-
حصلت معايا مرة زمان من حوالى 8 شهور فى الشيخ زايد ولو عاوز تموته سنترة فى الكبوت 99% هتطلع عليه لو مش عاوز تموته شيله بجنب العربيه واللى حصل معايا انى شيلته بجنب العربيه
-
هو ربنا اللي بيسترها وبيلهمنا
كنت علي الدائري فى فترة بعد الثورة امتداد اكتوبر وعربية جنبي كان عاوز يسأل عن حاجة فهديت وفتحت الازاز اللي جنب السواق ولقيت السلاح بيطلع من الشباك الخلفي عنده
فرامل على الاخر هم سبقونى بكام متر كنت شدت الهاند بريك وعكست الاتجاة وجريت عكس الاتجاة جري الخوووووووووووف و الرعب و الحمد لله مكنش حد جاي في المقابل و الحمد لله وصلت لبيتى سالما
هو الموضوع الهام فى لحظة
وربنا يسترها علينا جميعا
تحياتى
-
والله مش عارف هيكون قرارى ايه وقتها بس هحاول اهرب ولو مافيش مجال هخبط فيهم بالعربيه هموتهم هدوس على حد الله اعلم زى ما تيجى وقتها ممكن اقف من الخوف الله اعلم كله كلام ووقت الفعل بيكون حاجه تانيه خالص ربنا يعافينا مما ابتلى به غيرنا وربنا يسترها معانا
-
ياااه الموضوع دا صعب أوي
أنا فكرت كتير في الموضوع دا ( ربنا يستر علينا جميعاً )
بس قررت مع نفسي ( والله أعلم برد الفعل التلقائي في الحالات اللي زي دي ) إني هحاول (دا لو رجلي ما أرتعشتش) إني أدوس بأسرع قوة واللي يحصل يحصل يموت أو مايموتش ميهمنيش - بس لازم يموت لأني مش هعرف أهرب وأعتقد أني بعد ما هعمل كدة هعمل حادثة مع نفسي ( هدخل في رصيف أو شجرة ) فلو ما متش يبقى أدته فرصة ليسرق وينتقم ، ولو مات ومعرفتش أهرب وأتظلمت فيه إنه هو اللي برئ. فدا دفاع عن العرض والنفس والمال .
جَاءَ رجلا للرسول فَقَالَ: "يَا رَسُولَ اللَّهِ أَرَأَيْت إنْ جَاءَ رَجُلٌ يُرِيدُ أَخْذَ مَالِي، قَالَ: "فَلَا تُعْطِهِ مَالَك، قَالَ: أَرَأَيْت إنْ قَاتَلَنِي؟ قَالَ: "قَاتِلْهُ"، قَالَ: أَرَأَيْت إنْ قَتَلَنِي؟ قَالَ: "فَأَنْتَ شَهِيدٌ"، قَالَ: أَرَأَيْت إنْ قَتَلْته؟ قَالَ: "هُوَ فِي النَّارِ" .
-
التصرف بيكون ع حسب الموقف و سرعة بديهة السائق
كنت هتثبيت مرتين بعد الثورة مرة ع طريق الـn\a مرة ع طريق السويس و الاتنين كانوا بنفس الطريقة
اللي علي طريق الـn\a كانت عربية مرسيدس قديمة تحس انها متجمعة تحت بير السلم و كانت ماشية معوجة و فيها 4 كان الكلام ده ع حوالي الساعة 7-8 بليل و كان معايا اهلي في العربية و ساعتها الطريق فضي مفيش عربية واحدة لقيت العربية ديه بيقفلوا عليا و كانوا هيخبطوني عشان اقف او اهدي سرعتي و كان اللي جنب السواق زي ما يكون ماسك ماسورة في اتجاه السقف تصورت انها بندقية و كانوا بيبصولي
قولتلهم في العربية انزلوا في الدواسات و شديت شوية لاحظوا ان العربية 800 سي سي برده العربية جايباني و كويس ان عربيتهم تعبانة ساعتها ببص في المراية لقيت عربيات كتيير جاية ورا بس ع مسافة ضربت فرامل فجأة عشان اهدي بحيث العربيات تقرب شوية و بعدها اشد و هو يحصله ربكة زي ما تقولوا كده مناورة طبعا هو كان سابقني بعد ما هديت جيت من وراه و قولت هطلع من ناحية السواق منها يتربك و لو اللي جنبه معاه بندقية ميقدرش يضرب سقطت نقلة و حرقت ع الاخر و طلعته من وراه بقيت ع شماله و طلعت حاول يكسر يخبطني لكن الحمد لله فلت من الخبطة اعتقد مكنش فيه حتي سم بينا عشان يخبطي و ساعتها فتحت رابع خامس و العربية ساعتها دخلت 140 و داخلة ع 150 و بصيت في المراية لقيت العربيات قربت منه اوي و هم هدوا ع الاخر ورا ساعتها كل ده طبعا حصل في ثواني و بعدها وصلت لبنزينة وطنية كان الكلام ده قبل ما يعملوا النفق طبعا قولت اشوف اي ظباط امناء اي حد ابلغ عن العربية بما انهم ساعات بيقفوا هناك ملقتش حد و هكذا طول الطريق لحد ما وصلت الحي السادس ملقتش عسكري و الحمد لله ربنا سترها
في الناحية التانية ع طريق السويس برده نفس حوار الطريق فاضي و بليل و نفس التقفيل فبقيت مبرمج اعمل مناورة و اشد لكن مسكت شومة كنت عاملة و وقفتها باتجاه السقف ع الكرسي تبان كأنها بندقية تمويه يعني و ببصلهم لما جيت من شمالهم برده ههههههه و واضح عليهم خايبين او خافوا لما لاقوني عملت كده و ماسك ماسورة و هدوا ع الاخر
فزي مقولتلك فوق الموضوع بيعتمد ع الموقف و البيئة المحيطة و الشخص نفسه انت ممكن تكون مخطط في دماغك تعمل ايه لو حصلك الموقف ده لكن من الخضة متبقاش عارف تعمل ايه او الموقف يتغير و متعرفش تتصرف
بس طبعا لو واحد واقف رافعلي السلاح في الشارع و انا سايق و بيهددني هشيله او ع الاقل اكسره و اروح ابلغ عنه و عن نفسي ممكن انزل اربطه و ارميه في شنطة العربية او احطه ع السقف و اطلع اسلمه بنفسي
اهم حاجة تخليك هادي و تتصرف بعقل بدون تهور و لازم تعرف ان كل شئ نصيب
لكن في نفس الوقت مش واحد في الشارع و انت واقف قصاده و رافع عليك طبنجة و لا بندقية و انت متعرفش تكنيكات قتال الشوارع و لا مدرب عليها و تروح تقول اقفله هنا كأنك بتنتحر في داهية الفلوس
انما لو عندك القدرة ع مواجهته اذن لازم تواجهه
جَاءَ رجلا للرسول ( صل الله عليه و سلم ) فَقَالَ: "يَا رَسُولَ اللَّهِ أَرَأَيْت إنْ جَاءَ رَجُلٌ يُرِيدُ أَخْذَ مَالِي، قَالَ: "فَلَا تُعْطِهِ مَالَك، قَالَ: أَرَأَيْت إنْ قَاتَلَنِي؟ قَالَ: "قَاتِلْهُ"، قَالَ: أَرَأَيْت إنْ قَتَلَنِي؟ قَالَ: "فَأَنْتَ شَهِيدٌ"، قَالَ: أَرَأَيْت إنْ قَتَلْته؟ قَالَ: "هُوَ فِي النَّارِ" .
-
من مات دون ارضه وعرضه وماله شهيد
لو هو راكب عربية عفية وعربيتك تعبانة وماسك في ايدة بندقية الي المدي بتاعها كيلو ونص ولا اتنين كيلو
تفتكر هاتجري منه ؟؟
ولا هايغرقوك رصاص زي ما عملو في عربية محافظ البنك المركزي
ةاعتقد انها كانت مرسيدس او حاجة غالية محترمة وعفية
والي سايقه سواق
ومع ذلك جري وضربوهم بالنار
ده السؤال
ده انتحار ؟؟ ولا شهادة
-
شكرا يا شباب علي مشاركة كل واحد...أكيد كله مفيد لينا في الأخر بحيث إننا نتوقع إيه ممكن يحصل وتكون ربكتنا في الموقف نفسه أقل
أنا كمان مكنتش هقف واللي يحصل يحصل.. أخبطه بجنب العربية أو أحاول أهرب منه
ولو عربية نفس الكلام ممكن دوسة الفرامل فجأة تربك السائق لأنه مركز في الطريق واللي جنبه هم اللي بيدلوه
ها فيه تصور ايه تاني واللي ممكن يدوس حد او يخبط حد يقولنا هيعمل ايه بعدها...يروح يبلغ ولا يمشي أكن مفيش حاجة حصلت ؟
-
المواقف المفجأة محدش يضمن رد فعله ولا رد فعل اللي معاه وخصوصا لو في اطفال ونساء
في ناس بيبقي رد فعلها سريع جدا ومتدربه علي المواقف ده زي الجيت كين دو و اي كيدو وغيرها
انا ذكرت اشهر نموزجين
لكن الموضوع ارجع واقول بيبقي رد فعل لانك لو فكرت وعملتش حركة مباغتة تشل فيها حركة اللي بيهاجمك
النتائج بتبقي كارثية
حفظنا الله جميعا اهل مصر
-
السرقة دلوقتي ما بقتش بالطريقة دي.. دلوقتي بيتحركوا جماعة عادة بيكونوا اربعة مع بعض في عربية جيب أو نص نقل.. وبيكون معاهم بنادق آلية وبيتتبعوا العربية اللي يختاروها لغاية ما الطريق يبقى فاضي وفي لمح البصر بيكسروا على العربية ويضطروا صاحبها يركن.. والباقي معروف وصعب طبعا إن أي حد في اللحظة دي يقاوم حتى لو معاه سلاح لأنه مش هايقدر على الآلي اللي مع أربعة أو ثلاثة في وقت واحد...
السؤال.. هل حد عنده طريقة أو نصيحة للتعامل في هذه الحالة؟؟؟؟؟؟؟؟؟
يعني مثلا هل مناسب إن الواحد ما يركنش زي ما بيطلبوا لأن النتيجة معروفة، ويفضل ماشي بالعربية حتى لو ها يضيع الرفرف بتاعه؟ ولا يقف فجأة ويرجع لورا بضهره أو يلف بسرعة ويهرب عكسي؟
متهيألي التعامل مع واحد لوحده مش مشكلة خالص سواء تشيله ولا تدوس عليه وتفرمه.. المشكلة إنه ما يبقاش لوحده.. وهنا انت وحياتك والعربية في خطر في كل الأحوال...
-
استرها ياااااااااااااارب علينا
Content Relevant URLs by
vBSEO 3.6.0 PL2