مين افضل وارخض واحد ببيع قطع غيار 516 في التوفيقية
اسمه ايه ومكانه فين بالضبط ؟؟؟
وشكرا .....
عرض للطباعة
مين افضل وارخض واحد ببيع قطع غيار 516 في التوفيقية
اسمه ايه ومكانه فين بالضبط ؟؟؟
وشكرا .....
اظن اشهر واحد في التوفيقيه اسمه
عزيز سليمان
وعنده قطع غيار الاصلي الاصلي بجد
ممكن مكانه بالتقريب فين ... التوفيقيه كبيره نوعا ولما تسأل عن محل نادر حد يدللك صح للمنافسه فى البيع . وشكرا لحضرتك .
السلام عليكم تجربتى بعد ٣ سنوات أحسن المحلات و ترتيبها من حيث الجودة و الأمانة فى المول
١- أبو عوف الدور التانى
٢- العسكرى الدور الأخير
٣- سليمان الدور التانى
٤- البطل الدور التالت ( بس خلى بالك من قطع الغيار من عنده ).
٥- الدقاق بره المول ( جبت من عنده الداينمو).
اخلي بالي من البطل ازاي يعني
انا بجيب منه على طول
عزيز سليمان بتعامل معاه فى الدايو بيشتغل فى قطع الغيار الاصلية فقط و بيجيب الحاجات من التوكيل و بيشتغل فى اسبيرانزا و شيفروليه
انا معروض على اسبرانزا516 موديل 2007 وعاملة تقريبا 65000 ك ومحتار بينها وبين اللانوس
فيه ناس كتير مقلقانى من الاسبرانزا ومن المواقع لقيت ناس بتقول ان قطع غيارها مش معمرة وفيه اللى بيقول ان قطع غيارها اغلى من الياباني
فياريت تنصحونى اعمل اية؟
وهل فعلا قطع الغيار الان اغلى من الياباني لان فعلا سالت على سير الكاتينة الاصلي للانسر لقيته ب120ج وصديق لي قال ان سير الكاتينة للاسبرانزا عامل 180ج
فما هي اخر اسعار قطع الغيار للاسبرانزا سواء فى التزكيل او خارجه؟
وهل فعلا قطع الغيار غير معمرة؟
وما هو فارق السعر فى قطع الغيار مقارنة بالانوس؟
وماهي نصائحكم بما يرضي الله؟
مع العلم انى امتلك سيارة فيات 128 وهذه اول سيارة لي والسايرة المعروضة على ب 42000 موديل 2007
الرجاء المشاركة بالنصيحه ولكم جزيل الشكر
انا هكتبلك بعض اسعار قطع غيار انا كنت جايبها
مقض امامي 130 و 225
كوبلن كامل يمين 600
مساعدين امامي 370 و 500 و 600 والياباني ب 1000
مساعدين خلفي 270 و 400 و 500
مراية 100
اكصدام 100 و 150
شبكة امامية 90 ج
كبوت 600
باب جديد فاضي 850
رفرف 175
كرتيرة 65
طنابر امامي 240
صالة عفشة ( قنطرة عرضية ) 450 و 1000
سير كتينة بالبلي بضمان حى 40 الف كيلو 650 وبدون ضمان 550
سير كتينة بضمان 50 الف كيلو ب 750 ( السيور د ي بضمان المتحدة )
سير مجموعة 60 ج
فلتر هواء 20
فلتر زيت 20
فلتر بنزين 20
زجاج امامي 350 بالتركيب
فانوس خلفي 100
فانوس امامي 175
فانوس شبورة 45
جلدة مقص 30 ج
مسمار ميزان 10 و 25
مكنة مساحات 45
قربة مساحات 50
قربة زيت باور 40
دينامو 550
طقم بوجهات بوش 3 شمعة روسي ب 50 ج
ماكينة باور 500 ( مش متاكد من السعر )
مفصلة كبوت 100
تربيتوفبر مساحات 90
عتب فبر جانبي 60
مقص خلفي كبير 450
تيل فرامل 70 (مش متاكد من السعر )
ريداتير 300
سربنتينة تكييف 300
دي مجموعة اسعار قطع غيار من التوفيقية من محل البطل
زي ما انت شايف اغلى حاجة الكوبلن الكامل ب 600 ج ودا حاجة كبيرة مش سهلة يعني
وبالنسبة للسعر المعروض عليك ده غالي شوية
2007 سعرها من 35 الى 40 الف في اقصى الظروف
بصراحة انا الحاجات دي ركبتها في العربية علشان عاملة حادثة .... قطع الغيار دي معظمها كوبي من الاصلي .... الاصلي اغلى من كده شوية وفي بعض الحالات القطعة الاصلية بتكون اصلا فيها عيب صناعة ويتم استبدالها بقطع غيار ياباني بس طبعا الياباني بيكون غالي
الحاجات اللي لازم تحط فيها الاصلي بتبقى حاجات قليلة واهمها سير الكاتينة الباقى بتبقى مستهلكات وقطع بلاستك مش هتفرق كتير ....
لكن بما انك عندك قبلا 128 اكيد هتحس ان قطع الغيار اغلى ...
لكن الاسبيرانز بشكل عام اعطالها قليلة لو اهتميت بالصيانة الدورية
لو اهملت الصيانة مش شرط يحصل حاجة برضو ممكن العربية تفضل تمام عادي جدا
بعدين في حاجة مهمة اوعى تنسى ان العربية دي عربية عمرها الافتراضي اقل من العربيات الياباني بحكم فرق الخبرة والسن بالنسبة للياباني ........ يعني الياباني قديم في السوق بينما اسبيرانزا لسة يا دوب كملت 6 سنين في السوق ....... مع فارق السعر الرهيب
يعني ما تفكرش ابدا تقارن عربية ب 70 الف ب عربية ب 120 الف ( وان كان ده مش معناه االاسبيرانزا عربية وحشة ابدا ... انا معايا العربية من 3 سنين وماشي بيها 80 الف كيلو دا انا حتى رحت بيها لحد اسوان وبعد اسوان لابوسمبل كمان ورجعت ... ووالله حتى مقصرتش شايلة 4 افراد بشنطهم والجري طول الطريق بين 140 و 170 وماشاء الله ثبات وكل حاجة .....
واحلى حاجة في الاسبيرانزا انها مهما حصل فيها تصليحها برضو رخيص نسبيا ....
وربنا يوفقك لكل خير
الاسعار دي معظمها من الاسبوع اللي فات
ياريت ارقام التليفونات اصل اخوك من الشرقيه وفى واحد فى الشرقيه شغال فى الاسبرانزا بس جزار قوى
ده رقم تليفون محل البطل
اسعاره من الآخر وكويسة
وممكن تتصل بيه وتسأله على سعر القطعة عادي مش بتفرق معاه
0173988110
25774566
وبرضو فيه ناس تانية بس مش عارفهم صراحة
حازروو من التعامل مع محلات الجمال اسكندرية ذات قطع الغيار السكة و المضروبة التي تسببت في العديد من المشاكل في
سيارتي مثل بلي سير الكاتينة الذي فرط بعد التركيب بيوم واحد + اربة مية مضروبه تسببت في خراب الريداتير و تغييرة بسبب تسريب الهوا و الله علي ما اقول شهيد و حسبنا الله و نعم الوكيل