مش لاقى نيسان تيدا ودايخ عليها وعايز اشتري

**3bdelr7man23** · 14-02-2013 01:51 AM

السلام عليكم شباب
دلوقتي أنا بقالى شهرين بدور عى عربية نيسان تييدا سيدان ، وللأسف مش لاقيها علما بأني حاجزها من حوالي شهر ونص من -uit الاسكندرية- ولسا مجتش ، سألت اوتو ايجبت ، قالولي كمان 3 شهور من يوم 12/2/2013 ، فكدا هكون قعدت 5 شهور ، فياريت لو اى حد عندو معلومة عن مكان معرض تتوافر فيه العربية ، يقوللي ضروري عشان اروح اشتريها على طول ، خصوصا وأني من الإسكندرية فممكن متكنش متوفرة في اسكندرة اكتر ما هتكون متوفرة في القاهرة .. يارب تردو عليا ، خصوصا واني اول مرا اشارك في المنتدي :)

-----------------------------------
تم تعديل العنوان ليدل علي محتوي الموضوع وللإفادة العامة
مشرف القسم ب5
6-3-2013

**canner** · 14-02-2013 01:56 AM

لو ح تشتريها من معرض ح تدفع اوفر برايس كبير قوى

**khela** · 14-02-2013 09:14 AM

انتظر احسن متشتريهاش اوفر برايس مش عايزين التجار تستغلنا

**Land_Cruiser** · 14-02-2013 09:22 AM

روح ل uit اللى حضرتك حاجز معاه من شهر و نصف و اتكلم مع حد كبير فى المبيعات و اعرف منه هتستلم امتى لان الكلام فى التليفون ما بيوصلش لاى حاجه علشان بيردوا بجمل محفوظه و خساره حضرتك اصلا انتظرت معاهم شهر و نصف فخليك ورآهم بس ممكن تحجز مع اوتو ايجيبت كحل احتياطى لكن اتأكد انك ينفع تسحب المقدم تانى قبل ما تروحلهم لكن خللى تركيزك الاساسى على اللى حجزت و انتظرت مده معاه و بالتوفيق

**3bdelr7man23** · 14-02-2013 06:59 PM

شكرا ليكم كلكم ، بس أنا زهقت فعلا ، فلو هدفع زيادة معقولة مش مشكلة ، بس حد يقوللي فين المعرض اللى فيه العربية بس ؟
:(

**3bdelr7man23** · 15-02-2013 02:31 AM

طب ايه .. حد يقولي يا اهل القاهرة ، الاقى العربية فين?
:d

**Nashaat Rady** · 15-02-2013 03:06 AM

أنا اشتريت و استلمت فوري من المصرية تيدا هاتش باك بلس هاي لاين بدون فتحة سقف ب ١٣٣٫٥٠٠ من اسبوع و كنت حاجز قبلها في أوتو ايجيبت ب ١٣٠٫٥٠٠. لما رحت استرد الحجز لقيت السعر بتاع أوتو ايجيبت بقى نفس سعر المصرية، ولسة كان قدامي شهرين لتلت شهور عشان استلم.. و السعر النهائي حسب السعو وقت التسليم... اسأل في المصرية... هما معندهمشي تيدا كتير بس ممكن تلاقي.. و الله الموفِق

**3bdelr7man23** · 15-02-2013 09:27 PM

المشاركة الأصلية كتبت بواسطة nt_rady

أنا اشتريت و استلمت فوري من المصرية تيدا هاتش باك بلس هاي لاين بدون فتحة سقف ب ١٣٣٫٥٠٠ من اسبوع و كنت حاجز قبلها في أوتو ايجيبت ب ١٣٠٫٥٠٠. لما رحت استرد الحجز لقيت السعر بتاع أوتو ايجيبت بقى نفس سعر المصرية، ولسة كان قدامي شهرين لتلت شهور عشان استلم.. و السعر النهائي حسب السعو وقت التسليم... اسأل في المصرية... هما معندهمشي تيدا كتير بس ممكن تلاقي.. و الله الموفِق

طيب مشوفتش حضرتك عندو الفئة الأولي سيدان ؟

**3bdelr7man23** · 15-02-2013 09:32 PM

المشاركة الأصلية كتبت بواسطة Land_Cruiser

روح ل uit اللى حضرتك حاجز معاه من شهر و نصف و اتكلم مع حد كبير فى المبيعات و اعرف منه هتستلم امتى لان الكلام فى التليفون ما بيوصلش لاى حاجه علشان بيردوا بجمل محفوظه و خساره حضرتك اصلا انتظرت معاهم شهر و نصف فخليك ورآهم بس ممكن تحجز مع اوتو ايجيبت كحل احتياطى لكن اتأكد انك ينفع تسحب المقدم تانى قبل ما تروحلهم لكن خللى تركيزك الاساسى على اللى حجزت و انتظرت مده معاه و بالتوفيق

أنا رحت لحد هناك(uit) وقالى الأسبوع اللى جاى دا المصنع هينزل عربيات ، مش فاهم أنا هما بيحورا وبيقولو كلام عشان يريحو الزباين ولا فعلا المصنع هينزل عربيات ، انا ابتديت اشك ان العربية موجودة ومش عايزين يدوهالي عشان الاسعار تعلى تاني ويزود عليا ، انت ايه راى حضرتك ؟