحمد ربنا انى جبتها وجيرانى كان معاهم كارينز اتنين باعوا وجابوها والله العظيم لانى قبل مااشترى اوعى الصينى اوعى الصينى مش كل الصينى ياجماعة البريليانس عربية محترمة والككيا برضة محترمة وكل عربية ليها مميزات وعيوب
المهم كل شخص يجرب ويشوف هوة عايز اية ويجرب بنفسة ويكون مقتنع وماتديش ودانك لحد الا الى جرب العربية وكل العربيات حلوة وكل عربية اكيد فيها عيوب انت فى مصر ياعزيزى والقرار الاول والاخير ليك طبعا وتحت امرك فى اى سؤال ولو حبيبت تجرب العربية كمان انا تحت امرك لانى عارف الحيرة وحشة وربنا يوفقك ويوفق الكل يارب للى فية الخير والصلاح ويكفيك شر عنين الناس وشر الطريق والسلام عليكم
14-02-2013, 02:14 PM
ashouhdy

أ/ مدحت شرحت فوفيت :)) كلام رائع بجد ربنا يباركلك فيها
14-02-2013, 02:25 PM
Batman372

خليك فى الكارينز !!!
14-02-2013, 03:29 PM
AHMED_HAMDY

البريليانس ثم البيليانس ثم البريليانس v5 v5 v5
استاذ مدحت انا جربت عربيته وبصراحه انا مجليش قلب اني امش في حتت مش مسفلته مدغدغه ققالي انزل وركب وداس من غير سنه فرمله ولا اكني ماشي في الحتت دي بجد ولا هتحس باي حاجه والكلام ده كان لسه عامل 4000 كيلو يعني العفشه لسه ناشفه كمان

الجري ما شاء الله عليها بجد اتغابه هتشوف غباء العربيه بجد

انا لسه والدي خالا بيكلمني بيقولي نروح نحجزها الايام دي معا اننا كنا هنحجزها ايام 136 الف بس كل شئ نصيب

وربنا يوفقني وامتلكها قيب ان شاء الله بجوار هوندتي العزيزه :]

نصيحه بجد العربيه دي ممتازه ومحترمه ومحدش يشوف الكلام اللي بتقال غير ببعد التجربه
14-02-2013, 04:35 PM
smsm159753

بعد كلام الاستاذ مدحت واستائ احمد حمدي
لو مش عاجبك العربيية بعد دا كله
عندك التيريوس والتيوتا الافانزا لو هتمشي علي كلام الناس اللي بتقلك بلاش الصيني
وعلي فكرا من التوكيل بتاع بريليانس جايله 1000 عربية جديدة منها 500 بس v5
شكرا
14-02-2013, 05:38 PM
ashouhdy

ان شاء الله قريب الدولار ينزل والسعر يقل وكل الاسعار تنزل نستنى علي الصيف نشوف الاسعار حتوصل لفين. دى الفيرنا بقت ب 85الف

Sent from my GT-N7100 using Forum Runner
16-02-2013, 12:31 AM
Mohyeldin1974

اقتباس:

المشاركة الأصلية كتبت بواسطة ashouhdy

ان شاء الله قريب الدولار ينزل والسعر يقل وكل الاسعار تنزل نستنى علي الصيف نشوف الاسعار حتوصل لفين. دى الفيرنا بقت ب 85الف

Sent from my GT-N7100 using Forum Runner

فى رايى الشخصى المتواضع
عربيتك مفيهاش مشاكل ، V5 حسب ماشفتها وسمعت عنها صفقه رابحه
ولكن هل سوف تفى بمتطلباتك
وبعدين من امتى اللى بيغلى بيرخص تانى:_Alshmokh11:
تمنياتى بالتوفيق
16-02-2013, 01:23 AM
ashouhdy

شكرا للنصيحة
فعلا الفرق بينهم 2 سم مش كفاية

ربنا يسهل وانقل لقشقاى مستعملة نضيف

Sent from my GT-N7100 using Forum Runner
19-02-2013, 11:50 PM
smsm159753

انا الحمدلله بقيت من ملاك v5
لو نااااااااوي مش هتندم ابدااا
وعلي فكرا انا جايبها بسبب واحد صديق شكر فيها جداااا برضه
وما شاء الله تستاهل كل جنيه اندفع فيها حتي بعد ما بقت ب 150 الف
شكرا
22-02-2013, 05:31 PM
أحمد جاد

