لو حد بيثبتك وانت سايق العربية ومعاه سلاح تعمل ايه

**أحمد عاصم** · 06-06-2013 01:46 AM

المشاركة الأصلية كتبت بواسطة my3fox

الحكاية دي حلوة بس في الافلام بس....
لو معاه سلاح ناري الباب مش حيحميك
كمان تاموضوع تللي بتقول عليه عاوز تدريب لانه ممكن و أنت لتنزل دماغك تحت الدريكسيون يلف منك و تلاقي العربية لابسة في أي حاجة تانية بالسرعة العالية دى

يا باشا ولا ف الافلام ولا حاجة هاوطى و اثبت ايدى عالدريكسيون و احكمه كويس و ازود السرعة

**Magoda** · 06-06-2013 11:57 AM

هو الواحد ممكن يقول هيعمل ايه
بس الموقف نفسه هيبقى فيه رد فعل تانى خالص
وربنا يسترها علينا

**أحمد جودة** · 06-06-2013 12:56 PM

المشاركة الأصلية كتبت بواسطة amr axel

التصرف بيكون ع حسب الموقف و سرعة بديهة السائق

كنت هتثبيت مرتين بعد الثورة مرة ع طريق الـn\a مرة ع طريق السويس و الاتنين كانوا بنفس الطريقة
اللي علي طريق الـn\a كانت عربية مرسيدس قديمة تحس انها متجمعة تحت بير السلم و كانت ماشية معوجة و فيها 4 كان الكلام ده ع حوالي الساعة 7-8 بليل و كان معايا اهلي في العربية و ساعتها الطريق فضي مفيش عربية واحدة لقيت العربية ديه بيقفلوا عليا و كانوا هيخبطوني عشان اقف او اهدي سرعتي و كان اللي جنب السواق زي ما يكون ماسك ماسورة في اتجاه السقف تصورت انها بندقية و كانوا بيبصولي
قولتلهم في العربية انزلوا في الدواسات و شديت شوية لاحظوا ان العربية 800 سي سي برده العربية جايباني و كويس ان عربيتهم تعبانة ساعتها ببص في المراية لقيت عربيات كتيير جاية ورا بس ع مسافة ضربت فرامل فجأة عشان اهدي بحيث العربيات تقرب شوية و بعدها اشد و هو يحصله ربكة زي ما تقولوا كده مناورة طبعا هو كان سابقني بعد ما هديت جيت من وراه و قولت هطلع من ناحية السواق منها يتربك و لو اللي جنبه معاه بندقية ميقدرش يضرب سقطت نقلة و حرقت ع الاخر و طلعته من وراه بقيت ع شماله و طلعت حاول يكسر يخبطني لكن الحمد لله فلت من الخبطة اعتقد مكنش فيه حتي سم بينا عشان يخبطي و ساعتها فتحت رابع خامس و العربية ساعتها دخلت 140 و داخلة ع 150 و بصيت في المراية لقيت العربيات قربت منه اوي و هم هدوا ع الاخر ورا ساعتها كل ده طبعا حصل في ثواني و بعدها وصلت لبنزينة وطنية كان الكلام ده قبل ما يعملوا النفق طبعا قولت اشوف اي ظباط امناء اي حد ابلغ عن العربية بما انهم ساعات بيقفوا هناك ملقتش حد و هكذا طول الطريق لحد ما وصلت الحي السادس ملقتش عسكري و الحمد لله ربنا سترها

في الناحية التانية ع طريق السويس برده نفس حوار الطريق فاضي و بليل و نفس التقفيل فبقيت مبرمج اعمل مناورة و اشد لكن مسكت شومة كنت عاملة و وقفتها باتجاه السقف ع الكرسي تبان كأنها بندقية تمويه يعني و ببصلهم لما جيت من شمالهم برده ههههههه و واضح عليهم خايبين او خافوا لما لاقوني عملت كده و ماسك ماسورة و هدوا ع الاخر

