تقرير تركيبا بازوكا بايونير 1400 وجي ام بايونير 820

السلام عليكم ورحمه الله وبركاته

انا جاي اكتب النهرده تقرير بعد تركيب عده الصوت الي دوخت معايا فيها (eldell و dr7ooda )
في الاول خاااالص كان طقم الصوت عندي مكون من سمعات روك فورد اتنين كمبوننت قدام 50 وات واتنين ورا 25 وات وكاست سي دي روكفورد ده الطقم الي بينزل مع العربيه بعد ما استشرت الرجاله في تحديث الطقم غيرت السمعات الي ورا ركبت مكانهم 350 وات سوني مدور مع 50 وات الروك فورد (مع العلم ان اداء 50 وات بتاع الروك ادائها قريب جدا من السوني برغم فرق الوات ) بس السوني انقى منها بصراحه واعلى شويه
بعد كده جبت صب بايونير 1400 وات و 400 ار ام اس الي هو ts-w309d4 ب 350 جنيه
وجيبت معاه جي ام بايونير 820 و بيطلع 400 ار ام اس في البريدجد ب 790 جنيه
وجبت تويب بازوكا 13 ب 100 جنيه
وصله rca pioneer جميله جدا ب 35 جنيه
rca converter ب 25 جنيه
10 متر سلك 4 مللي ب 30 جنيه سلك
مصنعيه تركيب 50 جنيه

التركيب تم كالاتي
رحت للكهربائي شد سلك الكهرباء و rca لحد الشطنه ورا عملهم الاتنين مع بعض
علشان منقعدش نفك كل شويه وطبعا خليته يلف السلوك جوه مكرونه ويمشيهم معا السلوك العربيه
علشان يبقو بعيد عن اي حاجه تقطع السلوك او تسيحهم وخلص الكهربائي مهمته واخد 20 جنيه

بعد كده طلعت على واحد جارنا بتاع صوتيات خليته يبتدي يقفلي في الحاجه
بدا بالصب وصله على التوازي علشان يبقا شغال ( 8ohm )
يعني طلع سلك موجب من على الطرف وسلك سالك سالب من على طرف ووصل الاتنين الي في النص مع بعض في الصب بالشكل ده ( -p o--o q+ )
وبعد كده ركب الجي ام في العربيه الوصلات كانت جاهزه ماعدا rca converter
فك الكاست بتاع العربيه خليته الاول ينظفلي العدسه بتاعت الكاست علشان كانت بتعلق
وبعد كده ركب rca converter في خارجي السمعات اليي خارج من السي دي
وصل السلوك ببعض تمام ووصل سلك power control بتاع الجي ام موجود جوه وصله rca علشان يشتغل مع السي دي ويفصل معاه

وركب السي دي تاني كروكي كده من غير ميربط لحد منشوف الوصلات وراح بعدها
ركب البازوكا على الجي ام ووصل البازوكا بريدجد على الجي ام علشان تاخد 400 ار ام اس من الجي ام
والصوت نطق قلنا تمام الحمد لله بدأنا نقفل الحاجه بتاعنا ونظبط الصوت بتاع الجي ام والسي دي مع بعض

وفي الاخر بسم الله ماشاء الله على الهبد الي وجع دماغ الراجل ودماغي و دماغ الناس
والله والله والله الهبد بتاع البازوكا كان في ارض المحل بتاع الراجل ومرايه الصالون حاسس انها هتقع
وبصراحه بقا طقم الصوت ولا كلمه طبعا انا قللت بيس سمعات العربيه معنتش معتمد
عليه نهائي و خليت بس السمعات تطلع اعلى درجه صوت نقي هي والتويترات مع
الصب والحمد لله الصوت بقا تمام وزي الفل
ده حتى ولما كنت ماشي وبضرب كلاكسات مش بسمع لا الكلاكس بتاعي ولا بتاع اي عربيه تانيه
والبركه في توجهيات الرجاله المحترمه الي في المنتدى الي مبخلتش علينا في اي حاجه خصوصا
( eldell و dr7ooda )
انا بشكرهم جدا على مجهودهم وربنا يوفقهم ان شاء الله

