ضرورى .. خبراء ورجالة الألنترا

**MOstafa Hashem** · 14-02-2013 06:27 PM

ازيكم يا رجاااله .. مساعده لواحد جااهل فى الهيونداى

هو الالنترا 2011 فيها abs ؟؟

ولو مفيهاش ممكن يتركبلها طقم كاامل فى التوكيل ؟؟ وهيتكلف كام ؟؟ وهيتركب فين برا التوكيل ؟؟

وانا شفت كذا عربيه الشكل ده فيها جنوط الومنيوم 15 بتاعتها فى الهاى لاين .. الجنط ده اجيبو منين وبكام ؟؟ وهل موجود فى التوكيل ؟؟

ولو جنوط الالنترا 2012 بردو يبقى بكام ؟؟

---------------

قدامى النترا 2011 مانيوال ماشيه 20000 كيلو صيانات توكيل فابريكه بره وجوه ماعدا باب السواق ورفرف شمال قدام راشين بس بيقولى انو كان بيدخلها الجراج وخبطها خبطه بسيطه ورشها على طول .. وفردتين كاوتش كومهو قدام جداد

بيتكلم فى 85000 وفيها تفاوض طبعا .. رأيكم اكلمو على كام ؟؟

**AlGazar2** · 14-02-2013 07:35 PM

فى الغالب مش هيبقى فيها و تركيبه فى التوكيل هيدخل فى حدود 10:15 الف لانه هيغير كنترول و مساتر فرامل و مش هيطلع مظبوط فى الاخر

الافضل بالمبلغ ده تجيب عربيه اوروبى استخدام نضيف لانك مش هاتستحمل الالنترا فى الثبات انت راكب فيكترا و فاهم طبعا

**ozy2026** · 14-02-2013 09:51 PM

العربيه هيبقى فيها abs على حسب .....بس لو مانيوال مش هيبقى فيها انا اللى معايا فيها abs وموديل 2007
بس طالما انت عاوز واحده فيها abs وجنوط يبقى شوفلك واحده كامله وخلاص وهتبقى اوتو كمان مش مانيوال
بلاش موضوع التركيب ده لأنه هيكلفك كتييير
وبالنسبه لموضوع الثبات العربيه ثباتها حلو مش وحش

**mahmoud_afifi** · 14-02-2013 10:06 PM

1- المانيوال مافيهاش abs
2- التوكيل مابيركبش abs. يمكن تركب في الحرفيين بس ماعرفش حد ركب في النترا
3- بالنسبه للجنوط بيتباع في التوكيل بس اسعار غاليه. يعني ممكن يقولك ب1000 جنيه الفرده (15 انش) يعني 4000 جنيه في الطقم ولسه الضريبه. بس شكله وحش عامة الجنط ال15 بتاع الالنترا. شوف جنط سبور احسن.
والمقاس ال16 بيعمل 2000 جنيه الفرده وسألت عليه كذا مره.
4- جنوط 2012 ممكن تكون لسه مش موجوده ولو موجوده يبقى هتبقى بسعر فلكي
5- الالنترا الي قدامك غاليه في اعتقادي. اذا كان سعرها جديد كانت ب91 او 93 تقريبا. وهي موديل سنتين فاتوا. بالسعر ده تشتري النترا فيها abs واوتو كمان

**adel1212** · 15-02-2013 01:00 AM

المشاركة الأصلية كتبت بواسطة mostafa hashem

ازيكم يا رجاااله .. مساعده لواحد جااهل فى الهيونداى

هو الالنترا 2011 فيها abs ؟؟ لا

ولو مفيهاش ممكن يتركبلها طقم كاامل فى التوكيل ؟؟ وهيتكلف كام ؟؟ وهيتركب فين برا التوكيل ؟؟ لا انصحك بهذا فهو مكلف جدا و غير جيد