فزي مقولتلك فوق الموضوع بيعتمد ع الموقف و البيئة المحيطة و الشخص نفسه انت ممكن تكون مخطط في دماغك تعمل ايه لو حصلك الموقف ده لكن من الخضة متبقاش عارف تعمل ايه او الموقف يتغير و متعرفش تتصرف

بس طبعا لو واحد واقف رافعلي السلاح في الشارع و انا سايق و بيهددني هشيله او ع الاقل اكسره و اروح ابلغ عنه و عن نفسي ممكن انزل اربطه و ارميه في شنطة العربية او احطه ع السقف و اطلع اسلمه بنفسي

اهم حاجة تخليك هادي و تتصرف بعقل بدون تهور و لازم تعرف ان كل شئ نصيب
لكن في نفس الوقت مش واحد في الشارع و انت واقف قصاده و رافع عليك طبنجة و لا بندقية و انت متعرفش تكنيكات قتال الشوارع و لا مدرب عليها و تروح تقول اقفله هنا كأنك بتنتحر في داهية الفلوس
انما لو عندك القدرة ع مواجهته اذن لازم تواجهه

جَاءَ رجلا للرسول ( صل الله عليه و سلم ) فَقَالَ: "يَا رَسُولَ اللَّهِ أَرَأَيْت إنْ جَاءَ رَجُلٌ يُرِيدُ أَخْذَ مَالِي، قَالَ: "فَلَا تُعْطِهِ مَالَك، قَالَ: أَرَأَيْت إنْ قَاتَلَنِي؟ قَالَ: "قَاتِلْهُ"، قَالَ: أَرَأَيْت إنْ قَتَلَنِي؟ قَالَ: "فَأَنْتَ شَهِيدٌ"، قَالَ: أَرَأَيْت إنْ قَتَلْته؟ قَالَ: "هُوَ فِي النَّارِ" .

باشا العربية دي لونها ابيض بس مبهدل صح

لو هيا العربية دي يبقي اللى شوفتو مكنش تهيئات

الكلام دة من شهر ونصف تقريباً على طريق بلبيس الصحراوي فى اتجاة الفاهرة قبل كارتة السلام بـــــ 10 كيلو

العربية دي قفلت عليا مرتين وهدت قدامي ومدتيش خوانة

لاكن المرة التالتة كانت باينة اوي

كنت ماشي يمين وهوة جاي من علي شمالي فضلت ازود سرعة بسيط لحد ماوصلت لعربية نص نقل على شمالي واديتو امل اني هعدية المرة دي ورحت رامي عليه وهوة بيعدي كان هيلبس فى النص نقل من ورا

ورحت مسمي الله وخليت المدام تقفل الازاز وتنزل الولاد فى الدواسة

ورحت قارص بالعربية واللى يحصلني يكسرني

المهم وصلت لكارتة السلام وبعد معديت البوابات وقفت على يمين الطريق علشان اشوف العربية دي ......... اكتر من ربع ساعة مظهرتش

المهم كملت
وربنا يستر طريقنا جميعا

**ahmedelaraby** · 06-06-2013 02:58 PM

بصوا هو كل شي نصيب فى الاول والاخر ده مكتوب وربنا كاتبه علينا يعني كده كدة هنشوفه

