نموذج للسيارات (إسلام شاهين)

ده نموذج ياريت كل واحد منا يملاه ويكون مرجع شامل لأي حد عايز يشتري سيارة جديده او مستعمله ولو حد عايز يزود بند جديد ياريت نفيد بعض :-
النوع وتاريخ الصنع:
بلد المنشأ:
بلد التجميع:
جديدة أم مستعملة :
سعر السيارة:
تاريخ الشراء :
قوة المتور(عدد الأحصنة):
سعة المتور:
العزم:
السرعة القصوى:
العفشة والمساعدين:
نعومة السيارة:
مقاس العجل:
مدى الثبات(ثابتة لحد سرعة كام):
مدى قوة الفرامل:
توافر قطع الغيار:
مدى عزل كابينة القيادة:
الاعطال:
(الكماليات)
التكييف:
الpower:
السنتر لوك:
الزجاج الكهربائى:
فرامل ال abs:
الكاسيت:
السماعات:
كماليات إضافية:
مواقع متعلقة بالسيارة:
الإنطباع العام:
هل أنت نادم على شراء السيارة أم لا:

طيب بما إن محدش رد أنا هبدأ بنفسي :-

النوع وتاريخ الصنع: ميتوبيشي لانسر خليجي 2007
بلد المنشأ: يابان
بلد التجميع:
جديدة أم مستعملة : جديدة
سعر السيارة: 84750
تاريخ الشراء : 15/6/2007
قوة المتور(عدد الأحصنة): أعتقد 120
سعة المتور: 1300
العزم: معرفهاش
السرعة القصوى: 220
العفشة والمساعدين: ممتزين ( بس بسمع صوت العجل على الأرض مش عارف ليه )
نعومة السيارة: ممتازة
مقاس العجل: أعتقد 14
مدى الثبات(ثابتة لحد سرعة كام): معديتش ال 80 لغاية دلوقتي
مدى قوة الفرامل: ممتازة
توافر قطع الغيار: مرطرطة
مدى عزل كابينة القيادة: جيدة جدا ( صوت العجل هو اللي مدايقني شويه )
الاعطال: لم يحدث إلى الآن
(الكماليات)
التكييف: ممتاز بعد تنظيف الفلتر
الpower: مش قد كده
السنتر لوك: شغال
الزجاج الكهربائى: شغال
فرامل ال abs: لا يوجد
الكاسيت: سي دي كينوود MP 3
السماعات: 2 في البابين اللي قدام
كماليات إضافية:
مواقع متعلقة بالسيارة:
الإنطباع العام: كان حلمي إني أركب لانسر زيرو
هل أنت نادم على شراء السيارة أم لا: طبعا لالالالالالالالالالالالال الالالالالالالالالا

20 واحد شافو الموضوع ومحدش ملا النموذج ؟؟ ده معناه ان العشرين دول معاهمش عربيات صح ؟ ولا ديه سلبيه من عدم حب المشاركه ؟؟؟؟؟؟؟؟

لا سلبية ولا حاجة اصل القائمة طويلة جدا جدا وبالنسبة لاى شخص مننا من المهتمين بالسيارات هو عارف كويس مواصفات العربية بتاعته وكما لو اى واحد عايز يعرف اى معلومة عن سيارة اخرى هيدخل على النت ويجيبها بسهولة جداااا

اقتباس:

---

قوة المتور(عدد الأحصنة): أعتقد 120
سعة المتور: 1300

---

انا لا اعتقد

النموذج ده هيكون احسن لاي حد بدل ما يقعد يدور في النت هيلاقي اللي هو عايزه على طول .
وشكرا على تصحيح المعلومة (عدد الاحصنة ) لكن السعة هي 1300 .

