الموضوع: كما تدين تدان - ابو يوسف

حمدالله على سلامتك
والمصريين فعلا احسن شعب فى الدنيا
بس الظروف والضغط هما اللى مخلى جزء منهم يشوه الحلو اللى فيهم

انا والله ياجماعة عمال أفكر لو محدش كان وقف جنبى كنت عملت أية ؟ كنت هاسيب الفيسبا فين واركب مواصلات أزاى ؟ وارجع أجيب الفيسبا تانى ازاى ؟ ولما ارجع ياترى هلايقها ولا لأ ؟ وفى ثانية كل دة اتغير لما لاقيت الناس دى كلها وقفت جانبى , ومش عاوز أقولكم الموقف دة أثر فيا قد أية أن الواحد لما يشوف حد فى محنة لازم يقف جنبه , كنت الاول أطنش , اقول يمكن مستنى حد , يمكن مش عطلان , بس دلوقتى لأ , واول شئ عملنه انى لاقيت واحد واقف امبارح على الطريق الزراعى بموتسيكل , فبعد ما عديته إفتكرت , ورجعتله تانى وسألته عاوز حاجة قالى الموتسيكل خلص بنزين , روحت مطلع زجاجة بنزين 1 لتر من اللى معايا فى الفيسبا , وحطيتهاله فى الموتسيكل بتاعه , فجه بيقولى ممكن أحسابك عليهم قولتله لأ , دة أنا برد من اللى عليا , علشان انا ناس وقفت جانبى كتير .