وانا شفت كذا عربيه الشكل ده فيها جنوط الومنيوم 15 بتاعتها فى الهاى لاين .. الجنط ده اجيبو منين وبكام ؟؟ وهل موجود فى التوكيل ؟؟ ممكن استراد لانه فى التوكيل السعر هلامي

ولو جنوط الالنترا 2012 بردو يبقى بكام ؟؟

---------------

قدامى النترا 2011 مانيوال ماشيه 20000 كيلو صيانات توكيل فابريكه بره وجوه ماعدا باب السواق ورفرف شمال قدام راشين بس بيقولى انو كان بيدخلها الجراج وخبطها خبطه بسيطه ورشها على طول .. وفردتين كاوتش كومهو قدام جداد مش مرتاح للكلام ده ممكن العداد يكون ملعوب فيه ليه 20000 كم ويغير الكاوتش

بيتكلم فى 85000 وفيها تفاوض طبعا .. رأيكم اكلمو على كام ؟؟

لو الحالة ممتازة من 80الي82

انا عربيتى نفس الموديل ومعروض عليا 85000 بس انا مرتاح فيها و الحمد لله هى فبريكة بالكامل + فتحة سقف + اللون فيرانى(بيفرق في السعر)
ربنا يوفقك للخير
تحياتى

**MOstafa Hashem** · 15-02-2013 12:55 PM

المشاركة الأصلية كتبت بواسطة AlGazar2

فى الغالب مش هيبقى فيها و تركيبه فى التوكيل هيدخل فى حدود 10:15 الف لانه هيغير كنترول و مساتر فرامل و مش هيطلع مظبوط فى الاخر

الافضل بالمبلغ ده تجيب عربيه اوروبى استخدام نضيف لانك مش هاتستحمل الالنترا فى الثبات انت راكب فيكترا و فاهم طبعا

15 الف جنيييييه ؟؟

انا رحت اتفرجت على العربيه يا رجاله وفحصتها كويس أوى بس ده كان بالليل ولسا هاروح افحصها تانى انهرده .. وده تقرير عنها

1. العربيه مش راشه باب قدام ولا حاجه .. انا فهمت بس غلط وهو بيشرحلى فى الموبايل .. هى راشه حته صغيره فى الباب اللى ورا يمين والرفرف اللى وراه عشان حكه بسيطه جات تحت الاوكره .. والدواخل سليمه والكرتيرات كلها سليمه

2.العربيه لسا بالاكياس اللى بتيجى بيها .. اللى هيا بتبقى لازقه دى .. وعدادها 20644 كيلو

3. فيها طبعا خدوش خفيفه فى الزوايا كده لا تذكر .. والعتب سليم

4. مركبلها فوجات بتاعتها بس اللمبات محروقه ..

5. صيانتها فى ابو رواش بفاتوره

6. الحاجه اللى قلقتنى .. الفبرايا اللى تحت القايم اليمين لقتها مش ماسكه نفسها كده .. قمت خلعتها وبصيت تحتها لقيت كل حاجه سليمه .. سألتو قالى انا معرفش واول مره اشوفها

7. تكيفها شغاال كويس ومش مأثر على الموتور

8. صاحبها بيقول ان فيها EBD والطاره بتفصل بعد 120 ..

9. جايبلها فردتين هانكوك جداد قدام.. والعفشه سليمه

10. سوقت العربيه .. ناعمه صوتها واطى .. بس مفييييش ثبات وكنت خايف وانا بجرى ..دى بالنسبه للفانتازيا عجله .. فراملها لسا جديده اه بس حسيت انها هتزحف ..

العربيه كده تعتبر زيرو .. بقول اركبها لحد 60000 كيلو واغير ان شاء الله ..

صاحبها كان مكلمنى على 85 ومش عايز ينزل حاجه .. قولتلو انا هاجيلك ب 80 مقفوله قالى مينفعش ونخليها 84

رأيكو ايه ؟؟ واللى عندو اى استفسار بتفضل