فكرة جميلة أستاذ إسلام و إن كنت أرى أن الأعضاء مكسلين لأن النموذج طويل مش أكثر و إنت عارف إن إحنا شعب يحب السهل السريع :)
-----

النوع وتاريخ الصنع: بروتون ويرا 1500 سى سى 2006
بلد المنشأ: ماليزيا
بلد التجميع: ماليزيا
جديدة أم مستعملة : جديده
سعر السيارة: رسمى 69900 بس عرفت بعدها إن فى فصال لحد 68500 وده بيرجع لشطارتك
تاريخ الشراء : 15/10/2006
قوة المتور(عدد الأحصنة): صافى فعلى على الأرض 88.5
سعة المتور: 1500
العزم: 125 /3000
السرعة القصوى:
العفشة والمساعدين: ناعمه و ثابته الحمد لله
نعومة السيارة: حلوة
مقاس العجل: 15- جنوط
مدى الثبات(ثابتة لحد سرعة كام): مجربتش أكثر من 165 و ثبات حلو (مجربتش لأن مفيش طريق مشيت عليه ساعدنى لأن سفرى قليل)
مدى قوة الفرامل: ممتازة
توافر قطع الغيار: مش ذى العربيات المنتشرة بس موجوده بره التوكيل + إن قطع غيار اللانسر البطة بتركب عليها أغلبها
مدى عزل كابينة القيادة: 8 من 10
الاعطال: العربية جديدة
(الكماليات) 4 زجاج - باور - جنوط سبور - فتحة تنك و شنطة - التحكم فى 4 درجات لقوة النور - سنتر
التكييف: مش ذى اليابانى بس مش وحش ومش جامد يعنى ممكن 8 من 10 و ممكن 7.5 مش أقل
الpower: ذى الأوروبى مش خفيف ذى اليابانى و ده صراحة أريح لأن الخفيف أوى دى يقلق
السنتر لوك: موجود
الزجاج الكهربائى: 4 + وحدة تحكم عند السائق
فرامل ال abs: غير متوفر
الكاسيت: كلاريون كاسيت مش سى دى صوته حلو لأنه مش تركيب هنا ده جاى من بره مع العربية
السماعات: 4 سماعات
كماليات إضافية:
مواقع متعلقة بالسيارة:
الإنطباع العام: العربية إختيار جميل جدا مقارنة بنفس الفئة السعرية فهى تتفوق على سيارات مثل اللانوس و الفيرنا فى الوسع الداخلى + قوة الآداء + الثبات + الصاج المحمل و التقفيل الحلو + عربية معمره + فوق كل ده السعر مقارنة بالكماليات (جنوط و 4 زجاج ).... لكن هم يتفوقون عليها فى إعادة البيع + و إنتشار قطع الغيار + ويمكن الشكل فى الفيرنا (الشكل فقط)
هل أنت نادم على شراء السيارة أم لا:الإختيار الأنسب وإللى أكدلى ده لما سوقت لانسر 2006 تقريبا محستش بفرق يستاهل ال 20 ألف جنيه - هو أنا بس لو كنت صبرت حبه كنت زودت و جيبت جين 2 بس أنا كان الرقم ده أخرى و مش حابب أطول مدة التقسيط عن 3 سنوات و الحمد لله :)

النوع وتاريخ الصنع: 128 موديل 1976
بلد المنشأ:_________________إيطاليا
بلد التجميع: _______________مصر
جديدة أم مستعملة : __________مستعملة
سعر السيارة:_______________حوالي 17 ألف حاليا
تاريخ الشراء :______________2000
قوة المتور(عدد الأحصنة):_______60 حصان بتشد أقوى من الشاهين
نوع الفتيس: ______________عادة خمسة غيار بتاع ريجاتا أو رتمو والله أعلم بيدي أحلى عزم وأحلى نسب
سعة المتور:_______________1301 cc
العزم:_________________شديد والقوة حديد (غير معروف)
السرعة القصوى:___________تقريبا 135 أعلى سرعة جابتها
العفشة والمساعدين:__________معقولة
نعومة السيارة:____________مقبولة
مقاس العجل:_____________ 13
مدى الثبات(ثابتة لحد سرعة كام):__115
مدى قوة الفرامل:___________تعبانه
توافر قطع الغيار:___________في البقالة
مدى عزل كابينة القيادة:________مفيش عزل لكن أهدأ من اللادا كتير
الاعطال:_______________كل حاجة بتعطل يمكن عشان عتيقة معتقة
(الكماليات)
التكييف:_______________ نو واي
الpower:_____________ مفيش
السنتر لوك:______________لا يوجد
الزجاج الكهربائى: __________متلقيش
فرامل ال abs: ___________متقربلهاش
الكاسيت:_______________JVC
السماعات:______________كلاريون