يبقي الحل المواجهة او الهرب
اوعى تقف بأي حال من الاحوال لسبب بسيط انتا لو وقفت وخصوصا لو معاك عيلتك تضمن منين انهم حياخدوا مالك بس وميخدوش اهلك او حد منهم وساعتها يا اما هتموت او هتتنازل عنهم ( ربنا ميكتبها على حد)
يبقى انتا كدة كدة في احتمال انك تموت بس مع حل المقاومة او الهرب هيكون احتمال الخسارة مقابل احتمال النجاة يعني 50-50 يبقي الطبيعي والمنطقي انك تجازف عشان ال 50 %
طيب ازاي نهرب منهم او نقاومهم
لو موتوسيكل دوسه او وقعه ودي سهلة حتي لو معاه سلاح اول ما يقع مش هيعرف يعمل حاجة ولو ناس واقفة قدامك وغالبا بيكون موقفين العربية بتاعتهم تسد الطريق من ناحية وهما واقفين من ناحية تانية او جنب الرصيف يبقى العمل انك تسقط نقلة وتدوس بنزين وتحاول تهرب يا اما تدوس عليهم وتعدي اذا كانت الحتة بتاعتهم كبيرة او الحتة اللي واقفين فيها الناس كبيرة
او انك تخبط عربيتهم بس حاول تكون ذكي تخبط عربيتهم من اضعف نقطة وهي الشنطة او الجزء الخلفي من العربية لان الجزء الامامي فيه الموتور ودة ممكن يخلي عربيتك تعطل او تبطل
طيب لما تكون بقا عربية وتحاول تثبتك من الحركة يكون العمل ايه

الهرب : في الغالب العربية بتاعتك بتكون حديثة او عليها العين يعني عشان العملية تجيب همها بالنسبة للحرامية المهم العربية بتاعت الحرامية لو هيا وراك وانتا ملاحظها ف المراية وده لازم لما تكون ماشي تلاحظ العربيات اللي حواليك بتقرب ولا بتحافظ على مسافة بينك وبينها لو لقيت عربية متبعاك اعمل مراوغة كدة واقرص شوية كدة وشوف هو كمان هيقرص وراك ولا لأ لو لقيته قارص وراك سقط نقلة وطير وتابع المرايه بتاعت الصالون لانها بتكشف اكتر ف الطرق المفتوحة ومتهديش الا لما تلاقي الطريق زحم او عند بنزينة او منطقة مسكونة يعني مش هيكون بجح للدرجادي انه يحاول يسرقك وسط الناس
طب لو العربية جنبك ومفيش حد يغيثك وهو بدأ في العملية ساعتها اما انك تضغط فرامل ومرشدير واول م العربية تبتدي تجري للخلف ارفع هاند واكسر الدركسيون ناحية المكان الاوسع من الطريق وفي نفس الوقت اولاني او d وطير باقصى سرعة العربية هتلف للخلف في اضيق الطرق وبشكل سريع جدا وامشي عكس علي يمين العربيات اللي جاية في وشك
الحل التاني بقي وهو اللي انا برجحة وبالذات لما تكون على سرعات عالية لان حتي لو معاهم عربيات عالية او نص نقل وده عز الطلب هتجيب معاهم اوي الطريقة دي
خليه يجري معاك ونزل اي حد معاك ف الدواسة واول ما 4/3 عربيته يعديك وبالظبط عند العجل الخلفية بتاعته متكون عند العجلة الامامية بتاعتك كدة او اول الرفرف الامامي بتاعك اكسر عليه بكل قوة وسيطر على عربيتك كويس وغالبا مش هتعوم ولا حاجة لان العربية التانية هتسندك وهو غالبا هيتقلب لان التوازن بتاعة هيختل ومش هيتوقع رد الفعل ده ولان عربياتهم عالية او دفع رباعي او نص نقل بيكونوا عالين اوي عن الارض وسهل انك تقلبة ولو متقلبش اكيد هيخيش في اي حاجة شجرة عامود رصيف دة لو سواق محترف هيخيش مش هيتقلب وانتا كمل طريقك لاقرب كمين او قسم شرطة واحكيلهم اللي حصل وخدهم ووريهم المكان وانشاء الله هيكون مقلوب ع الطريق وتقفش ابوهم

وربنا يسترها ع الكل ؟؟؟؟

**Civil.Eng** · 06-06-2013 08:57 PM

المشاركة الأصلية كتبت بواسطة ahmedelaraby

بصوا هو كل شي نصيب فى الاول والاخر ده مكتوب وربنا كاتبه علينا يعني كده كدة هنشوفه

