ربنا يسترها علينا جميعا
ربنا يسترها علينا جميعا
حصلت مع واحد صاحبي واحد حاول يوقفه بموتسكل على الدائري راح خابطه بالعربيه و داس عليه و جري و عند اول كمين وقف و حكي للظابط كل حاجه و عرفه المكان الظابط قاله اتكل على الله ربنا يستر طريقك و اتعمل محضر و صاحبي مشي في ساعتها
أعتقد أهم حاجة الحركة المفاجئة-منك: اللا-متوقعة منه؛ دى اللى ممكن تزود فرصك فـ النجاة
- بعد ستر ربنا سبحانه وتعالى طبعا..
أيا كانت بقى: مارشيدير مع هاند وتلف، أو كيك-داون وإجرى لو عرفت.. أو حتى تخبطه-تقلبه،
يعنى بالترتيب
1- الهروب
2- العنف المضاد
3- ....؟!!
المهم NEVER back-down
أنا -الحمد لله- عمرى ماتحطيت فـ موقف كده، ومعرفش تصرفى هيبقى أيــــــــه؟؟
لكن من نصائح أصحاب وزمايل (مدنيين وضباط) انك أوعى أوعى تحس أنك trapped وتستسلم (فكريا-ذهنيا يعنى).. لحظة الفجأة دى؟!!!
هى دى اللى بيعتمد عليها الحقير بنسبة كبيرة.. الصدمة وشلل التفكير -يخضك يعنى!
وأنا معتقد جدا انها حرب عقول -أكثر منها باور (سلاح وعدد وعربية أكبر ووو)..
وربنا يستر طريقنا جميعا ان-شاء الله
للأسف الشديد
حصل حاجة بشعة أمبارح، أعتقد عرفها كل اللى شغالين فـ قطاع صناعة الدواء فـ مصر..
زميل -إشتغلت معاه فـ شركتين قبل كده..
مدير مصنع (يمكن من أصغر مديرين المصانع فـ مصر -مكملش 40 سنة)،
راجع من بلده لمكان عمله أول الأسبوع (المنوفية/قويسنا لـ بلطيم/رأس البر) وبيمشى مسافة عـ الزراعى،
كل الى عرفناه انه بعد قليوب (أو قبل بركة السبع مش عارف).. ضربوه بالنار فـ الرأس، وخدوا العربية كيا كارينز؟!!
- يعنى كل زمايلنا متأكدين ان د/حازم الله يرحمه أكيد إتاخد غدر.. وأكيد الكلاب دى حتى ما إتكلموش معاه!!
يمكن كان يديهم اللى عايزينه -ويغوروا فـ داهية الله يحرقهم.
هو كان شخص دمث الخلق وهادى ومؤدب جدا.. (وده اللى محزن الناس كلها)
ماعتقدش انه كان هيقاومهم لو تيقن انهم مجرمين كفرة والعياذ-بالله مايعرفوش ربنا!!
أنا عرفت ليــــــــــــــه الإسلام شدد حد الحرابة وقطع الطريق -وأتمنى من الله انه يتطبق بشدة!
أن دول مش مجرد حراميه.. لأ دا قتل وسرقه بالإكراه وترويع -حرابة زى ما الإسلام بيوصفها؟!!
وده فساد شديد فـ الأرض.
[url=http://www1.youm7.com/News.asp?NewsID=948843]
مره حصلت معايا في طريق القاهرة الاسكندريه الصحراوي قبل مدخل اسكندريه بحاجه بسيطه.
