السلام عليك
كيف أحوالكم أعضاء منتدى سزوكي الكرام
أنا عضو جديد وعاوز أستعين خبرات الاعضاء في موضوعي أو بمعنى آخر مشكلتي:
طبعاً بعد اللف والدوران ووجع الراس... أخذنا قرار وأشترينا جيمني صاحبة الحجم الصغير والدفع الرباعي..وتجاهلت أنني أسكن في أسيوط بعيد عن التوكيل وهذه كارثة بمعنى الكلمة خاصة عندما تحتاج لصيانة..على العموم مش ده المشكلة.
بعد ما أشترناها من مكتب الدقي وأستلمناها ونحن في طريقنا إلى أسيوط بدون سابق إنظار ظهر شرخ في الزجاج الامامي بدأ الشرخ من الطرف الشمال ليكمل طريقه إلى والوسط بطول 40 سم!!! لا تتخيلوا الصدمة وقتها لما تشوف أدامك شرخ بيتعمل من غير صوت!!!
ما علينا يوميها قلنا عين وراحت....وأول ما وصلت البيت أتصلت بمكتب الدقي وقلتله على الحصل راح قلي بسيطة جبها لما تكمل 1000 كم نغيره لك مع تغير الزيت في مركز الصيانة...
(طبعاً المشوار من القاهرة لأسيوط حوالي 400كم ومن أسيوط للقاهرة 400كم تاني يعني كده كملنا 1000كم)
ولما ركبناها ثاني مرة أكتشفن أن مشغل السي دي لا يعمل ..أكيد بتقولوا في سركم إيه النحس ده !
فقررنا نرخصها في الاول ونروح القاهرة بعديها...بس قبل كده نشوف هل قطع الغيار (الزجاج الامامي) متوفره ولا لأ
أتصلت بمكتب الدقي وبعد عدة إتصالات كلموني اليوم وقلوا أنه متوفر الآن بمبلغ 850 جنيه...طبعاً قلت إزاي وأنا في فترة الضمان (العربية مشتريها في شهر ابريل الماضي)...والمفروض ده عيب صناعة يعني إيه يتشرخ الإزاز من غير حد ما يلمسه أو حتى يتخبط بحاجة...
ولما قرأت شروط الضمان, مكتوب أن الضمان شامل كل اجزاء السيارة لمدة 36شهراً ماعدا الإطارات والأجزاء المركبة خارج التوكيل والناتجة عن سوء الاستخدام.
خلاصة: سيارة سزوكي جيمني 600كم ,شراء بتاريخ ابريل 2008, أنشرخ زججها الامامي بنفس تاريخ الشراء بدون سبب كصدمة أو صوت أرتطام حتى,
هل تغير الزجاج على الضمان ولا لأ..

وهية ده المشكلة وأتمنى أن تساعدوني بخبرتكم وآراءكم هل فعلاً الضمان لا يشمل هذه المشكلة ولا الموضوع فيه إستعباط من التوكيل...
وآسف على الإطالة.
وشكراً