يبقي الحل المواجهة او الهرب
اوعى تقف بأي حال من الاحوال لسبب بسيط انتا لو وقفت وخصوصا لو معاك عيلتك تضمن منين انهم حياخدوا مالك بس وميخدوش اهلك او حد منهم وساعتها يا اما هتموت او هتتنازل عنهم ( ربنا ميكتبها على حد)
يبقى انتا كدة كدة في احتمال انك تموت بس مع حل المقاومة او الهرب هيكون احتمال الخسارة مقابل احتمال النجاة يعني 50-50 يبقي الطبيعي والمنطقي انك تجازف عشان ال 50 %
طيب ازاي نهرب منهم او نقاومهم
لو موتوسيكل دوسه او وقعه ودي سهلة حتي لو معاه سلاح اول ما يقع مش هيعرف يعمل حاجة ولو ناس واقفة قدامك وغالبا بيكون موقفين العربية بتاعتهم تسد الطريق من ناحية وهما واقفين من ناحية تانية او جنب الرصيف يبقى العمل انك تسقط نقلة وتدوس بنزين وتحاول تهرب يا اما تدوس عليهم وتعدي اذا كانت الحتة بتاعتهم كبيرة او الحتة اللي واقفين فيها الناس كبيرة
او انك تخبط عربيتهم بس حاول تكون ذكي تخبط عربيتهم من اضعف نقطة وهي الشنطة او الجزء الخلفي من العربية لان الجزء الامامي فيه الموتور ودة ممكن يخلي عربيتك تعطل او تبطل
طيب لما تكون بقا عربية وتحاول تثبتك من الحركة يكون العمل ايه

الهرب : في الغالب العربية بتاعتك بتكون حديثة او عليها العين يعني عشان العملية تجيب همها بالنسبة للحرامية المهم العربية بتاعت الحرامية لو هيا وراك وانتا ملاحظها ف المراية وده لازم لما تكون ماشي تلاحظ العربيات اللي حواليك بتقرب ولا بتحافظ على مسافة بينك وبينها لو لقيت عربية متبعاك اعمل مراوغة كدة واقرص شوية كدة وشوف هو كمان هيقرص وراك ولا لأ لو لقيته قارص وراك سقط نقلة وطير وتابع المرايه بتاعت الصالون لانها بتكشف اكتر ف الطرق المفتوحة ومتهديش الا لما تلاقي الطريق زحم او عند بنزينة او منطقة مسكونة يعني مش هيكون بجح للدرجادي انه يحاول يسرقك وسط الناس
طب لو العربية جنبك ومفيش حد يغيثك وهو بدأ في العملية ساعتها اما انك تضغط فرامل ومرشدير واول م العربية تبتدي تجري للخلف ارفع هاند واكسر الدركسيون ناحية المكان الاوسع من الطريق وفي نفس الوقت اولاني او d وطير باقصى سرعة العربية هتلف للخلف في اضيق الطرق وبشكل سريع جدا وامشي عكس علي يمين العربيات اللي جاية في وشك
الحل التاني بقي وهو اللي انا برجحة وبالذات لما تكون على سرعات عالية لان حتي لو معاهم عربيات عالية او نص نقل وده عز الطلب هتجيب معاهم اوي الطريقة دي
خليه يجري معاك ونزل اي حد معاك ف الدواسة واول ما 4/3 عربيته يعديك وبالظبط عند العجل الخلفية بتاعته متكون عند العجلة الامامية بتاعتك كدة او اول الرفرف الامامي بتاعك اكسر عليه بكل قوة وسيطر على عربيتك كويس وغالبا مش هتعوم ولا حاجة لان العربية التانية هتسندك وهو غالبا هيتقلب لان التوازن بتاعة هيختل ومش هيتوقع رد الفعل ده ولان عربياتهم عالية او دفع رباعي او نص نقل بيكونوا عالين اوي عن الارض وسهل انك تقلبة ولو متقلبش اكيد هيخيش في اي حاجة شجرة عامود رصيف دة لو سواق محترف هيخيش مش هيتقلب وانتا كمل طريقك لاقرب كمين او قسم شرطة واحكيلهم اللي حصل وخدهم ووريهم المكان وانشاء الله هيكون مقلوب ع الطريق وتقفش ابوهم