الحمد الله أنا أستلمت السيارة بريليانس v5 و كمان اصبح متوفر الفرش الداخلى بييج و اسود ,,, العربيه ممتازه و فعلا فى المطبات ناعمه جدا ,, انا الى كان شجعنى انى اجيبها تقرير الدكتور مدحت مع أحمد حمدى .. و أنا لى رأى فى الصينى ... أسؤلوا أنفسكم الكمبيوتر اللاب توب أى ماركه محترمه متصنع فيين ... معظمهم تصنيع الصين تحت رعايه الشركه الاصلييه .. يعنى المهم ضبط الجوده ... الصين فيها من نفس المنتج عدة درجات للجودة .. طبعا معروف ان بريليانس مصنعه فى نفس مصنع bmw .. وعلشان تعرفوا ان جوده v5 فى صور السياره من الصين لا يوجد بطانه لعزل الصوت فى الكبوت الامامى ولكن النوع الى نزل مصر البطانه موجودة ... بالتوفيق للجميع
22-02-2013, 05:45 PM
amribrahim

اقتباس:

المشاركة الأصلية كتبت بواسطة أحمد جاد

الحمد الله أنا أستلمت السيارة بريليانس v5 و كمان اصبح متوفر الفرش الداخلى بييج و اسود ,,, العربيه ممتازه و فعلا فى المطبات ناعمه جدا ,, انا الى كان شجعنى انى اجيبها تقرير الدكتور مدحت مع أحمد حمدى .. و أنا لى رأى فى الصينى ... أسؤلوا أنفسكم الكمبيوتر اللاب توب أى ماركه محترمه متصنع فيين ... معظمهم تصنيع الصين تحت رعايه الشركه الاصلييه .. يعنى المهم ضبط الجوده ... الصين فيها من نفس المنتج عدة درجات للجودة .. طبعا معروف ان بريليانس مصنعه فى نفس مصنع bmw .. وعلشان تعرفوا ان جوده v5 فى صور السياره من الصين لا يوجد بطانه لعزل الصوت فى الكبوت الامامى ولكن النوع الى نزل مصر البطانه موجودة ... بالتوفيق للجميع

يا باشا حرام عليك تقول الكلام ده مع احترامي ليك بس مش المفروض يعني لو هي بتتقفل في مصنع bmw يبقى الفنش بتاعها يبقى أحسن من كدة بكتير ... عيب أوي الفنش بتاع الصور ده و
كمان حوار اللحام ده فضيحة ده المصري مش هيعمل لحام بشكل ده
23-02-2013, 07:29 AM
أحمد جاد

اقتباس:

المشاركة الأصلية كتبت بواسطة amribrahim

يا باشا حرام عليك تقول الكلام ده مع احترامي ليك بس مش المفروض يعني لو هي بتتقفل في مصنع bmw يبقى الفنش بتاعها يبقى أحسن من كدة بكتير ... عيب أوي الفنش بتاع الصور ده و
كمان حوار اللحام ده فضيحة ده المصري مش هيعمل لحام بشكل ده

الاخ الفاضل انا لم أذكر ان الفنش أحسن من bmw أنا بتكلم عن ظبط الجودة و الخامات المستخدمه فى التصنيع
23-02-2013, 01:53 PM
amribrahim

اقتباس:

المشاركة الأصلية كتبت بواسطة أحمد جاد

الاخ الفاضل انا لم أذكر ان الفنش أحسن من bmw أنا بتكلم عن ظبط الجودة و الخامات المستخدمه فى التصنيع

جودة إيه إلي حضرتك بتتكلم عليها ديه لما اللحام يبقى بشكل ده أو الفراغ تحت العجلة السواقة

أنا مش بهاجم حضرتك أنا بتكلم على إن العربية ديه طلعت مقلب أنا كنت معجب بيها بس لما شفت الصور و بعد لما كمان عرفت إن حوار اللحام ده طلع في عربية تانية في توكيل تاني رحت قافل من العربية ديه
23-02-2013, 03:39 PM
ashouhdy

ياجماعة ربنا يبارك لكل واحد مبسوط بعربيتة
ممكن اللى انت شايفة وحش هو ولايفرق معاة