عربيه نص نقل قفلت عليا لحد ما وقفتني على اليمين وانا مكنتش متوقع ان دي سرقه , لقيت 3 نازلين منها وبيجروا ناحيتي واحد منهم وصل لحد بابي ولسه بيفتحه.جبت مارشيدير ودوست بنزين جامد لحد ما ساب الباب كنت بعدت عنهم كام متر كده .قام واحد منهم نازل على ركبه ونص ضرب نار على الكاوتش اللي قدام يمين,الحمد لله مجتش في العجل عشان لم تكون راجع لورا بسرعه العربيه بترقص منك يمين شمال ,أظن عشان كده مجتش في الكاوتش ,وبعدين لفيت الطريق الصحراوي رونج وفضلت ماشي على الشمال(يمين العربيات اللي جايه) لحد ما لقيت فتحه عديت الناحيه التانيه ومشيت في الاتجاه الصح وخلعت
صحيح ...كان معايا واحد صاحبي ولحد دلوقت بنفكر بعض وبنقول فاكر لم انضرب علينا نار
اسلم امري لله .. الله جاب الله خد الله عليه العوض
ولا ليه ديه.. هاموته طبعا
لا قوة الا بالله
ربنا يرحمه يا مصطفي
البقاء لله يا مصطفى
يا جماعه كل الناس قالت انها هتخبط اللى بيثبتهم او يهربوا ............
وووووو..............
محدش ذكر انه هيستسلم و يفوض امره لله .و العربيه و الحجات الماديه تتعوض عادى .و ربنا عارف و هيعوضك عن اللى هيروح منك لانه مش بتاعك .............
فى فكره حلوه بس عوزه تنفيز من العباقره ...
العربيه تتزود بجهاز تتبع و زرارين استغاثه .
الاول لما تعطل او حادثه و الحجات العديه دى
و التانى لما تتعرض لحادث سطوا تدوس عليه .:و المطلوب انه يعمل الاتى
يعطل العربيه بعد 5 الى 10 دقايق .عشان البلطجيه يكونوا هربوا بالعربيه و انت بقيت فى الامان .
1-العربيه تقف و تبعت مكانها على الجى بى اس لاماكن و نمر معينه
2-قبل ما العربيه تقف ب 30 ثانيه تطلق دخان كثيف من انبوبه موجوده فى الكبوت ,
او 2- تطلق غاز منوم داخل الكبينه قبل توقف العربيه بدقيقه او 30 ثانيه . و تقفل الزجاج ووحدة الرفع للزجاج و السنتر لوك .من غير امكانية فتحه من الداخل .
3-تعطى علامه العطل الميكانيكى داخل التابلوه عند العدادات .
الكلام دا سهل بس عاوز حد يعرف يعمل بورده الخاصه بعلامة العطل فى التابلوه و انبوبه الغاز او الدخان و توصيلهم بالزرار .
و الله اعلم
و بعد ما يسرقوا العربيه و الموبايلات و كل حاجه .هتروح اامن مكان و تتصل باى حد يجيلك و معاه سلاح و ابازين .
و هتروح العربيه هتلاقيها فى مكانها بالجى بى اس بعد مكانك بحاجه بسيطه و البلطجيه نايمين
هتكتفهم بالابازين و هتاخدهم لاقرب قسم او كمين شرطه و تاخد نمر بطايقهم و تصورهم و تصور عربيتهم .
و تنشر صورهم على النت و تفاصيلهم كلهم و تحزر الناس منهم
و تروح منطقتهم فى وقت بليل و تلزق صورهم على حوائط البيوت و تكتب عليها انهم حراميه و ب.لطجيه .صور زى بتاعة الانتخابات
كده تبقى عملت كل اللى عليك
انا فكرت في حجات زي دي والله
بس هتتنفذ ازاي ?
وفكرت بدل المنوم ده تبقي قنبلة غاز او مواد سامه تموت والعربيه تقفل علي اللي جواها وما يقدرش يطلع …
ويكون بعد 3 دقايق علشان عشره كتير
بس اقصي حاجه موجوده في مصر هي ال gps tracker
لازم يكون في حل نحمي بيه العربيه ونحافظ بيه علي حياتنا في نفس الوقت.
الواحد وصل لدرجة انه خلاص مش فارقة معاه لا فلوس ولا عربية المهم يعيش !!
