حدثت كارثة الضفيرة معى

**mdsalah** · 30-07-2008 07:18 PM

انا اشترت سوبر صالون 23\3\2008 وحدثت كارثة الضفيرة معى الشهر الي فات بس بشكل مختلف" السيارة بتدور. بس عند التوقف او الركن بتبطل يعني في الصلنصيه كتير اوي العربية ترعش و تبطل .

في التوكيل زبطوها أعدت يومين و رجعت زي الأول قلولي ان ده عيب في ضفيرة الكهربء بتاعت الماتور و عندهم ستة غيري مستنين ان المصنع يبعت قطع الغيار وبقالهم اسبوعين على كده و الأسبوع الجاي المفروض يحللو القصة ديه.

أنا مش فاهم العيب صريح ومعروف من فترة ليه مابيتعملش في الصيانة او يوفروا قطع الغيار عند الوكلاء. معظم الي شاري في شهر 3 هيقابلو العيب ده.

بس انا لو ما إتحلتش زي ما قالوا مش هسكت و هدمرهم في الجرايد انا وكل الي قابلته المشكلة ديه

**hazem_khidr** · 30-07-2008 07:47 PM

ربنا معاك
حاجه محزنه فعلا ان الواحد يجيب عربيه زيرو و محترمه و يبقي فيها مشكله:(

**ahmedsrs** · 30-07-2008 07:52 PM

كان فى نفس المشكلة دى مع احد الأعضاء لو فى عيب فى الضفيرة تبقى مشكلة خطيرة جدا لآن العربية لقدر الله ممكن تولع وهى واقفة روح اعملهم مشكلة فى التوكيل وعلى صوتك وياريت لو فى كام واسطة عندك من التقال عشان يحلو المشكلة دى

**mohamed ibiza** · 30-07-2008 08:58 PM

المشاركة الأصلية كتبت بواسطة hazem_khidr

ربنا معاك
حاجه محزنه فعلا ان الواحد يجيب عربيه زيرو و محترمه و يبقي فيها مشكله:(

بعد كل مشاكل التقفيل و التجميع و الدهان و الضفيرة مبقتش محترمة يا حازم:)

**mdsalah** · 30-07-2008 09:08 PM

لأ محترمة..... أنا مش عايز اظلم العربية لنها قبل العيب ده وأنا مقتنع بالعربية ومبسوط منها جدا انها أحسن إختيار والعيب ده عادي ممكن يحصل في اي عربية ولكن

ان العيب يكون صريح ومعروف من فترة ليه مابيتعملش في الصيانة او يوفروا قطع الغيار عند الوكلاء هو ده الي مينفعش يحصل وسعتها الناس هي الي مش محترمة مش العربية

**mohamed ibiza** · 30-07-2008 09:13 PM

المشاركة الأصلية كتبت بواسطة mdsalah

لأ محترمة..... أنا مش عايز اظلم العربية لنها قبل العيب ده وأنا مقتنع بالعربية ومبسوط منها جدا انها أحسن إختيار والعيب ده عادي ممكن يحصل في اي عربية ولكن

ان العيب يكون صريح ومعروف من فترة ليه مابيتعملش في الصيانة او يوفروا قطع الغيار عند الوكلاء هو ده الي مينفعش يحصل وسعتها الناس هي الي مش محترمة مش العربية

ما هو ازاي بقي نزلت اصلا بعيب خطير زي ده!!!!

**dody2k** · 30-07-2008 09:14 PM

yagma3a 7'admet ma ba3ed el be3 di ahm 7aga fi el mwdo3 .. mafesh 7aga perfect we ay car mo3rada le mawakef zay keda .. bas maslan VW sa7bet bet3 500 passat 3alashn feha moshkla mesh faker fi a .. bas sa7betha le nas makonsh byshteko menha .. heya 3rfet el moshkla we 7aletha .. enama 3arbya tkon ma3rof el moshkla feha we el marakez meshyena 3ala el mwdo3 .. di moseba .. elnas di el mafrod yewafaro el dafayer el yabany we yezabato el cars fi el service .. mesh yestano lama el nas teshteky :S .. adey masr ya regala we el tagme3 el masrey we el 7'adma el masreya

