تساؤلات سيتاوية

**mohamed ibiza** · 30-07-2008 07:45 PM

الموضوع ده لكل الراغبين في اي استفسار عن سيات اي سؤال عن اي موديل يا ريت ادراجه هنا لانها فايدة من ناحيتين نخف المواضيع الجديدة علي القسم و نخف الحمل علي المشرفين من متابعة المواضيع اللي هي عبارة عن تساؤلات لان كله هيبقي هنا بقي

اي تساؤل او استفسار عن العربية او قطع الغيار و الاسعار اي شيء يبقي هنا و ربنا يقدرني و اجاوب علي تساؤلات الناس كلها

**dr_3eshoo** · 01-08-2008 04:48 PM

يا حماااده يا جااااااااااامد
انا ماليش بس احيك ربنا يخليك لسياتواويه بتوع مصر

**shadow2002** · 01-08-2008 04:56 PM

أنا عندى إبيزا94 1300 cc وعاوز أركب لها تكييف بس مش عارف ده صح ولا غلط وهل فى أى ضرر من تركيبة على الموتور او الحراره بتاعة العربية وأخيرا هل كلة إستيراد ولافى منة جديد أسف طولت عليكم وأرجو الرد .

**mohamed ibiza** · 01-08-2008 05:32 PM

المشاركة الأصلية كتبت بواسطة shadow2002

أنا عندى إبيزا94 1300 cc وعاوز أركب لها تكييف بس مش عارف ده صح ولا غلط وهل فى أى ضرر من تركيبة على الموتور او الحراره بتاعة العربية وأخيرا هل كلة إستيراد ولافى منة جديد أسف طولت عليكم وأرجو الرد .

زميلي العزيز في الابيزا 94
:):)

بص يا باشا مفيش ضرر ولا حاجة لو اللي عمله محترف المقرف اللي في تركيب التكييف ان التابلوه لازم يتفك و بصراحة محدش هيعرف يركبه زي تركيبة الفابريقة و التكييف في جديد و استيراد و الجديد بيعمل في حدود 3000 جنيه الجهاز بالكباس بالتوصيلات بكله يعني و لو لسه عندك سربنتينة الفابريقة يبقي فل لو مش عندك يبقي هتجيب سربنتينة طبعا
و طول علينا براحتك:):) الموضوع ده عشان الناس تسأل

**shadow2002** · 01-08-2008 06:31 PM

أشكرك على الإفادة السريعه بس حاجة تانية هل تركيب التكييف بيأثر على سحب العربية على أساس انها أساسا من غير تكييف ولو عارف حد معين ممكن يركبة يبقى جزاك الله خيرا .

**enashelmy** · 01-08-2008 07:08 PM

**Ahmed.kamel** · 03-08-2008 09:54 PM

طب سؤال وده بما أنك أتطوعت للردود ....ايه مواصفات وكماليات سيات الاتيا وسيات توليدو واسعار كول واحه فيهم وهل فى منهم خليجى وبكام ...

**Ahmed.kamel** · 03-08-2008 09:57 PM

معلهش لسه مروح مشغل ومشايف قدامى فعذرا للاخطاء .....كول واحه....كل واحدة
أسف ...

**chatsana** · 04-08-2008 02:05 AM

السلام عليكم

انا الحمد لله حجزت ابيزا و حستلمها اخر الشهر ان شاء الله

كنت عايز اعرف ايه الكماليات اللي ممكن اجيبها للعربية و حتفرق معايا

يعني مثلا الكاسيت و السماعات ححتاج اغيرهم ولا لأ ؟؟

انا عايز بس اعرف من دلوقتي علشان اعمل حسابي ان شاء الله

و لو في اي نصائح من السيتاوية الخبرة يا ريت يفيدوني

شكرا

**mohamed ibiza** · 04-08-2008 08:42 PM

المشاركة الأصلية كتبت بواسطة chatsana

السلام عليكم

انا الحمد لله حجزت ابيزا و حستلمها اخر الشهر ان شاء الله

كنت عايز اعرف ايه الكماليات اللي ممكن اجيبها للعربية و حتفرق معايا

يعني مثلا الكاسيت و السماعات ححتاج اغيرهم ولا لأ ؟؟

انا عايز بس اعرف من دلوقتي علشان اعمل حسابي ان شاء الله

و لو في اي نصائح من السيتاوية الخبرة يا ريت يفيدوني

شكرا

العربية نازلة بكل حاجة كاسيت و سماعات و اير باجز و كل حاجة حتي انظمة الفرامل كله كله كله كله الا بقي لو عايز تجنط دي ترجعلك و لو عيز بقي بازوكا ز جي ام و الحركات دي دي ترجعلك انما العربية بتنزل بكل حاجة

نصيحتي ليك لين العربية اول 1000 كيلو متعديش 100كم\ساعة و متشغلش التكييف اول 1000 كيلو و تروح الصيانات في المعاد و متصلحش حاجة برا التوكيل متغلطش غلطتنا عربيتك الصنايعية هيبهدلوها