الف شكر ياباشا
بس اصل مراتى من الشرقيه علشان كده لما بروح لاهلها بروح من السكه دى لأنى معرفشى غيرها
بس على فكره كان فى الطريق ده تثبيت من اول الثوره و لغايه السنه اللى فاتت ... بس السنه دى ماعرفشى الظروف بقيت ايه
اخو مراتى مره السنه اللى فاتت شاف 6 موتسيكلات ثبتت العربيه اللى قدامه و ده كان الساعه 8 باليل قبل كوبرى مسطرد و انتا جى من الشرقيه
و يتهيألى احمد فارما (زميلنا فى المنتدى) حصلتله محاولتين تثبيت مرتين بعربيه ربع نقل باليل و ربنا نجاهه منها
الحمد لله 504 اللى معايا اساسيتها حلوه و عارف انها بتعمل خمسات (و اليوتيوب غرقان فيديوهات لتخميس من المنصوره و بورسعيد بالتخميس بتاعها) بس المشكله فيا انا
انا معرفشى ازاى اخمس بيها او اعمل دريفت معرفشى الطريقه اصلا
يعنى انا اعرف فى العربيات الدفع الامامى يادوب تشد اليد و تدوس بنزين - طبعا الحركه دى مابتنفعشى معايا اصلا علشان انا دفع خلفى و مجرد ما تشد الهاند يبقى خلاص تنسى البنزين
و برضه لو كنت ماشى على 40 او30 مثلا و كسرت الدركسيون جامد و شديت الهاند العربيه بتقف لكن مش بتتزحلق ولو اتزحلقت تبقى حاجه بسيطه خالص
ولما بسأل الناس ازاى بيخمسو بيقلولى على الطرق اللى تنفع مع الدفع الامامى لأن اغلب العربيات كده
اخر مره الشهر اللى فات لما روحت لاقيتهم زودو كمان عدد المطبات و مابقيتشى المطبات فى مداخل البلاد بس
المفضلات