من فضلكم المساعده

**tarbook** · 15-02-2013 09:07 AM

انا اشتريت موتوسيكل بينلى 150 سى سى من الزيرو وفى شويه ملاحظات شوفتها فيه بعد 600 كيلو كده انا بقطع بيه كل يوم 60 كيلو كل يوم بس دلوقتى هوه فى صوت ترزيع فى المكنه جامد ومبيعديش سرعته 90 كيلو حارق عليه وبحطله بنزين 92 واول ما اشتريته غيرتله بنزين شيل الاحمر بياخد 1.400 لتر زيت

ياريت تساعدونى فى الموضوع ده لانى اتخنقت من سرعته القليله وصوته الى عمال يرزع تحس انه المكنه بتكسر
وبيبطل على طول اول ما اسيب بنزين

انا معملتلوش صيانه خالص ومعرفش فين الوكيل انا اشتريته من معرض فى جسر السويس ياريت تدلونى على الحل ايه من فضلكم

ولو اروح الوكيل هوه فين واعمل ايه

من فضلكم المساعده

**sno7y** · 15-02-2013 04:29 PM

اعمل فديو وصور المتوسيكل وسمعنا الصوت الى بيطلع منه عشان الاعضاء يفدوك اكتر
وانشاء الله خير حاجه بسيطه

**shady_mohmoud** · 16-02-2013 06:48 PM

علي كلامك كدة بقاله معاك اقل من أسبوعين يا باشا روح علي المحل الي أنت شاريه منه و خليهم يقولولك فين التوكيل و الا ايه الحكاية بالظبط

**alfath8** · 16-02-2013 07:54 PM

انتا المفروض لسه بتلين الموتوسيكل صح
بلاش قرص اصلا على الموتور
وغير الزيت وشوف الزيت اللى نازل الشوائب اللى جواه عاملة ازاى

**tarbook** · 17-02-2013 12:07 AM

الزيت اسود محروق الى نازل منها اول ما جبتها

وانا ملينتوش بصراحه انا سالت المحل قالى لا هوه متلين جاهز انا معرفش

بكره بليل وانا راجع من الشغل هنزل الفيديو ان شاء الله

**tarbook** · 17-02-2013 12:22 AM

بكره ان شاء الله هعمل الفيديو

انا اشتريته والراجل قالى هوه متلين جاهز يعنى تمشى بيه عادى

ووكيله حواء هوه فين ميعرفش

ودى صوره

**sno7y** · 17-02-2013 01:13 AM

انشاء الله خير

**t4h3r** · 17-02-2013 11:24 AM

أبو حواء ده فى بولاق

**Abdm** · 17-02-2013 11:32 AM

حضرتك أول حاجة تعملها دلوقتى بعد ما تقرأ المشاركة بتاعتى تروح لواحد ميكانيكى موتسكلات أبن حلال وتخلية يبص على الزيت ويشوف لونة ولزوجتة عاملة أية وهل محتاج تغير ولا ممكن تمشى علية شوية وأن كان الآفضل تغيرة ...ثم يتم ضبط نسبة الخليط البنزين والهواء من مسامير الكربراتير علشان المكنة تفتح وتسلك وتتظبط معاك وما تبطلش عند عدم التزويد للبنزين ..... ويربطلك أى حاجة محتاجة تربيط زيادة أحتياط ... يعنى يشيك عليها كلها بالمرة .... وبعدين الخلاصة : الفترة دية يا باشا لغاية الآلف الآولى ما تعديش 70 كيلو كسرعة علشان التلين وتزيد الى( 80 كيلو فى 1000 كيلو الثانية ) وفى الآلف كيلو الثالثة زود زى ما أنت عايز .. علشان تحافظ على الموتور لآنة فى فترة التليين . وما تسمعش كلام الراجل اللى أشتريت منة لانة مش عارف حاجة .. أى حاجة لازم تتلين كويس قبل القرص عليها ...
لكن تقول لى أنك بتطلع لل 90 دلوقتى قبل الآلف الآولى دة تهور وأسمحلى أقولك عفوا دة جنان وكدة أنت بدمر المكنة ....

والله الموفق والمستعان

**magic_rock** · 17-02-2013 01:40 PM

بص يا معلم انت اول حاجة روح لمكانيكى ابن ناس كدة مع العلم ان مفيش ابن ناس بس اسال ع حد صنايعى مهم سمعو صوت وخلى يظبط تاكهات والهوا التاكيهات عشان الصوت والهوا عشان المكنة بتبطل كتير عشان متحرقش المارش هيقولك غير زيت وبوجيهات عشان يعرف يظبط عليهم من جديد وباذن اللة الصوت هيروح ومش هتبطل بعد كدة تحياتى ليك