**mohamed ibiza** · 30-07-2008 10:24 PM

المشاركة الأصلية كتبت بواسطة dody2k

yagma3a 7'admet ma ba3ed el be3 di ahm 7aga fi el mwdo3 .. mafesh 7aga perfect we ay car mo3rada le mawakef zay keda .. bas maslan VW sa7bet bet3 500 passat 3alashn feha moshkla mesh faker fi a .. bas sa7betha le nas makonsh byshteko menha .. heya 3rfet el moshkla we 7aletha .. enama 3arbya tkon ma3rof el moshkla feha we el marakez meshyena 3ala el mwdo3 .. di moseba .. elnas di el mafrod yewafaro el dafayer el yabany we yezabato el cars fi el service .. mesh yestano lama el nas teshteky :S .. adey masr ya regala we el tagme3 el masrey we el 7'adma el masreya

لو كان بالعربي الكلام ده كان هيبقي احلي:)

بس فعلا كلام في الصميم

**sab3aawy** · 01-08-2008 10:19 AM

فعلا التوكيل هو اللى بينجح او يسقط العربية
لانه كما اتفقنا انه لا توجد سيارة بلا عيوب ، لكن اللى بينجح العربية او يسقطها هو اتوكيل
والدليل ان فيه عربيات بتعتبر من ماركات ناحجة فى العالم ومع ذلك انتشارها فى مصر لا يذكر لأن التوكيل غالى وفاشل وقطع الغيار مش موجودة غير فى التوكيل واسعارها غير معقولة، وابرز مثال على كدة هو فولكس فاجن اللى انضرب بيها المثل فى النجاح عالميا ويمكن ان يضرب بيها المثل برضه فى الفشل محليا، وزيها برضه كتير من التوكيلات الاوروبية فى مصر من شركات مدرسة فولكس فاجن وغيرها والتى ساهمت فى اختفاء سياراتها من مصر، يكاد يكون التوكيلات الاوروبية الناجحة فى مصر هى فقط مرسيدس وبى إم دبليو وسكودا ، والى حد ما رينو، فيما عدا ذلك كل التوكيلات ساهمت فى فشل سياراتها فى مصر

اما بقى حكاية ان 6 عربيات من عشرات الآلاف من المباعة فيهم مشكلة ، فهذه النسبة تمثل اقل من 0.025%، يعنى شئ لا يذكر ، وبالتالى وصفها بأنه عيب "مكرر" اعتقد انه شئ مبالغ فيه شوية.................................!!!!!!!!! !!!!!

العربية لما يكون متباع منها فى السوق 30 ألف عربية فطبيعى ان فيه ناس كتير تمتلكها وبالتالى طبيعى ان عدد منها يظهر فيها مشاكل ، وطالما ان هذا العدد اقل بكتير من 1% فهذا لا يمثل ظاهرة، وياما عربيات تقفيل محلى اتباع منها اعداد لا حصر لها ، والناس مسكت فى مشكال ظهرت فى عربيتين او تلاتة وقالوا العربية دى زبالة ومع ذلك العربيات دى بعد عشر سنوات عمل اصبح من افضل السيارات مبيعا فى سوق المستعمل واشهر مثال على كدة اللانوس

فى حين ان انا لما احكم على عربية انها ناحجة او فاشلة لأن اصلا المتباع منها فى السوق قليل جدا وبالتالى صادف ان ال 200 عربية اللى اتباعوا مافيهمش مشاكل فاعتبر العربية دى ناجحة ، او صادف ان عربيتين من المتباع طلع فيهم مشاكل فاحسبها بعتبار ان نسبه 1% من العربيات دى فيها مصيبة فتكون عربية فاشلة، فهذا شئ يفتقر الى الدقة الاحصائية

**SAbuhashem** · 01-08-2008 10:40 AM

في فرق بين توكيل بيبيع قليل علشان عربياته غالية وصيانتها غالية لكن عربيات ذات جودة عالية جداً .

و وكيل بيبيع الآف العربيات لكن فيها عيوب تصنيع وفي نفس الوقت ما زال صيانتها سيئة وجودتها في التجميع قليلة

وأعتقد إن VW منتشرة بشكل مقبول في مصر ده الوكيل واخد جايزة في كمية المبيعات إلا إذا كان الكلام على سيات بقى ودي ليها وضع خاص في سبب قلة المبيعات وهي إن طبيعة عربيتها لا تلائم فئة كبيرة من المصريين !

ومن وسط الآف العربيات إلي إتباعت من مجموعة VW في مصر مظهرش عيب قاتل ذي بتاع الضفيرة ده ولا حتى أي عيب صناعة خطير تاني

وإذا كنا متفقين إن الوكيل هو من ينجح سيارة عن أخرى في المبيعات فهيونداي أكبر مثال يثبت عكس ذلك بوكيلها غبور

Thanks
Eng.Sherif Shaker