حسبي الله ونعم الوكيل
يجب الانتباه ان اغلب حالات التثبيت بتحصل فى اماكن محدده ---عند مطب صناعى فى طريق هادىء -عند مطالع الطريق الدائرى لوجود اماكن للاختباء السريع --بيقفل عليك بالعربية علشان يوقفك وكانه هيتخانق معاك --يصدمك من الخلف وبنزولك يتم مغافلتك والهروب بالسيارة --شخص بيسالك عن الطريق فانت بتهدى سرعتك علشان تتكلم معاه وساعتها بيقفل عليك بمقدمة عربيته --الطرق الزراعية البطيئة الهادئة ----عموما انتبه من السيارات اللى فيها زجاج فامية --السيارة اللى فيها مجموعة رجال 3 او 4 بيحاولوا يكلموك اة يحتكوا بيك --سيارة فيها شباب صغير السن وبتبقى اشكالهم مدمنين --ربنا يسترها يارب على الجميع
ححاول افادية ... لكن لومعرفتش حخبطة ولو وصلت انى اموته
دة قدرة وربنا يرحمه
بس الطرق دى بسافر عليها ومتاخر جدا كمان
بس متقفش ممنوع انك تقف حتى تشرب حاجه او تقضى حاجه
علشان متديش فرصه لحد ان يثبت العربيه لانه من المستحيل حد يثبت عربيه ماشيه 80 او 90
دة غير ان بيكون فيه حوارات تانيه لا يعلمها الا الله
يكون معاه فلوس بيع ارض او منزل ومعمول له خطه قتل وسطو وحركاته بكون مرصودة-لحد اما يبقه ضحيه-ودة اكيد الى حصل لانه اتقتل علشان اكيد الى قتله شخصيه معروفه ليه وبعد السرقه هيعرفه فكان القتل لطمس معالم الجريمه
المفروض المنتدى كله يركب مواتير 2000 سى سى او تيربو علشان لحظه الهروب الكبير
انا أعتقد أن الأخطر من سرقة العربية هو أنهم نجحوا في زرع الخوف فينا ، و أصبح شويه مجرمين جهله يتحكمون في مصيرنا .
ليس عندي حل أو أقتراح لما سبق و لكن لو العربية حتكون مصدر للرعب و الخوف بيعها أحسن و أستخدم مواصلات لفترة و لحين أنتهاء هذه المحنه أحسن من كل هذه المغامرات السابق ذكرها لأن زي ما أنتم بتفكروا ليهم هم كمان بيفكروا ليكم .
دائماً تقول وانت خارج من المنزل أستودعك الله فى الأرض والسماء
أقف واسيبله العربية
الواحد يقول الدعاء ده وميهمهوش حاجة بعد كده :
في سنن أبي داود والترمذي وابن ماجه ومسند أحمد قال رسول الله صلى الله عليه وسلم: من قال: بسم الله الذي لا يضر مع اسمه شيء في الأرض ولا في السماء وهو السميع العليم. ثلاث مرات لم تصبه فجأة بلاء حتى يصبح، ومن قالها حين يصبح ثلاث مرات لم تصبه فجأة بلاء حتى يمسي. وفي رواية : لم يضره شيء.
صححه الألباني.