ألف مليون مبروك وربنا يكفيك شر الحسد وتدوب العدة كده بكل سعادة وفرح ... وعقبالي لما أركب عدة إحترافية كده :openflower3:

الف مبروك :) باشا انا حعمل زيك ان شاء الله :) انا عندي السراتوا كست فبريكة زي الشارك بتاعت حضرتك :)

هوةا الصب انتا ركبته في تيوب البازوكا ؟

ممكن تصور بس مكان البارزوكا و الجي ام في الشنطة :)

الف شكر و مبروك عقبالي :)

يعني انتا مبقتش مشغال سمعات قدام خلاص ؟

اقتباس:

---

المشاركة الأصلية كتبت بواسطة mous6fa

ألف مليون مبروك وربنا يكفيك شر الحسد وتدوب العدة كده بكل سعادة وفرح ... وعقبالي لما أركب عدة إحترافية كده :openflower3:

---

الله يبارك فيك يا مصطفى وعقبالك ان شاء الله يا باشا تركب احسن منها ان شاء الله

اقتباس:

---

المشاركة الأصلية كتبت بواسطة deshahcoka

الف مبروك :) باشا انا حعمل زيك ان شاء الله :) انا عندي السراتوا كست فبريكة زي الشارك بتاعت حضرتك :)

هوةا الصب انتا ركبته في تيوب البازوكا ؟

ممكن تصور بس مكان البارزوكا و الجي ام في الشنطة :)

الف شكر و مبروك عقبالي :)

يعني انتا مبقتش مشغال سمعات قدام خلاص ؟

---

الله يبارك فيك يا باشا وعقبالك انت كمان
الصب ركبته في التيوب الي انا جايبه بيتباع في التوفيقيه
وهصورلك الصب ان شاء الله بكره الصبح والبزوكا وجي ام وانزل الصور هنا
السمعات مشغلها عادي جدا بس نقصت البيس فيها على الاخر من السي دي يعني خليت البيس في السي دي واطي وعليت بيز الجي ام وبقيت واخد طبقه صوت عاليه ونقيه من سمعات العربيه مع بيز البازوكا

معلش :) يعني يا باشا حضرتك قللت البيز من الاوبشن بتاعت كست العربية صح كدة ؟!

لكن في تقريبا زي زرارا فوليم للبي في الجي ام بيبا صح كدة :) ده الي تعلي منه :)

مش مفروض عربية حضرتك فيما صب روكفورد في بوكس كدة ؟! ده سبته ولا عمله في ايه :)

اصلي كنت محتار و المحلات تقلك هات بازوكا سوني و لا بازوكا بينوير جاهزة

اقتباس:

---

المشاركة الأصلية كتبت بواسطة deshahcoka

معلش :) يعني يا باشا حضرتك قللت البيز من الاوبشن بتاعت كست العربية صح كدة ؟!

لكن في تقريبا زي زرارا فوليم للبي في الجي ام بيبا صح كدة :) ده الي تعلي منه :)

مش مفروض عربية حضرتك فيما صب روكفورد في بوكس كدة ؟! ده سبته ولا عمله في ايه :)

اصلي كنت محتار و المحلات تقلك هات بازوكا سوني و لا بازوكا بينوير جاهزة

---

اه يا باشا في ظبط للبيس طبعا في السي دي وفي كمان في الجي ام عندك اختيرات البيز من 0 و 6 و 12 وزرار الجين الي بتتحكم فيه في درجه البيز
انما صاب الروك فورد الي بيجي معاها 300 وات صغير ومكنش موجود عندي كمان انا كنت هجيبه استراد ب250 جنيه بس لما عرفت انه 300 وات رجعت في كلامي واستحرمتهم فيه
انا بصراحه مسمعتش السوني علشان اقلك الفرق بس انا البايونير الي انا عملتها كفااااااائه اخر حاجه والحمد لله عامله معايا اداء كويس

