تنصحوني بايه بخصوص طقم الدبرياج ؟

**abo_lamar** · 14-02-2013 05:02 PM

السلام عليكم و رحمه الله يا شباب

ان شاءا لله تعالى حغير طقم الدبرياج يوم السبت اللي جاي بس محتار بصراحة مش عارف اجيب طقم نوعه ايه .... ناس بتقول فاليو كوري بس مخوفاني انه يكون مضروب , وناس بتقول الاصلي ال gm لا يعلى عليه , انا رحت التوكيل لقيت الطقم كامل ( بليه و اسطوانة و دسك ) عاملين 950 جنيه , طبعا حرام بالمقابل الطقم الفاليو كبيره 380 جنيه .

كمان تفتكروا المصنعية حتكون في حدود كام تقريباً ؟

رجاء الرد في اقرب وقت عشان المفروض اجيب الطقم ده النهاردة او بكره بالكتير ...
و شكرا

**maio_do** · 14-02-2013 05:22 PM

انصحك بالجى ام انا جايبو من شهر تقريبا ب 600 جنية من ش دمشق وكان مكتوب عليه فاليو ومحفور عليه جى ام

**maio_do** · 14-02-2013 05:23 PM

والمصنيعة ع حسب المكان انا كنت فى مصر الجديدة واخد 180 جنية

**AlGazar2** · 14-02-2013 06:18 PM

لو هاتجيب ال gm يبقى اكيد مش من التوكيل هاته من محل محترم و بيبيع الاصلى غير كده يبقى تجيب الفاليو تقريبا الاتنين هيبقوا زى بعض فاليو هيه الى بتعمل الطقم اساسا و جى ام بتبيعه باسمها

**alto_nx** · 14-02-2013 06:31 PM

الفاليو تعبان لسه جايبه شهر والبليه ابتديت تخشن ، خليك فى ال gm

او فى واحد كان نصحنى وانا مأخدتش بالنصيحه انى اجيب الديسك والاسطونة فاليو واجيب الباليه يبانى لان بليه الفاليو وحشة

وكلامه طلع صح !!!

**mohammedabdallh** · 14-02-2013 06:31 PM

فاليو
بس اتاكد انه اصلى
فى حدود 400ج
المصنعيه حسب المكان فى رنج 100ج

**Amr Axel** · 14-02-2013 07:40 PM

طبعا الـgm افضل و سعره في حدود 600 ج لكن لو هتجيب فاليو اذن شوف وكيله في مصر الشركة الهندسية او من مكان موثوق و الناس جابوا من عنده
و خلي بالك شركة فاليو نزلت علبة جديدة لأن فعلا نزل تقليد صيني مبيعش اما العلبة الاصلية دلوقتي هتلاقيها خضرا و فوق ع الشمال علامة فاليو الجديدة و مكتوب المستورد عليها من الجنب
و جوة الطقم هتلاقي شكله نضيف و مطبوع عليه البيانات و علامة فاليو بالليزر

بس البلية يفضل تجيبها nsk

لكن زي مقولت الأفضل ليك طقم gm عشان انتشار الفاليو المضروب

المصنعية في حدود 100-120 ج
و جيب زيت فتيس زي شل او فالفولين اللزوجة المناسبة للعربية و خلي الميكانيكي ينزلك الزيت كله لأنه في الغالب هينزل حوالي لتر ولا لتر و نص لما يفك لو مقولتلوش و يزود ع القديم