الله يكون في عون الناس اللي عندها اسر واولاد بيخافوا عليهم
الحمد لله ان الواحد لسا بطوله .. فبيمشي ومش خايف اوي لا علي نفسه ولا علي غيره اللي ممكن يتبهدلوا من بعده
انا شخصيا مادامت فيه فرصه ولو 10% اني اقدر افلت هدوس بنزين واطير
وطبعا هحاول اتفاداهم انما لو وقفوا قدامي هفرمهم طبعا
يلا ربنا يقدم اللي فيه الخير ويصلح حال البلد ويحرصنا جميعا
أنا جمعت الفكرة في دماغي من ردودكم
اللي أنا رافضه حاجتين..مش هقف وأسيب العربية أبدا لاني مضمنش هيعملوا فيا ايه لو وقفت وخصوصا لو معايا الأسرة
كمان مش هحاول أدوسه للموت
أنا هحاول الهروب والإفلات من أي مكان لو فيه مجال بس بحيث أكون مسيطر علي العربية...لو مفيش مجال يبقي أخبطه بحيث إنه يقع بس وأجري
طيب لو متوسيكل..نفس الكلام خبطة بسيطة وأجري
طيب لو عربية زي الفيديو المنتشر بتاع سرقة التويوتا ياريس
أنا شايف إنه كان فيه مجال إنه يهرب من قدام اللانسر ولو مزنوقة أوي هخبط وش عربيته بجنب عربيتي وأحاول أعدي وسرعتي هتساعدني
أو أقف بسرعة جدا وأجيب مارشدير والف وش العربية وأطلع أجري وبردو الفيديو كان فيه مجال إنه يعمل كدا
الفكرة بقي إن ممكن يكون كان بيغلس عليك اول الطريق ومعيشك موقف إنه متغاظ من سواقتك عشان كده سواق الياريس وقف كان فاكره نازل يتخانق معاه ويقوله ما تعديني مثلا فطلعوا حرامية
نخلي بالنا من النقطة دي واي حد يقف قدام عربيتي عايز يتخانق معايا او بلطجي عايز يسرقني يبقي ولا اعرفه
وفي المقابل محدش فينا يعمل كدا انه يكسر علي حد رخم عليه لانه ممكن يفكر نفس التفكير ويشيله تماما وبصراحة حقه
ادوس علية واموتة من غير اصلا ما افكر
ربنا يسترها علينا جميعا
تجربة شخصية لى كنت فى كارفور اسكندرية مع اسرتى وقابلت ضابط شرطه صديق لى هناك وبعدين خلصت ومشينا واول الطريق الدولى لقيت 3 ماسكين شوم وبيقولو اقف اقف - ربنا الهمنى اتجهت لاقصى اليسار وانطلقت بسرعة رهيبة واحد منهم نزل بالشومة على العربية مع السرعة ومن فضل ربنا لبست عزمها فى القايم اليمين وطيرت المراية وكسرت البربيز ولو كانت لبست فى البربيز كانت ضيعت ام الاولاد اللى كانت جانبى - اتصلت بالضابط صديقى اللى كانت لسه مقلبله - قاللى حايبعت عربية نجده فورى ولكنها لما وصلت لم يكن هناك شىء
المهم صديقى قالى بعدين انه جات 3 بلاغات مشابهه فى نفس المكان و برضه بدون ما يتمكنوا منهم لغاية ما جاء بلاغ اخير من واحده ست تبين انها حرم عقيد شرطه بتقول انهم تعرضوا لها بس هى داست واحد فيهم
عرفتى ازاى ؟ قالت لقيت العربية طلعت على جسم ونزلت تانى ولما الشرطة وصلت المكان لم تجد اى منهم ولكنها وجدت اثار جرجرة الجثة فيما يبدو واثار الدماء بالمكان
ربنا يخلصنا منهم
حفرومة حتى لو كانت نهايتى ....*
الموضوع ده بيتم ف ثواني اهم حاجه الثبات الانفعالي و انك تعرف تفكر و تقيم الموقف و قوة الي قدامك و حسب ده يكون قرارك و ربنا يستر علي الجميع
هازود السرعة و ابعد عنه بقدر المستطاع و اوطى راسى تحت الدريكسيون عشان لو فى ضرب نار , و مش هاخبطه عشان الله اعلم ممكن بعد ماخبطه العربية يحصل فيها حاجة و مش هانزل طبعا عشان اكيد هايكون معاه ناس حواليه و عمتا ربنا يستر طريقنا كلنا