يبقي كده اهلا بيك في
sound systems owners clup
كده انتا بقيت عضو رسمي .هههههههههه
مبروك العده الجديده

تسلم يا باشا و ربنا يباركلك :)

انا هاقولك ملاحظات صغيره خالص

يفضل سلك باور الجي ام والارضي ما يكونش اقل من 6 ميللي

وسلك الارضي يكون من اقرب مسمار للجي ام عشان السلك ما يبقاش طويل لان ده بيضعف اشارة الارضي

ووصلة ال rc تفضل تبقي في العتبه اللي في الناحيه المواجهه للعتبه اللي ماشي فيها سلك الباور ال 6 ميللي. وده عشان ما يبقاش فيه صفير او زن في الصوت .وطبعا دي ما تبانش في الصب تبان اكتر في سماعات

حاول تعمل فيوز في السلك اللي خارج من البطاريه

مهم جدا البيييز اللي في الكاسيت يبقي عالي حتي لو خروش في السماعات مع علو الصوت البازوكه صوتها هايغطي علي اي هرتله في البييز . ومهما زودت البيييز في الجي ام مش هايبقي زي البيييز بتاع الكاسيت

ممكن تعمل زرار فصل للجي ام وتركبه في الطابلوه (ممكن زرار شبوره ) وده بيركب علي سلك الريموت اللي خارج من الكاسيت للجي ام (اللي بيفصل الجي ام ) والزرار ده بيخليك تقدر تسمع الكاسيت بس عشان لو ودانك وجعتك من الهبد والرزع وتشغله وقت ما تحب

ومبروووووووووووووك يا معلم

الف مليووون مبرووووك عليك ياانور باشا

الف مبروك
ليا طلب
عايز تقارنها بين السوني والبيونير jplالجاهزين عشان بفكر اجيب واحدة لو الصوت زيه اجمعهم ارخص

مبروك عالعده الجامده ديه بس عاوز اعرف الجى ام جيبته منين

اقتباس:

---

المشاركة الأصلية كتبت بواسطة dr_7ooda

يبقي كده اهلا بيك في
sound systems owners clup
كده انتا بقيت عضو رسمي .هههههههههه
مبروك العده الجديده

---

اقتباس:

---

المشاركة الأصلية كتبت بواسطة dr_7ooda

انا هاقولك ملاحظات صغيره خالص

يفضل سلك باور الجي ام والارضي ما يكونش اقل من 6 ميللي

وسلك الارضي يكون من اقرب مسمار للجي ام عشان السلك ما يبقاش طويل لان ده بيضعف اشارة الارضي

ووصلة ال rc تفضل تبقي في العتبه اللي في الناحيه المواجهه للعتبه اللي ماشي فيها سلك الباور ال 6 ميللي. وده عشان ما يبقاش فيه صفير او زن في الصوت .وطبعا دي ما تبانش في الصب تبان اكتر في سماعات

حاول تعمل فيوز في السلك اللي خارج من البطاريه

مهم جدا البيييز اللي في الكاسيت يبقي عالي حتي لو خروش في السماعات مع علو الصوت البازوكه صوتها هايغطي علي اي هرتله في البييز . ومهما زودت البيييز في الجي ام مش هايبقي زي البيييز بتاع الكاسيت

ممكن تعمل زرار فصل للجي ام وتركبه في الطابلوه (ممكن زرار شبوره ) وده بيركب علي سلك الريموت اللي خارج من الكاسيت للجي ام (اللي بيفصل الجي ام ) والزرار ده بيخليك تقدر تسمع الكاسيت بس عشان لو ودانك وجعتك من الهبد والرزع وتشغله وقت ما تحب