بلاش نذعل حد من عربيتة وكلها وجهات نظر وحاجة مقابل حاجة

Sent from my GT-N7100 using Forum Runner
23-02-2013, 04:17 PM
Hmatchy

من الاخر بقى ومن واحد راكب بريلليانس fsv سنتين ونص الحمد لله اقدرر اقول فعلا حرام تقارن الكيا بالبريلليانس زى ما قلك احد الاعضاء
لسبب الكيا بتبيع بتلات حاجات الاسم و الشكل واعادة البيع
لكن لو هتقارن كا عربية ركوبة و امان يبقى هات بريلليانس لان عربيتى اللى ب 75 ( وقت ما اشترتها ) ثباتها و فراملها وسائل الامان فيها و متعة سواقتها احسن من الكيا سيراتو اللى كانت ب 120 الف ( وقت ما ركبتها)
انا ركبت فيرنا و افيو و سيراتو و ريو هاتش باك والله ولا واحدة فيهم نزلت منها و ندمت على عربيتى بالعكس كانت بتوحشنى ركوبتها
فكك من اللى بيقولك بريلليانس صينى والكلام ده كل اللى بيقول كده حاطط قدام عينه الحجات ام 2.5 وبيتكلم عن اساسها
لكن اللى ركب وجرب و مش شرط تكون عربيتو بيشكر فيها لانها ركوبة اعلى من الكورى وبسعر اقل منو بكتير
واظن فى احد الاعضاء عرض عليك التجربة وهى خير دليل و فى الاول و الاخر استخير ربنا يقدملك اللى فيه مصلحتك
على فكرة 2 سم يفرقوا جامد اوى فى البعد عن المطبات من اسفل السيارة متستهونش بيهم
24-02-2013, 06:23 AM
أحمد جاد

اقتباس:

المشاركة الأصلية كتبت بواسطة amribrahim

جودة إيه إلي حضرتك بتتكلم عليها ديه لما اللحام يبقى بشكل ده أو الفراغ تحت العجلة السواقة

أنا مش بهاجم حضرتك أنا بتكلم على إن العربية ديه طلعت مقلب أنا كنت معجب بيها بس لما شفت الصور و بعد لما كمان عرفت إن حوار اللحام ده طلع في عربية تانية في توكيل تاني رحت قافل من العربية ديه

الاخ عمرو أولا تحياتى لك ... و ثانيا أنا اعتبر الصور و غلاطات اللحام عيب مهم و أشكرك لانى أول حاجه عملتها أنا اننى فحصت نفس الاماكن فى السياره الى استلمتها و الحمد الله وجدتها مختلفه تماما ... و على العموم السياره لسه جديدة فى مصر و بأستخدام الاعضاء و تقليقاتهم زى حضرتك ... هى الى هتقول سوق السيارة دى كويس و ماشيه فى مصر ولا أيه ...
28-02-2013, 01:03 AM
nouranwar

دكتور احمد شهدي شفت حضرتك امبارح عند بيانو :) كنت عايز اسلم عليك بس بصراحة اتحرجت :(
01-03-2013, 02:02 AM
nouranwar

اقتباس:

المشاركة الأصلية كتبت بواسطة nouranwar

دكتور احمد شهدي شفت حضرتك امبارح عند بيانو :) كنت عايز اسلم عليك بس بصراحة اتحرجت :(

لتاني مرة عند بيانو النهاردة يا دكتور
كنت مستني تخبط فيا و انت بترجع لورا :049: علشان كنت راكن وراك :)
02-03-2013, 02:43 PM
amribrahim

اقتباس:

المشاركة الأصلية كتبت بواسطة أحمد جاد

الاخ عمرو أولا تحياتى لك ... و ثانيا أنا اعتبر الصور و غلاطات اللحام عيب مهم و أشكرك لانى أول حاجه عملتها أنا اننى فحصت نفس الاماكن فى السياره الى استلمتها و الحمد الله وجدتها مختلفه تماما ... و على العموم السياره لسه جديدة فى مصر و بأستخدام الاعضاء و تقليقاتهم زى حضرتك ... هى الى هتقول سوق السيارة دى كويس و ماشيه فى مصر ولا أيه ...

الأخ الفاضل أحمد جاد

أنا مش قاصد تجريح أو تريقة على أي عضو هنا احنا في الأخر إخوة .. أنا بس إتصدمت في العربية ديه لما شفت الصور و لما عضو هنا صور العربية و صور اللحام قلت ديه فضيحة بجلاجل إن عربية تطلع من المصنع بشكل ده مع العلم إن بريليانس المفروض تبقى أحسن حاجة في صيني

مبروك على العربية و يكفيك شرها :tumb:
16-05-2013, 02:36 PM
ashouhdy

اقتباس:

المشاركة الأصلية كتبت بواسطة nouranwar

لتاني مرة عند بيانو النهاردة يا دكتور
كنت مستني تخبط فيا و انت بترجع لورا :049: علشان كنت راكن وراك :)

اللوجان السودا ولا مين ؟؟؟؟؟؟؟؟؟؟؟؟؟ انت مين ياجدع قول خلينا نتجمع ونكتر :))))))
18-05-2013, 05:38 AM
nouranwar

اقتباس:

المشاركة الأصلية كتبت بواسطة ashouhdy

اللوجان السودا ولا مين ؟؟؟؟؟؟؟؟؟؟؟؟؟ انت مين ياجدع قول خلينا نتجمع ونكتر :))))))

ههههههههه اه هيا يا دكتور :)
ببعتلك السلام مع يوسف علطول :chirol_neuneu: