من كام يوم اخويا اخد عربيتي و خرج بيها و ركن و بعدين رجله متعوده تفضل تكارك علي الفرامل لحد ما تحجر بسزفي عربيتنا النيسان مجرد ما بتدور العربيه الفرامل بتفك عادي
المهم عمل نفس الحركه في الكوبيه بتاعي و طبعا العربيه بصمه مش بتدور الا لما تدوس فرامل
طبعا الفرامل حجرت و مفيش فايده و استحاله تدور
بعد محاولات من الغشوميه علي حد قوله يأس فاتصل بيا انا طبعا معرفلهاش حل فقولتله سيبها ربعايه كده و حاول دور شوف هتعمل ايه
للمهم بعد ربعايه دارت و خلاص رجع البيت
ركبت انا عربيتي تاني يوم حسيت ان الدواسه فيها فارغ كتير يعني بدوس مسافه لحد ما لمبة الاستوب الحمرا تقيد
روحت لميكانيكي قالي هرفعلك مش عارف ايه كده في دواسه الفرامل من تحت عند الدواسات
المهم رفعها بقي الاستوب يقيد في وقته الطبيعي بس حاسس ان الفرامل مش زي ما هي و كمان لما بدوس فرامل علي سرعات بحس ان دواسه الفرامل بتيجي في حته تلاقيها خقت و بتنزل تحت رجلي اسرع
و مش عاوز اروح التوكيل الا لما ابقي عارف ايه المشكله عشان محدش يشتلغني
جزاكم الله خيرا مقدما
و عذرا علي الاطاله
