الحمد لله ان ربنا هداك لحل المشكله و الف مبروك يا باشا
رقم العضوية : 36962
تاريخ التسجيل : 31Mar2009
المشاركات : 2,315
النوع : ذكر
الاقامة : Zaton
السيارة: ما قولنا كله من نعم الله و الحمد لله
السيارة[2]: كله من نعم الله
دراجة بخارية: never
الحالة :
سلام الله عليكم
كنت قلتلكم اني كان عندي مشكلة في الدوارة الصبح احيانا وان في المتحدة قالولي بعد وضع العربية علي السكانر انها مسجلة موبينة و انها غالباالسبب..طنشط زي ما حسين كهربائي المتحدة قال ... بس الموضوع بقي متكرر غير انها بدأت تسقف و ترزع مع المشي احيانا و تطلع دخنة و بقي شكلها مش لذيذ فقلت مبدهاش .... اديت تليفون لعزيزي محمد رشاد علشان اروح المتحدة لقيته قالي انه سابهم .... وفتح في صقر قريش .... و بصراحة انا من كلام الناس كنت بروح المتحدة علشان محمد .... فرحت علي المركز الجديد بتاعه..اول مرة كان لسة مجابش الجهاز ... فركبلي موبينة من عنده اجرب بيها و مرضيش ياخد فلوس...فضل الموضوع زي ما هوه ... رحت تاني كان جاب الاسكانر خلاص بقي ... نقرا العربية علي الجهاز !!!!!مفيش غلط علي الجهاز عن الموبينة ..... بس فيه غلط علي حساس دورة بخار البنزين .... طب نلغيه و كده كده احسن علشان يوفر في البنزين و غالبا حتتحل المشكلة ....و برده مش راضي ياخد فلوس...فضل الموضوع زي ما هوه .... رحت تالت ... و صل يا عم الاسكانر ... مفيش اي ايرور خالص ....طب بص علي البوجيهات ..... اي ده في 3 عليهم اثار حريق بدري و واحد مهبب .... نضف ... ركب ... و برده مش راضي ياخد فلوس....فضل الموضوع زي ما هوه .... رحت رابع .... بص علي البوجيهات ... نفس النتيجة ....قام الراجل طلع طقم بوجيهات جديد من عنده + طقم كابلات جديد من عنده علشان يعني نبقي جربنا كل حاجة ..... و برده مش راضي ياخد فلوس....فضل الموضوع زي ما هوه ....... رحت خامس ... بس المرة دي صورت اللي بيحصل فيديو ..... وانا بدور الصبح اللي بيحصل + الدخان كمان ....لما رحت بقي وريته الفبلم قالي بص كده مفيش حاجة تاني تتعمل بس منظرها كده ممكن تكون حاجة في وش السلندر و لما بتبرد بترشح زيت في البستم ولما تيجي تدور تقوم ملخبطة علشان الزيت لحد ما يتحرق و بعدين تظبط .......هوا استنتاج معقول ... خاصة والراجل مشكورا كفرته معايا و غير كل حاجة بتحرق البنزين و العربية مش مدية اي قراية غلط .... بس ده ميفهمش اي اللي يخليها تعمل كده و هية سخنه ..... مهو لو الزيت بيخف لما يبرد و يرشح ...لما الزيت بيسخن لزوجته بتبقي 40 مش 5 فالمفرود متلخبطش و هيه ماشية ...... غير ان ليه وش سلندر و العربية من يوم ما جت مسخنتش ولا مرة ؟؟؟؟؟؟......المهم .... مرديش ياخد فلوس اي حاجة غير طقم البوجيهات ... و رجعلي كابلاتي و مشيت وانا رافض اصدق ....ماشي بقي و دماغي عمالة تودي و تجيب .... طب و بعدين ....المهم جه في بالي ابانوب اللي في الاميرية فقولت انا مش هخسر حاجة ...
المهم و صلت موقف الاميرية "مشهورجدا اخر حاجة عند موقف الاميرية" سألت لحد ما وصلت ...يا اخوانا دي ورشة ابانوب رد عليا واحدقالي ايوه ...طب انا عندي موضوع كدة في العربية ...قالي طالاما موضوع اناديلكالاسطي .يا اسطي ابانوب ...لقيت واحد شاب شكله صغير جالي قالي خير ...انت يا سيدناابانوب...قالي ايوه ...طب انا عندي مشكله في الدوارة و احيانا بتسقف ....قالي لعبت فيالعربية ولا لا ؟قلتله غيرت بوجيهات و سلوك و سديت دورة بخار البنزين و لسه نفسالموضوع ...