كماليات إضافية:___________إستبن وكوريك وجركن مية عشرة لتر للظروف
مواقع متعلقة بالسيارة: _______وادي حوف أو غمرة
الإنطباع العام:___________بالنسبة لسعرها لا ينافسها أحد وبالنسبة لصالونها الداخلي أكثر من ذكي وواسع
هل أنت نادم على شراء السيارة أم لا ___لالالالالالالالالالالال� �لا أنا جايبها سنة 2000 ب 9.5 ألف ولو عايز أبيع جيبالى حوالي 17 وأبيعها في عشر دقائق

أهم ميزة أنها عائلية فعلا وحجمها الخارجي مش كبير ورغم كدة من جوه تحس بوسع وإستغلال لكل ملليمتر والإستبن اللي في الكبوت عاجبني جداً بس هي عدو المطبات لا بد تعدي المطب بأكتر من الراحة وفعلا الزيرو منها ليس له منافس بنفس السعر أبدا

النوع وتاريخ الصنع: لانوس 2001
بلد المنشأ: كوريا
بلد التجميع: ام الدنيا
جديدة أم مستعملة : مستعمله
سعر السيارة: 53250
تاريخ الشراء : نوفمبر 2006
قوة المتور(عدد الأحصنة):
سعة المتور:1500
العزم:
السرعة القصوى: مجربتش
العفشة والمساعدين: جيدة مع الاستعمال الجيد يعني تاخد المطبات بشويش
نعومة السيارة: جيده
مقاس العجل: 175/70 13
مدى الثبات(ثابتة لحد سرعة كام): اقصى حاجه جبتها 130 وانا بجرب الترصيص وكانت كويسه
مدى قوة الفرامل: معقوله لكن المفروض تكون اقوى
توافر قطع الغيار: جدا جدا
مدى عزل كابينة القيادة: معقول مع السرعات المتوسطة
الاعطال: غيرت بيض الاتياش فقط اول ما اشتريت و اتكلفت 85 بالتركيب
(الكماليات)
التكييف: جيد
الpower: معقول
السنتر لوك: موجود
الزجاج الكهربائى: 4 زجاج كهرباء مع وحدة تحكم في باب السائق
فرامل ال abs: لا يوجد
الكاسيت:كلاريون
السماعات:4
كماليات إضافية: ستوب خلفي
مواقع متعلقة بالسيارة:
الإنطباع العام: جيد
هل أنت نادم على شراء السيارة أم لا:لا