وربنا يسترها ع الكل ؟؟؟؟

استاااااااذ. و رئيس قسم

**Deshahcoka** · 06-06-2013 09:17 PM

بلد وصلت لمرحله البي بي ، فبراير الاسود ستايل

لا دين لولاد الو....... دول موتهم

**midogeem75** · 06-06-2013 09:32 PM

الموقف نفسه وهل معك احد من اسرتك ام لا هي الاساس في اتخاذك لاي تصرف .. وهناك موقفان حدثا بالفعل احدهما مع اخي وهو ضابط شرطة سابق ورئيس محكمة حاليا . والموقف الاخر معي .. ولا اعلم اذا كان التصرف الذي فعله اخي سليم ام لا وكذلك تصرفي.. بالنسبة لاخي هو يحمل سلاح مرخص وتحرك هو وزوجته وابنه البالغ من العمر ثلاث سنوات بسيارته bmw320 model 2012 من المهندسين الي القليوبية منذ حوالي ستة اشهر وكان الساعة 11 مساء بعد مزلقان قليوب في طريق فردي الزراعات يساره شريط والسكك الحديديه يمينه فوجيء بقطع عرضي بالطريق حاول تفاديه من ناحيه اليسار(الزراعات) تفاديا لعدم احتكاك السيارة وكانت سرعته صفر تقريبا استطاع تمييز 2 بندقيه الية عليه من ناحيه بابه ولم ينطق احد بكلمة .. فكان قراره الوقوف علي دواسة البنزين وجاب مراته من شعرها في الدواسة ولستر ربنا كان ابنه نايم في حضنها .فتحو عليه النار واتصاب بطلقتين في رجله من اول دفعة في صاج الباب بس الحمد لله مافيش طلقة جت في العظام او الاعصاب وغربلو العربية وهو بيجري لدرجة ان فيه طلقات دخلت من الزجاج الخلفي وخرجت من الامامي .. والحمد لله قدر يهرب بمراته وابنه وعربيته واتعالج .. الموقف الثاني كان معايا في شهر 9 سنة 2011الساعة 10 مساء بطريق مصر الاسكندريه الصحراوي في اتجاه القاهرة بعد عبور بوابة رسوم الاسكندريه بحوالي نص ساعة علي سرعة متوسطة 150 وكان معايا عربيتي المرسيدس وكنت لوحدي ومعي سلاح مرخص ايضا فوجئت بشخص يحمل حاجه بصراحة مقدرتش اميزها زي ما تكون ماسوره او جسم معدني طوله حوالي متر ورافعها لفوق كأنه هيحدفها علي العربيه وكانت المسافه بيني وبينه حوالي 100 متر وكان متوقف علي الجانب الايمن من الحارة اللي كنت ماشي فيها (الشمال)كان قراري اقف علي دواسة البنزين والتمسك بالدريكسيون وعدم تحريكه ملي يمين او يسار ولو جه قدامي هفرمه .عديته بس حسيت ان في حاجة خبطت علي سقف العربية وحسيت بعد حوالي 5 دقائق اني همدان وعنيا فيها زغلله وبدأت ادوخ بجد . لمحت الامبير لقيته 250 شلت رجلي من علي البنزين ولما السرعة نزلت ارتحت واضح ان السرعة المفاجئة للعربية عملت اختلال لضغط الهواء جواها وكمان كنت متنشن علي الدريكسون .. ولما وصلت محطة رسوم القاهرة وقفت اشوف سقف العربيه لاقيته واخد خبطة محترمة من ناحية اليمين ذي ما يكون بعتلة حديد .. طبعا حتي الان والله مش قادر افسر ده كان عايز ايه.. واسف للاطالة ولكني اردت ذكر الموقفين حتي نستفيد جميعا منها ... مع خالص تحياتي......... جمال