مشتركي TE Data اللي على سنترال المعادي اخبار السرعة ايه معاكم؟؟؟

**abdelaziz-waleed** · 15-02-2013 05:43 AM

السلام عليكم ورحمة الله
من ساعة الحريق اللي شب في سنترال المعادي يوم 11 ديسمبر والنت فصل ساعتها يومين رغم اني ساكن في حدائق حلوان والنت رجع ولكن بطيء جدا جدا
انا مشترك على 2 ميجا وبيوصلني بالعافية 512 كيلو
كلمت خدمة العملاء قالولي ان فيه مشكلة في السنترال وجاري اصلاحها وماعندهمشي فكرة هتتصلح امتى
هل فيه حد عنده نفس المشكلة ولا اطلع على حماية المستهلك؟

**ahmedhilmy** · 15-02-2013 10:10 AM

نفس الجابه من اكتر من شهرين و النت سىء جدا خلاف الانقطاع اللحظي و بعدين رجوعه و عملت بدل الشكوي 100 وودين من طين وودن من عجين الغريب ان بقولهم هو سنترال المعادي ده مفهوش غير te data لان كل جيراني اللي مشتركين في شركات تانيه link او vodafoneمحدش اتاثر و لا الهوي تلاقي مفيش اجابات

**Gabrforever** · 15-02-2013 10:46 AM

انا زي حضرتك بيضبط و تبع سنترال حدائق حلون ومشترك وان ميجا واقصي سرعه بشوفها هي 25 ك/ث يعني شغال بربع السرعه واشتكيت كتير و مفيش فيدة

**khaled_bibo** · 15-02-2013 04:40 PM

انا عندي النت عادي و من حدائق حلوان بس سيبك انت انا كنت فاكر اني انا الوحيد اللي من الحدائق :)

**abdelaziz-waleed** · 15-02-2013 05:08 PM

طب والحل يا جماعة. انا بالظبط ماشي بربع السرعة. غير الانقطاعات اللحظية زي ما بتقولو
كدة لازم حماية المستهلك بقى

**Mahmoud Nagieb** · 15-02-2013 05:24 PM

مشترك فى لينك واحد ميجا فى سنترال الحدايق

والسرعة تعبااااااااانة اوى

ربنا يسهل بقى علشان كده بقى كتير

**bobbozo4b** · 15-02-2013 06:02 PM

انا مشترك مع tedata فى دار السلام
فعلا بعد موضوع الحريق ده والنت بقى زفت الزفت
لدرجة ان النت فصل عندنا فى المنطقة الاسبوع اللى فات يوم الاحد والاثنين ولما رجع
رجع لناس وناس تانية لا وانا كنت منهم و استمر قاطع ليوم الخميس ومارجعش غير لما عملت اكتر من شكوى
على الويب سيت بتعهم وعلى كل الايميلات اللى هما حطنها وطبعا كلوا دماغى اتصالات بعد مارجع

**abdelaziz-waleed** · 15-02-2013 08:29 PM

انا كلمتهم تاني على الشات بتاع الدعم الفني على موقع TEData
وقولتله فقط ان النت بطيء جدا بقاله شهرين
رد وقاللي بسبب ان فيه حريق حصل في السنترال العمومي في المعادي
وجاري حاليا اصلاح العطل في اسرع وقت ممكن. مش عارف ازاي شهرين واسرع وقت ممكن. دي لو عمارة بتتبني كانت خلصت وسكنت
قولتله هتتصلح امتى. قاللي مش عارف بس في اسرع وقت ممكن
قوتله وهتعوضو الناس ازاي عن الموضوع ده. يعني انا دافع تمن 2 ميجا وباخد 512 فقط
قاللي ممكن تكلم قسم المبيعات عن موضوع التعويض
ودي كانت المحادثة اللي لاقدمت ولا اخرت

**AlGazar2** · 15-02-2013 09:12 PM

من ساعه الحريق و فعلا السرعه مش زى الاول بس عندى مش للدرجادى

مشترك فى سنترال المعادى سرعه 1 ميجا و متوسط السرعه 90 كيلو بايت لو الموقع كويس اووووى او تورنت عالى
و من اسبوع كده او اتنين النت فصل يومين بسبب عطل فى السنترال برضه و رجع بطئ جدا برضه

**ahmedhilmy** · 15-02-2013 09:58 PM

المشاركة الأصلية كتبت بواسطة abdelaziz-waleed

انا كلمتهم تاني على الشات بتاع الدعم الفني على موقع tedata
وقولتله فقط ان النت بطيء جدا بقاله شهرين
رد وقاللي بسبب ان فيه حريق حصل في السنترال العمومي في المعادي
وجاري حاليا اصلاح العطل في اسرع وقت ممكن. مش عارف ازاي شهرين واسرع وقت ممكن. دي لو عمارة بتتبني كانت خلصت وسكنت
قولتله هتتصلح امتى. قاللي مش عارف بس في اسرع وقت ممكن
قوتله وهتعوضو الناس ازاي عن الموضوع ده. يعني انا دافع تمن 2 ميجا وباخد 512 فقط
قاللي ممكن تكلم قسم المبيعات عن موضوع التعويض
ودي كانت المحادثة اللي لاقدمت ولا اخرت

نفس القصه بالظبط اكتر من شهرين و الجابه في مشكله بيتم اصلحها و غير معلومم امتي تخلص
و قلتله طيب الفلوس اللي انا بدفعها و متضرر لأني مش مستفيد بيها قللي كلم قسم التعويضات و قدم شكوي و حصل فعلا و كل سنه و انتم طيبين و لا عبروني

الموضوع: مشتركي TE Data اللي على سنترال المعادي اخبار السرعة ايه معاكم؟؟؟

LinkBack

أدوات الموضوع

عرض

مشتركي TE Data اللي على سنترال المعادي اخبار السرعة ايه معاكم؟؟؟ - انشر الموضوع فى :

-

-

-

-

-

-

المواضيع المتشابهه

ايه اخبار الفورد معاكم

اية اخبار العصبية معاكم

اية اخبار الكروز معاكم؟

اخبار العمرة ايه معاكم

ايه اخبار الجو معاكم

الكلمات الدلالية لهذا الموضوع

المفضلات

المفضلات

ضوابط المشاركة