ومبروووووووووووووك يا معلم

---

الله يبارك فيك يا دكتور متحرمش من ذوقك ونصايحك يا كبير
بالنسبه لتوصيل السلوك خليت الكهربائي يوصلي الدنيا كلها والحمد لله مفيش زن ولا حاجه والتوصيلات مشيت تمام الحمد لله وكل حاجه معزوله عن التانيه تمام
والراجل بتاع الصوتيات قالي اعملك زرار تفصل الجي ام قلتله لا بلاش نعرفت الدنيا
عملي حركه تانيه اني لما اشغل السمعات الي في الباب الوراني بس تفصل صوت بازوكا والسمعات الي قدام علشان لو صدعت من الصوت الي هو balance بتاع توزيع الصوت
والف شكر ليك يا باشا على المتابعه ونصايحك الغاليه

اقتباس:

---

المشاركة الأصلية كتبت بواسطة eldell

الف مليووون مبرووووك عليك ياانور باشا

---

الله يبارك فيك يا ديل لولا نصايحك وتوجهاتك انت ودكتور حوده كان زماني لايص لحد دلوقتي

اقتباس:

---

المشاركة الأصلية كتبت بواسطة bebom

الف مبروك
ليا طلب
عايز تقارنها بين السوني والبيونير jplالجاهزين عشان بفكر اجيب واحدة لو الصوت زيه اجمعهم ارخص

---

والله يا باشا ابقا كداب لو قلت الفرق لاني مسمعتش غير بتاعتي وادائها تمام جدا الحمد لله انما لو عاوز تعرف الفرق اكيد الرجاله المحترمه الي هنا تقولك

اقتباس:

---

المشاركة الأصلية كتبت بواسطة midooo_119

مبروك عالعده الجامده ديه بس عاوز اعرف الجى ام جيبته منين

---

الله يبارك فيك يا باشا العده كلها من التوفيقيه من عند الارخص ماعادا الوصلات انا جيابها من بره

ألف مبروك يا باشا علي العدة ، و فعلا محمد ( Eldell‏ ‏) راجل في قمة الذوق جدا أنا كنت داوشه وقت ماكنت بركب عدتي ، و كنت ناوي أعمل تقرير عن العدة بس للأسف ظهرلي كام مشكلة كده في العدة مستني اخلصها واعمل التقرير التمام

الف مبرووك يابشا على العده وعقبالى انا كمان .. فاضل على الحلو تكة

اقتباس:

---

المشاركة الأصلية كتبت بواسطة anwar ex

السلام عليكم ورحمه الله وبركاته

انا جاي اكتب النهرده تقرير بعد تركيب عده الصوت الي دوخت معايا فيها (eldell و dr7ooda )
في الاول خاااالص كان طقم الصوت عندي مكون من سمعات روك فورد اتنين كمبوننت قدام 50 وات واتنين ورا 25 وات وكاست سي دي روكفورد ده الطقم الي بينزل مع العربيه بعد ما استشرت الرجاله في تحديث الطقم غيرت السمعات الي ورا ركبت مكانهم 350 وات سوني مدور مع 50 وات الروك فورد (مع العلم ان اداء 50 وات بتاع الروك ادائها قريب جدا من السوني برغم فرق الوات ) بس السوني انقى منها بصراحه واعلى شويه
بعد كده جبت صب بايونير 1400 وات و 400 ار ام اس الي هو ts-w309d4 ب 350 جنيه
وجيبت معاه جي ام بايونير 820 و بيطلع 400 ار ام اس في البريدجد ب 790 جنيه
وجبت تويب بازوكا 13 ب 100 جنيه
وصله rca pioneer جميله جدا ب 35 جنيه
rca converter ب 25 جنيه
10 متر سلك 4 مللي ب 30 جنيه سلك
مصنعيه تركيب 50 جنيه

