ظهرى تاعبنى جدا بسبب كرسى العربيه الاكسيل ومش عارف اعمل فيه ايه مع ان التنجيد بتاعه كويس بس مش مريحنى انا حطيت الموضوع فى العام علشان نفسى حد يساعدنى فى الموضوع ده ويكون عن تجربه مش مجرد رأيه
عرض للطباعة
ظهرى تاعبنى جدا بسبب كرسى العربيه الاكسيل ومش عارف اعمل فيه ايه مع ان التنجيد بتاعه كويس بس مش مريحنى انا حطيت الموضوع فى العام علشان نفسى حد يساعدنى فى الموضوع ده ويكون عن تجربه مش مجرد رأيه
غيرو بواحد استعمال او تجيب مسند ضهر بيكون عباره عن شبكة بارزه عن ضهر الكرسى
والف سلامة عليك
عندي نفس المشكلة في كرسي الانسر بس بستريح في كرسي الانوس
شكلي هعمل فرش جديد و اخليه ياخد شكل ضهري و هبقي اقولك
انا كان عندى نفس المشكله لكن اتضح انها مش من الكرسى
اول حاجه لو بتسوق و محفظتك فى جيبك لازم تشيلها لانها بتضغط على الاعصاب انا للاسف مش فاكر التاثير ايه لكن انا كنت قريت الموضوع على النت و لما جربت اشيل المحفظه لقيت ضهرى استريح شويه
تانى حاجه و ضع الكرسى احنا بنرجع الكرسى لورا و ده مع الوقت بيجيب مشاكل فى الضهر و هاجيبلك لينك فيديو على اليوتيوب بيشرح افضل طريقه لضبط كرسى السائق
جرب دول و شوف يمكن العيب مش من الكرسى
ألحق مووته قبل ما يموتك
هو إحنا بنجيب العربيات علشان تتعبنا ولا تريحنا
حتى لو كان متنجد جديد
روح لحد بتاع الكراسي يظبطه لك
وكفاية الحاجات الكتير اللي حوالينا اللي هتموتنا وملناش يد في إصلاحها
أنا رأيي تشتري كرسي إستيراد بتاع عربية ألماني محترمة وياسلام لو كان جلد طبيعي
وتخلي الخراط يظبطهولك عالمجرى عندك
انا هقولك على حاجه
انتا تركب اى عربيه و الكرسى قلى يعجبك انزل هاتو
واحد استيراد وخلاى السروجى يركبهولك بس اشرط عليه ميخرمش و يقطع فى قعدة الكرسى
و الله انا اعرف واحد جاب كرسى ميتسوبشى لانسر بومه و ركبوهم فى 128
فكر جده
ربك المستعان