النوع وتاريخ الصنع: سوزوكي سويفت 93


بلد المنشأ: اليابان
بلد التجميع: اليابان
جديدة أم مستعملة : مستعمله
سعر السيارة: 30 الف وقت الشراء و حاليا 38 الف
تاريخ الشراء :12-2-2004
قوة المتور(عدد الأحصنة): 70 حصان عند 6000 لفه
سعة المتور: 1300 سي سي
العزم: ما اعرفش
السرعة القصوى: جبت بيها لحد 160
العفشة والمساعدين: عفشه ضعيفه مش خدمه شاقه زي ال132 مثلا لكن ثباتها حلو جدا بس مش لدرجه الالماني طبعا
نعومة السيارة: ناعمه جدا
مقاس العجل: 13/175
مدى الثبات(ثابتة لحد سرعة كام): لحد 140 او 150 كويس جدا و معقول
مدى قوة الفرامل: حلوه
توافر قطع الغيار: متوافره بس في حاجات مش بلاقيها غير استعمال زي الاسبراتير مثلا
مدى عزل كابينة القيادة: 7 علي 10
الاعطال: ما زعلتنيش خالص الحمد لله غير مره سير الدينامو اتقطع و دا حاجه عاديه.
(الكماليات)
التكييف: مش قد كده بياخد كتير من عزم العربيه 6 علي 10 برضه
الpower: مش محتاجه دركسيوناه ناعم و لذيذ
السنتر لوك: موجود
الزجاج الكهربائى: مش متوافر بس ناوي اركبه و تركيبه سهل و رخيص
فرامل ال abs: لا طبعا :cry:
الكاسيت: سي دي بايونير 4850 مش بتاعها انا اللي مركبه
السماعات: بايونير 250 وات انا اللي مركبهم برضه
كماليات إضافية: لا يوجد
مواقع متعلقة بالسيارة:
الإنطباع العام: عربيه معقوله جدا واستهلاك البنزين لا يذكر ومريحه في السواقه لمسافات وقطع غيارها معمره بس محتاجه عنايه دايما. سحبها فوق الممتاز و خصوصا الاول و التاني بتوعها بيطلعوني من عربيات كتير في فئاتها و فئات اكبر منها.
هل أنت نادم على شراء السيارة أم لا: ما بشتريش عربيه مش مقتنع بيها :lol:

النوع وتاريخ الصنع: لادا 1995
بلد المنشأ: روسيا
بلد التجميع: روسيا
جديدة أم مستعملة : معايا من 95
سعر السيارة: الوقت تعمل 25000
تاريخ الشراء : سنه 95
قوة المتور(عدد الأحصنة): مش عارف
سعة المتور: 1200
العزم: مش عارف
السرعة القصوى: 160
العفشة والمساعدين: حلوين احسن من 128
نعومة السيارة: يعني صوتها افضل من اتوبيس هيئه النقل العام
مقاس العجل: 13
مدى الثبات(ثابتة لحد سرعة كام): 100 بس انا مشيت بيها 140
مدى قوة الفرامل: في الضياع
توافر قطع الغيار: يعني تلاقيها كتير بس مش زي 128
مدى عزل كابينة القيادة: ههههه
الاعطال: ماعطلتش مني غير لما قطعت بنزين مره
(الكماليات)
التكييف: لا بس سمعت انه ممكن يركب
الpower:يعني من نحيه الباور انتو عارفين دي لادا يعني الباور كله هههه بضحك عليكوا
السنتر لوك: لا طبعا
الزجاج الكهربائى: ههه لا
فرامل ال abs: لا
الكاسيت: تحت بير السلم (مش عارف صناعته ايه ولا نوعه)
السماعات: صيني من ام 65 جنيه
كماليات إضافية: مفيش
مواقع متعلقة بالسيارة:
الإنطباع العام: بمشي بالعربيه الكل بيخاف مني المسه انتوا عارفين بأه
هل أنت نادم على شراء السيارة أم لا: في الزحمه والحوادث والكلام ده لا مش نادم لاكن من ناحيه الرفاهيه بضرب نفسي ميت .......... انتوا عارفين

اقتباس:

---

وافر قطع الغيار:___________في البقالة

---

هههههههههههههههههه يا بختك

اقتباس:

---

مواقع متعلقة بالسيارة: _______وادي حوف أو غمرة

---

باشمهندس أحمد هو أنت من واد ي حوف ؟ لو صح أنا كمان ساكن هناك ياريت تكلمني .

