انا خايف اسوق عربيتى حصلك انت كمان كدا؟

**ahmedhilmy** · 14-02-2013 02:49 PM

بتحصل احيانا اكيد في مواضيع في البيت او الشغل موتراك و شغله حيز كبير من تفكيرك ده بالأضافه ان ممكن تكون بتاخد اي ادويه ليها اعراض جانبيه

**friendship7897** · 14-02-2013 03:31 PM

آه حصلي أنا كمان كدة كتير
وبتكون لأحد الأسباب :-
1) توتر
2) إرهاق
3) أدوية
4) ذهن مشغول
5) عدم ثقة مؤقت
6) مشكلة عارضة
7) هروب من شئ
8) خوف على حد أو من حد
بس أهم شئ عدم التركيز لأي سبب من الأسباب بإستثناء الأدوية ، وسوق عادي وشغل كاسيت ( لو معتاد على تشغيله ) .
وربنا يستر علي الجميع من كآبة المنظر وسوء المنقلب

**msobhy** · 14-02-2013 04:23 PM

حصل لى موقف شبيه - كنت ماشى على الدائرى - كنت باخد يمينى علشان انزل واحد صاحبى - وفجأه لاقيت عربيات بتكسر فى بعض وعربيه اوبترا ماشيه بعرض الطريق زى ما تكون بتخمس وهاتلبس فيه من ورا وكان فيه كشك بتاع تحصيل كارته كان فيه راجل قاعد قدامه - قرصت على العربيه جدا وطلعت بيها علشان ميلبسش فيه من ورا - وطبعا الاوبترا دمر رجل الراجل اللى كان قاعد - لاقيت واحد دخل قدامى بالعرض وطبعا وقفنى ولبس فى السور بتاع الدائرى اللى على اليمين
عربيتى محصلش فيها ولا حاجه
روحت فى اليوم ده ماشى على 40 بالعافيه وخايف أجيب التالت
قعدت بعدها فتره طويله ركبى سايبه ومش عارف امشى على رجلى - مش أسوق - ولغاية وقتنا هذا بخاف ابص على الكشك ده حتى وانا ماشى
ربنا يسترها علينا

**Dr Kento** · 14-02-2013 10:11 PM

المشاركة الأصلية كتبت بواسطة mmamdouh

بقالك كام سنة بتسوق؟

mmamdouh

هو الموضوع دا هيفرق فى حاجة ياباشا ؟
انا اللى اعرفه ان السواقة فن ومهارة مع الخبرة طبعا والمواقف مش مع عدد سنوات السواقة يعنى ممكن واحد فى سنة يمر عليه مواقف مرت على واحد فى عشر سنين ولا ايه رأى حضرتك ؟

**unroi** · 14-02-2013 10:41 PM

0معنتش بعرف اسوق خالص ودخلت فى حاجة اسمعا فوبيا وبتعالج منه حاليا والحل انت ﻻتحط الموضوع دة فى دماغك ومتزودتش عن 90 وامشى هادى وﻻزم تشغل عقلك بحاجات تانية يعنى تركز مع اغنية وانت سايق متخليش الموضوع يسيطر على عقلك واﻻ هيكبر جدا ﻻزم تغير طريقة تفكيرك وانت سايق متركز مع الحادثة خالص

**midooo_119** · 15-02-2013 12:20 AM

بتحصل معايا بس بيبقى day off يعنى يوم و بيعدى مش بتستمر يعنى

**bebom** · 15-02-2013 03:45 AM

انا كانت بتحصلي لسبب اول لما جيبت العربيه كل لما اركبها لازم اكتشف فيها مشكلة (تسريب مياه -سخونية- فرامل) فكونت بسوق وانا متوتر خايف حاجة تحصل لحد مطمنت علي العربية وعملت كل الي فيها وحفظت ابعادها
والله قبل الانوس كان معايا 128 اول لما اتعلمت السواق مثلا ادخل مكان ديق قبل مفكر العربيه هتعدي ولا لق الاقي العربية نطت ودخلت نص الرفرف وعمرها مكسفتني كنت حافظ ابعدها بالملي عقبال الانوس