انا ياجماعة معايا عربية ماتريكس ( معاقين ) , ومعايا فيسبا مجهزة
إمبارح كنت ماشى بالفيسبا , وعملتها معايا وعطلت على كورنيش إمبابة قدام مستشفى الحميات , المهم بصيت عليها لاقيت الكاربيرتير مسدود , وكمان فلتر الزيت مسدود , وطبعاً دة بسبب الرواسب اللى بتبقى فى البنزين , ووقفت خالص ولازم تروح للميكانيكى , المهم حسيت قد أية انى مش عارف اعمل أية , وهاوصل البيت ازاى وهسيب الفيسبا فين , ولا اخدها الى الميكانيكى ازاى , وانا ساكن فى شبرا الخيمة , وكان الاتى :-
1 - جالى شاب وسألنى عاوز حاجة , قلتله الفيسبا عطلانه , حاول تزوقنى يمكن تمشى , وفعلاً زقنى لحد ما طلعت كوبرى الساحل , واول ما الفيسبا مشيت شوية طلعت الكوبرى , ووقفت تانى بعد ما نزلت الكوبرى على طول .
2 - لاقيت عربية نصف نقل وقفت قصادى ونزل الواق قالى محتاج حاجة قولتله الفيسبا عطلانة قالى طيب ازوك , قولتله ماشى المهم زقنى الفيسبا ما أشتغلتش , قالى طيب اعملك اية وانا اعمله ( أنا مش هاسيبك ) , قلتله طيب أمشى وانا هامسك ى العربية من ورا , وبالفعل مشى وحاولت أمسك فى العربية ما عرفتش خالص , قلتله خلاص إمشى أنتى , قالى لا مش هسيبك إلا لما أوصلك , وبيقنا واقفين مش عارفين عمل اية , وكل اللى يعدى علينا يسالنى عاوز حاجة قاله لاْ شكراً , لاقيت واحد بتاع جراج جه وسألنى عاوز حاجة , قلتله عندك حاجة السواق يشدينى بيها , قالى هاشوفلك , وجابلى سلك , وربطه فى العربية ووصلنى لحد المؤسسة , وقالى والله , انا رايح أوصل بضاعة , ولازم أوصلها فى ميعاد معين , قلتله , دة كدة حلو قوى , كتر خيرك , وسبنى , وقالى والله هاروح أوصل البضاعة , وهارجعلك تانى
3- وقفت فى المؤسسة قدام مستشفى النيل , ولاقيت عربية نصف نقل , وقلتله ممكن تشدنى معاك , قالى لاْ أسف مش هينفع
4 - لاقيت واحد بموتسيكل , وقلتله ممكن تشدنى , قالى انا عمرى ما شديت حد قبل كدة , بس هاشدك , وفعلاً شدنى لحد مدخل شبرا الخيمة من على الطريق السريع ( مدخل التلاجة ) . وقالى والله انا مش داخل جوة , انا ماشى على طول سامحنى هاسيبك هنا .
5- عاديت أنا السكة الحديد بالفيسبا , وانا معدى جة شاب وزق الفيسبا معايا لحد ما عدينا السكة الحديد.
6 - مشي شوية بالفسيا زق برده , ولاقيت شباب جايين من ورايا , وسألونى عاوز حاجة , قلتلهم معلش حد يزق الفيسبا الى أخر الشارع , قالولى لا اركب على الفيسبا واحنا نزقك , وبصرحة انا حسيت ان كدة كتير قوى , قلتلهم لأ أنا كل اللى محتاجوه حد يزقولى الفيسبا بس , لكن هو صمم أن أركب على الفيسبا وهما يزوقنى , ولما وصلنا الى أخر الشارع , قلتلهم خلاص انا كدة يعتبر وصلت انا هروح للميكانيكى , فسالنى هو فين الميكانيكى دة , قلتلى بعد كام شارع كدة , وقالى خلاص احنا هنوصلك لحد هناك , قلتله لأ كدة كتيير روح مشوارك انت , قالى لا أحنا رايحين فرح , ( والفرح مش أهم منك ) وفعلا وصلنى لحد الميكانيكى .
7 - الحمد لله صلحت الفيسبا ( غير ت فلتر الهواء , وغيرت فلتر البنزين , وغيرت إبرة الكاربيتير )
والاهم من دة حسيت أن مصر لسة بخير طالما أهلها لسة فيهم خير
ابو يوسف
01110336039