الماتريكس 2008 & اوبترا 2008 إنهي أفضل وسؤال أخر مهم

**goodwayinlife** · 30-07-2008 11:48 PM

السلام عليكم ورحمه الله وبركاته

انا اخوكم محمد من مصر

عايز معاية من 60 إلف لحد 90 ألف

عايز اسئل علي العربيات الجايه

الماتريكس 2008 وعامله 84 الف كاش

والاوبترا 2008 وعامله 92 الف كاش

انا عارف ان دول كلهم كوري ..

وعارف ان الفرق بينهم وبين الياباني حاجه بسيطه

لكن الفرق الي خايف منه هو قطع الغيار

الياباني غااااااالي جداً ..

انا مش يفرق معايه الشد بالعربيه

انا عايز حاجه تستحمل شوارع مصر

وعايز حاجه عائليه

وقطع غيارها مش غاليه ومش بتسهلك بنزين ويكون صالونها واسع وشكله كويس

والتابلوه كمان عايز يكون شكله كويس ..

----------------

فهل الماتريكس 2008

ولا الاوبترا

وانهي قطع غياره أرخص

وانهي عضمه أمتن

ومش عايز حد يقولي رايه في الشكل لان موضوع الشكل نسبي وبيختلف من واحد لتاني ..

ولو حد يعرف يعمل مقارنه سريعه بين الاتنين يبقي جزاه الله خيراً

وهل في شيء في نفس الفئه بس افضل منهما ويكون في المميزات الي انا عايزها ؟

وهل فكرتي عن الياباني انه كقطع غيار غالي

هل ده صح ؟

------------

وسؤالي لبتوع الماتريكس .. هل طقم النيكل الي بيتركب علي الاكصدام غلط قانوناً يعني هل بتوع المرور بيرخموا عليه ؟

ألف شكر

وجزاكم الله خيرا مقدماً :)

**CBR** · 31-07-2008 12:52 AM

OpTeRa

مش حقولك عشان كذا وكذا وكذا

خير الكلام ما قل ودل

عشان شكلها

احسن من شكل الماتريكس

لانها تنفع عائليه وشبابيه

لاكن الماتريكس تميل للعائليه اكتر

وماخاب من استخار

سلام

**أبو عبدالله** · 31-07-2008 12:59 AM

أولا طبعا انصحك بكثرة الأستخارة
وربنا يرزقك الخير ان شاء الله

أولا انا بفضل أولا من رايي انك تشوف الياريس الأول
أولا لأن قطع غيارها معمره وده شئ مهم ثانيا انها مش غاليه للدرجه يعني تكاد تكون مثلها زي الماتريكس ان مكنتش في بعض الحاجات هتبقى ارخص خصوصا ان العمر الأفتراضي بيفرق طبعا

لو بعد كده ممكن تشوف الصني برضه
ولو من اختياراتك انت يبقى الأوبترا لأن قطع غيار الكوري بتاع الدايو اللي هيا هيا الاوبترا هتلاقيها في كل حته وبتبقى دائما ارخص من هيونداي بكتير

وان كنت افضل انك تشوف الياريس خصوا انها 1300 سي سي وصدقني ان موضوع استهلاك البنزين في السنين القادمة هيفرق كتير مع الناس ومعاك اكيد
وسعر اعادة البيع بتاعها احسن من اختياراتك بكتير