اقتباس:

---

فكرة جميلة أستاذ إسلام و إن كنت أرى أن الأعضاء مكسلين لأن النموذج طويل مش أكثر و إنت عارف إن إحنا شعب يحب السهل السريع

---

شكرا يا باشا أنت الوحيد اللي بترفع معنوياتي ، ويعدين حتى لو النموذج طويل شويه هتلاقي متعه وانت بتملاه لأنك بتتكلم عن عربيتك

[ [align=right]النوع وتاريخ الصنع:peougot 306 style 1996
بلد المنشأ: france
بلد التجميع:
جديدة أم مستعملة :used
سعر السيارة: 110,000
تاريخ الشراء :2000
قوة المتور(عدد الأحصنة):112hp
سعة المتور: 1800 cc
العزم: 112/5500
السرعة القصوى:200 km /h and i guess its still more
العفشة والمساعدين: sport
نعومة السيارة: so good
مقاس العجل: 195/55/r15
مدى الثبات(ثابتة لحد سرعة كام): till 200km/h this was my limit and i was afraid from police
مدى قوة الفرامل:v.good
توافر قطع الغيار: over all
مدى عزل كابينة القيادة: v good
الاعطال: no thing
(الكماليات)
التكييف: dont need it here
الpower: v good
السنتر لوك: yes
الزجاج الكهربائى:no
فرامل ال abs: yes
الكاسيت:clarion
السماعات: + more blaupunkt 200watt 4 +2 subwoofer jbl
كماليات إضافية: alot
مواقع متعلقة بالسيارة:
الإنطباع العام:v good car wish i have it in egypt
هل أنت نادم على شراء السيارة أم لا:noooooo
i wanna say that am living in Norway and the trafficc police here is so hard so i cant go over the speed limit all time and my car is sport style if u wanna see photo for it send reply to me and i will put the link

النوع وتاريخ الصنع: دايو لانوس 1999
بلد المنشأ: كوريا
بلد التجميع: كوريا
جديدة أم مستعملة : استعمال خارج
سعر السيارة: 32 الف جنيه مصرى ( سعر المنطقة الحرة )
تاريخ الشراء : مايو 2007
قوة المتور(عدد الأحصنة): 79
سعة المتور: 1500
العزم:
السرعة القصوى: 185
العفشة والمساعدين: العفشة جيدة جدا ولكن المساعدين خفاف شوية
نعومة السيارة: جيدة
مقاس العجل: 14
مدى الثبات(ثابتة لحد سرعة كام): اقصى سرعة جربتها حتى الان 150
مدى قوة الفرامل: ضعيفة شوية على السرعات العالية
توافر قطع الغيار: متوافرة ورخيصة
مدى عزل كابينة القيادة: معقول
الاعطال: لم تحدث حتى الان
(الكماليات)
التكييف: متوسط الاداء
الpower: جيد جدا
السنتر لوك: جيد جدا
الزجاج الكهربائى: جيد جدا
فرامل ال abs: لا يوجد
الكاسيت: جيد جدا
السماعات: جيدة
كماليات إضافية: مرايات كهربائية
مواقع متعلقة بالسيارة:
الإنطباع العام: السيارة جيدة جدا لعائلة متوسطة وانا مقتنع بها تماما
هل أنت نادم على شراء السيارة أم لا: لا والحمدلله كفانا الله شر الندم