قالي طب دور ....دورت
زود بنزين ...زودت
قالي بس خلاص تعالي كدهحاول تشد غطا الزيت بتاع المتور.... جربت لاقيته مشفوط علي الاخر ....
قاليبص انا هفك حاجة و الغيها علي ما تجيبها ....
واداني مشترك في ايدي اشتريه ....المهم تجرب بقي الغطا بتاع الزيت بقي مهلبية...
نزلت جبتله مشتركين واحد جديد من عند الملك في الحرفيين و واحد استيراد من عند شيخ طه في الحرفيين برضهو المستخدم اغلي ....
ركب المستخدم ..... ....حلاوة ..... بس العربية والمشترك متشالعبارة عن طيارة مش عربيةالي اتغير ده كان الpvc valve و ده صمام مسؤل عن حرق النواتج السمية الناتجة من المتور و خروجها بأقل قدر ممكن ...كده انا ماشي بالعربية اكتر من 5 ايام و زي الفل .... فقلت بصراحة يستاهل موضوع لوحدة يتشكر فيه ابانوب .... و لا ننسي من الشكر محمد رشاد لتعبه معانا ....محمد راجل خدوم و محترم و ابن حلال بس ابانوب طلع معجزة زي ما كانوا التاكسجية بيقولوا عنه ....ربنا ما يحوج حد لصيانة ابدا بس ادينا بنقول الناس الحلوة فين .....نوافيكم بكل جديد
البريبئ اتخرم و عايزيين بريبئ جديد
رقم العضوية : 13412
تاريخ التسجيل : 22Jun2008
المشاركات : 3,079
النوع : ذكر
الاقامة : cairo
السيارة: سابقا lanos 2
السيارة[2]: Optra AT
دراجة بخارية: no
الحالة :
الحمد لله ان ربنا هداك لحل المشكله و الف مبروك يا باشا
A.Hilmy
رقم العضوية : 82704
تاريخ التسجيل : 04Dec2010
المشاركات : 1,059
النوع : ذكر
الاقامة : el haram
السيارة: N. Sunny M/T Abs
السيارة[2]: Kia Cerato K3
دراجة بخارية: no
الحالة :
مبروك التصليح
رقم العضوية : 131302
تاريخ التسجيل : 14Nov2012
المشاركات : 1,879
النوع : ذكر
الاقامة : الاسكندرية
السيارة: اوبل فيكترا
السيارة[2]: لانوس
الحالة :
مبروك بس نوع العربية
رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
من عنوان الموضوع افتكرته مهرجان
جروب مالكى وعاشقى لانسر كريستاله
https://www.facebook.com/groups/lancer.egypt.1996.2000/
رقم العضوية : 80280
تاريخ التسجيل : 15Sep2010
المشاركات : 2,700
النوع : ذكر
الاقامة : Maadi
السيارة: ربنا يبعت :D
السيارة[2]: Nissan Sunny Super Salon H.L
دراجة بخارية: لا يوجد
الحالة :
الحمد لله ان المشكله اتحلت على خير
تحياتى لحضرتك
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
اظن اللي قصدك عليه بلف السايكون
صح ولا غلط
لو هو
انا لاغيه من عندي وخرطوم الفايز بيخرج في الهوا
انا رحت محمد رشاد هو شخص محترم
لكن ابانوب مشكلته انه زحمه جدا
لكن متصيت جامد
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 36962
تاريخ التسجيل : 31Mar2009
المشاركات : 2,315
النوع : ذكر
الاقامة : Zaton
السيارة: ما قولنا كله من نعم الله و الحمد لله
السيارة[2]: كله من نعم الله
دراجة بخارية: never
الحالة :
بص انا مش قادر اعفهم مين السايكون ده ..... بس هوة اساسا صمام هدفه يسحب فضلات الحرق و الغازات بتاعة المتور و يدخلها تاني مع الهوا .... لو دورت علي PVC valve for A3 chery هتلاقيه طالع في الصور
البريبئ اتخرم و عايزيين بريبئ جديد
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 36962
تاريخ التسجيل : 31Mar2009
المشاركات : 2,315
النوع : ذكر
الاقامة : Zaton
السيارة: ما قولنا كله من نعم الله و الحمد لله
السيارة[2]: كله من نعم الله
دراجة بخارية: never
الحالة :
انت شفت الصورة بتاعة ال pvc و طلع هوه السايكون ؟؟؟؟؟ الحمد لله ده انا قعدت ادور علي اصل انجليزي لكلمة سايكون دي لحد ما جالي تراللي:)
البريبئ اتخرم و عايزيين بريبئ جديد
المفضلات