تحذير من اصلاح الكاوتش في محطة كالتكس - امام بيبسي - مدينة نصر
السلام عليكم
انا كان عندي فردة كاوتش جابت سلك و كان لازم اغيرها
طبعا انا كلعتها استبن و كان عندي فردة قديمة لما غيرت الكاوتش سايبها للظروف اللي زي كده
النهاردة روحت عشان اغير الفردتين ببعض
كان اقرب حاجة ليا بنزينة كالتكس اللى امام بيبسي و المنطقة الحرة في مدينة نصر
انا عملت الموضوع ده قبل كده عند واحد بتاع كاوتش و اتكلف 2 جنيه
لما روحت للبنزينة دي لقيت الراجل اللي في البنزينة طلع مسمار من الفردة قلت ماشي مش مشكلة
شوية لقيته طلع خرمين كمان
بضرب عيني على عداد الهو لقيته على 37 PSI
اللي مش فاهم هوا كده زود الضغط على الكاوتش عشان يبين الخروم الصغيرة الغير مؤثرة
انا قلت يبقى انا اتنصب عليا و حقوله رجع الفردة التانية و مش عايزة الفردة دي لو ضرب السعر في العالي
المهم الراجل طلب 15 جنيه قلت خلاص مش مشكلة واديتهملو و مشيت
بس ساعتها افتكرت الموضوع اللي كان معمول عن بنزية مصر في اول عباس العقاد و قلت اقولكم
انا مش عايز اظلم الراجل لكن الفردة دي انا كنت شايلها من العربية و كانت زي الفل
طبعا الخلاصة
لا تتعامل مع فني اصلاح الكاوتش داخل اي بنزينة الا لو كان ثقة فعلا