مين اللي من وادي حوف انا من حدائق حلوان

النوع و تاريخ الصنع : يارس موديل 2006
بلد المنشأ : اليابان ( مدينة تويوتا)
بلد التجميع : اليابان
جديدة أم مستعملة : جديدة
سعر السيارة : 84 ألف جنية مصري حاليا
تاريخ الشراء : 9\2006
قوة الأحصنة :93 حصان
سعة المتور:1300
العزم :130نيوتن (على ما أظن)
السرعة القصوى :200 بس أخرها معايا 185
العفشة و المساعدين : طبعا مفيش كلام دي تويوتا
النعومة : فوق ممتازة
مقاس العجل :14
مدى الثبات(ثابتة لحد سرعة كام): 7\10 ثبات ممتاز حتى 110 بعد كده يقل مع زيادة السرعة
مدى قوة الفرامل: جيدة جدا مع عدم وجود abs
توافر قطع الغيار : أصبحت متوفرة لكن الأسعار غالية
مدى عزل كابينة القيادة: ممتاز لدرجة أني مش حاسس أني متصل بالعربيات إلي في الطريق
الاعطال : بعض الأعطال لكن ليس في العربية نفسها لكن في بعض ما أنا ركبته ( السنتر لوك - السماعلت - الضوء الخلفي )و هصلحها مع بداية الأجازة أن شاء الله
التكييف: من أهم مميزات التويوتا تكيف قوي جدا جدا
الpower:العربية دي نازلة يشعار المرونة القصوى بس الباور المذهل و فعلا دي أحسن عربية فيها باور أنا شفتها و أتفق معايا كل ملاك العربية و كمان أعضاء المنتدى و منهم زيزو
السنتر لوك: أنا ركبته (في مشاكل)
الزجاج الكهربائى :لا يوجد
فرامل ال abs:لا يوجد
الكاسيت والسماعات : ممتازة لكن أنا مركب DVD و في شوية مشاكل في السماعات
كماليات إضافية: مرايات كهربائية
مواقع متعلقة بالسيارة:www.toyota.com -www.yarisonline.com
الإنطباع العام: العربية ممتازة جدا و الحمدالله
هل أنت نادم على شراء السيارة أم لا: في الأول نعم لكن مع الزمن أعتنقت جدا جدا

اقتباس:

---

مقاس العجل :14

---

مقاس اليارس 15 يا محمد

اقتباس:

---

مين اللي من وادي حوف انا من حدائق حلوان

---

أنا من وادي حوف ، أنت منين من الحدائق ؟

بالنسبة للانسر 1300 موديل 2007 عدد الاحصنة فى حدود 88 حصان
و السرعة القصوى فى حدود 175 او 180
اخر امبير العداد هو اللى 220

الانسر المصري ال1300 88 حصان الخليجي 1300 بتبقى حوالي 96 حصان

النوع وتاريخ الصنع: بروتون ويرا 2004
بلد المنشأ: ماليزيا
بلد التجميع: ماليزيا
جديدة أم مستعملة : جديدة
سعر السيارة: كنت جايبها 72.5 بس دلوأتى 1500 ب 64
تاريخ الشراء : 2004
قوة المتور(عدد الأحصنة): بيأولو 83 62كيلو واط/6000
سعة المتور: 1300 سس
العزم: 109/4000
السرعة القصوى: 176
العفشة والمساعدين: ممتازه بس واطية شوية
نعومة السيارة: مقبول
مقاس العجل: 14
مدى الثبات(ثابتة لحد سرعة كام): 140
مدى قوة الفرامل: كويسه
توافر قطع الغيار: دلوأتى متوفرة أبل كده مكنش ليها أى حاجه برة التوكيل
مدى عزل كابينة القيادة: متوسط
الاعطال: لحد دلوأتى الحمد لله مفيش
(الكماليات)
التكييف: اساسى موجود بمستويين
الpower: اساسى بس تأيل حبتين
السنتر لوك: أساسى
الزجاج الكهربائى: اساسى 4 أبواب
فرامل ال abs: لا يوجد
الكاسيت: كلاريون متوسط الاداء
السماعات: 4
كماليات إضافية: جنوط اسبور 14- ضبط ارتفاع كرسى السائق- ضبط ارتفاع الدركسيون- ضبط ارتفاع مستوى الكشافات الامامية كهربائيا
مواقع متعلقة بالسيارة: www.proton.com www.proton.co.uk www.protonownersclub.co.uk
الإنطباع العام: عجبانى بس الشكل قدم خلاص (مسألة أذواق)
هل أنت نادم على شراء السيارة أم لا: الى حد كبير لألألألأ