التركيب تم كالاتي
رحت للكهربائي شد سلك الكهرباء و rca لحد الشطنه ورا عملهم الاتنين مع بعض
علشان منقعدش نفك كل شويه وطبعا خليته يلف السلوك جوه مكرونه ويمشيهم معا السلوك العربيه
علشان يبقو بعيد عن اي حاجه تقطع السلوك او تسيحهم وخلص الكهربائي مهمته واخد 20 جنيه

بعد كده طلعت على واحد جارنا بتاع صوتيات خليته يبتدي يقفلي في الحاجه
بدا بالصب وصله على التوازي علشان يبقا شغال ( 8ohm )
يعني طلع سلك موجب من على الطرف وسلك سالك سالب من على طرف ووصل الاتنين الي في النص مع بعض في الصب بالشكل ده ( -p o--o q+ )
وبعد كده ركب الجي ام في العربيه الوصلات كانت جاهزه ماعدا rca converter
فك الكاست بتاع العربيه خليته الاول ينظفلي العدسه بتاعت الكاست علشان كانت بتعلق
وبعد كده ركب rca converter في خارجي السمعات اليي خارج من السي دي
وصل السلوك ببعض تمام ووصل سلك power control بتاع الجي ام موجود جوه وصله rca علشان يشتغل مع السي دي ويفصل معاه

وركب السي دي تاني كروكي كده من غير ميربط لحد منشوف الوصلات وراح بعدها
ركب البازوكا على الجي ام ووصل البازوكا بريدجد على الجي ام علشان تاخد 400 ار ام اس من الجي ام
والصوت نطق قلنا تمام الحمد لله بدأنا نقفل الحاجه بتاعنا ونظبط الصوت بتاع الجي ام والسي دي مع بعض

وفي الاخر بسم الله ماشاء الله على الهبد الي وجع دماغ الراجل ودماغي و دماغ الناس
والله والله والله الهبد بتاع البازوكا كان في ارض المحل بتاع الراجل ومرايه الصالون حاسس انها هتقع
وبصراحه بقا طقم الصوت ولا كلمه طبعا انا قللت بيس سمعات العربيه معنتش معتمد
عليه نهائي و خليت بس السمعات تطلع اعلى درجه صوت نقي هي والتويترات مع
الصب والحمد لله الصوت بقا تمام وزي الفل
ده حتى ولما كنت ماشي وبضرب كلاكسات مش بسمع لا الكلاكس بتاعي ولا بتاع اي عربيه تانيه
والبركه في توجهيات الرجاله المحترمه الي في المنتدى الي مبخلتش علينا في اي حاجه خصوصا
( eldell و dr7ooda )
انا بشكرهم جدا على مجهودهم وربنا يوفقهم ان شاء الله

---

الف مبروك يا باشا
ممكن تقولى المشوار ده كله اتكلف كام؟

الف مبروك ................

الف مبرووووووووووووك يا كبير وعقبال عدتى.

الف مبروك ..

ألف مبروك يا أنور ع الساوند الجديد انت كده تقريبا قريب مني أوي مع اختلاف الماركات
وكله بفضل د/حودة وديل طبعا اللي أفادوني كتير
انا عربيتي الانترا 2009
راكب قدام 2 jbl وات180
ورا 2 بايونير 350وات 50rms
بازوكا jbl1000 في الشنطة
وجي ام سيمفوني 640 وات 4تشانيل
السؤال ليك بقي انت ربطت البازوكا بحزام ولا ايه واشتريته منين؟عشان عندي سايبه وزانقها بطفاية الحريق مؤقتا

الف مبروك طيب سؤال ايه سبب انك تجيب تيوب بازوكا بدل البوكس هل فى اختلاف لان عندى صبتين ومركبهم فى بوكسات بس مش وخدين حقهم فى البيز محتجين حاجه احسن وياترى شكل التيوب اللى عندك ايه وسعره كام