اخويا كل شويه بيقوللى هات مورينجا -على فكره هو دكتور وقرا عنه كتير- لحد ماتكعبلت فى الموضوع ده
وكلمت المحترم aboamr صاحب الموضوع
http://www.nilemotors.net/Nile/298752-a.html
اللى قام بالواجب معايا كعاده الرجاله هنا
الكيلو الناشف المطحون 4 اكياس ب 115 جنيه وكيلو الاخضر ب 25 جنيه
بس كيلو الناشف يعمل حوالى 6-7 كيلو اخضر
شربت منه كوبايه تحس انه عامل زى الينسون ولاقيت ناس بعربيات بتشترى منه مخصوص برضه
المكان
تمسك اسكندريه الصحراوى (متجه للاسكندريه)لحد ماتعدى السجن اللى على اليمين وعند مدخل السادات الاولانى تمسك الطريق البطىء هتعدى بنزينه الامارات وتتدنجل بالراحه لحد ماتلاقى على مرمى البصر يافطه مكتوب عليها الاسكندريه 136 كم
اهدى خالص هتلاقى كشك كهربا صغير وجامع وكولدير ومدق فى اليمين






هتدخل المدق ده حوالى 50 متر لحد ماتلاقى يمين وشمال هتدخل يمين








وهتمشى حوالى 200 متر وهتقابل ارض واسعه على شمالك كبر دماغك منها وهتطلع مطلع صغير لحد ماتلاقى المزرعه على شمالك







المشكله ان اى كمين غبى ممكن يفتكره بانجو