سين سؤال ؟
هو الرفرف الخلفي بتاع العربية بيتغير !!!
http://www2.0zz0.com/2011/09/07/15/392014808.jpg
واذا بيتغير طيب ليه الناس بتسمكروا وبتشدو زرجينة هل لانو غالي
ولا لانهم مش عارفين انو ممكن يتغير. ولا لو اتغير هيعيب العربية ؟
@@@@@@@
وتحياتي
عرض للطباعة
سين سؤال ؟
هو الرفرف الخلفي بتاع العربية بيتغير !!!
http://www2.0zz0.com/2011/09/07/15/392014808.jpg
واذا بيتغير طيب ليه الناس بتسمكروا وبتشدو زرجينة هل لانو غالي
ولا لانهم مش عارفين انو ممكن يتغير. ولا لو اتغير هيعيب العربية ؟
@@@@@@@
وتحياتي
اكيد طبعا بيتغير .... و بيتلحم من ناحيه السقف ... علشان كده بيفضلوا السمكره عن التغيير لان اكيد لحام المصنع بيفرق ... و هو اغلى من الامامى بحكم حجمه الاكبر ...
و تغييره لا يعيب العربيه طالما لا يوجد مشاكل فى القوايم الخلفيه ...
تحياتى ...
اشكرك يا عزيزي على سرعة الرد
بس ليه مدام مبيعبش العربية ليه الناس بتقولك لا العربية كدة تبقى معيوبة والفخد بتعها في بونطتين لحام هل ده نوع من التلاكيك ام هو فعلاً عيب !
وهل اللحام بتاع قايم السقف هيبقى منين بالزبط من عند الهويات الخلفية كده ناحية الباب الخلفي ولا الرفرف الخلفي امتدادوا من اول الاكصدام الخلفي لغايت المراية.الجانبية الامامية حته وحدة كدة جي بومبي مع السقف مع مجر تفريغ المياة بتاعت السقف .... وتحياتي ليك يا عزيزي
الشكر لك ...
اكيد طبعا لو فرضنا عربيتين بنفس الحاله ... الى مغيره رفرف خلفى حتكون ارخص بعض الشىء ... ما هو لازم يكون فيه فرق ... لكن كلمه معيوبه يعنى بها شغل فى القوايم او الشاسيه ... و بالتالى ده مو ضوع تانى و طبعا عند البيع تخسر كتير ... و اللحام بيكون من ناحيه السقف ...
تحياتى ...
مفيش فخد جاهز زى الرفرف الامامى
دة كل ال بشوفة بيكون قطعية من عربية نصيين وبعدين القطع بيكون من عند السقف ومن تحت لحد العتب وكل دة لحام وبعد كدة بيتجلخ ويترش
بص الفديو دة سريع بس هيعرفك....Time lapse vid of repaired G35 - YouTube
بالضبط كدة وفى ناس لو عندها خابطة شديدة بيغير على طول نصف خلفى كامل طبعا شامل الشنطة والفخدين يمين وشمال
مين قال كدا يا جماعه بس !!!!
انا شفت الرفرف الخلفي بعيني جديد اسود عند منصور و كان لكورسا سيدان القديمه و الرفرف بلعتبه بالجزء اللي فوق البابين كله حته واحده على بعضو
مش كل عربيه الرفرف بتاعتها بيتباع جاهز
والاكثر بيتاخد قص ولزق
وبعيدن هنا فى مصر اصلا لو مغير بس اكصدام او راشه يقولك تلاكيك الناس هنا بتددق العربيه راشه جويه ولالا معا انى بره بيتعملو تعديلات السنين فى كل العربيه ولا حد بيفكر بالطريقه بتاعتنا لانهم بره مقتنعين ان ممكن ياخد العربيه ويمشى كيلو وتتدعك منه وتتعمل ذى ما كانت برضو عشان هناك ناس بتفهم وتصلح صح +المعدات كلها متوافره
اعتقد فالتويوتا مفيش جديد ولكن بيتقطع علي حسب الحاجة ليه
لو الموضوع كبير بتبقي الشنطة كلها علي بعض
والله اعلم ..
بما اني في الموال ده فاسمحولي اشرحلكم الوضع كلو
دي صورة الرفرف الخلفي من على موقع بيبيع قطع غيار اللوجان
http://www.daciashop.eu/media/catalo...log_com_dr.jpg
و زي مانتو شايفين جاي من السقف للعتب ... بس انا التوكيل علشان ميلحمش في السقف و يعمل فلتو ثاني في السقف و كلام من ده فقطع من الجزء السليم بحيث انو يخلي السقف بلحام المصنع زي الصورة دي
http://nileup.com/up/uploads/nilemotors_13609477431.jpg
و زي ما هو واضح في الصورة ان اساسات العربية سليمة مفيش فيها حاجة و ده صاج بيتجاب من برة يركب زيو زي الرفرف الامامي ... الفرق بس هو ان الامامي مسامير و صواميل و الخلفي لحام
و دي صورة للرفرف بعد اللحام
http://nileup.com/up/uploads/nilemotors_13609476515.jpg
http://nileup.com/up/uploads/nilemotors_13609476514.jpg
http://nileup.com/up/uploads/nilemotors_13609476512.jpg
لحام العتب
http://nileup.com/up/uploads/nilemotors_13609476513.jpg
بعد اللحام ده بيتصنفر لحد ما يموت خالص و يتمعجن فوقيه و شكرا على كدة ولا اكن في حاجة حصلت
الخلاصة ان الرفرف و اساسات العربية زي الجلد و العضم
و دعواتكم بقى العربية تخلص على خير
إفادة جديدة ......... شكرا ليك جبريل
بس فى ملحوظة هو التوكيل ا>اى يلحم بنحاس
المفروض لحام كهرباء >ى الاصلى
وكمان اللحام بالنحاس بيسبب سهولة حدوث صداء و بارومة فى مكان اللحام
اشكرك ياجبريل باشا واشكر الشباب على الرد الشافي والوافي
واعانك الله ياجبريل باشا على ما اصابك ويقوملك العربية بالسلامة قادر ياكريم
بس ينهر ازررررررررق على كدة ممكن تكون عربياتنا مدعوكة قبل كده عشرين مرة واحنا مش واخدين بالنا من الحكاية دي وشارينها على اساس انها فبريكة برة وجوة
وسواء اللحمات نحاس ولا كهربا ولا حتى حديد مش هتبان
وكده كده اصلاً اللوجن في ف العتب بتاع الفبريكة لحام يعني الي هيتكلم هتقولو ده لحام الفبريكة يابيه
ده على كده الي بينزل سوق الجمعة ويقعد يفلي العربية يمين وشمال يريح نفسوا ويتوكل على الله ويشتري من سوكات لانوا مهما فلى العربية مش هيعرف يكتشف حاجة
ده حتى في جهاز بيبين لك بوية الفبريكة معتقدش انو يقدر يكشف الكلام ده
ومين اصلاً هيمشي الجهاز ده على حته حته في العربية كانوا بيعمل مسح ذري على العربية :)
وتحياتي ليكم يا شباب وتسلم ايديكو
اللهم امين و الف شكر على دعوتك الجميلة دي
و متفق معاك على اللي بتقوله و بصراحة التوكيل شغال على ان الشغل ميبانش فيها و دي شهادة تحسب ليهم ... بس في الاول و الاخر زي ما قلنا انو ميعيبش العربية لسبب بسيط جدا هو ان اساسيات العربية سليمة و بالتالي فهي قطعة من قطع غيار ممكن تتفك و تتركب
الفكسة الوحيدة هي انها بتحتاج لحام و هنا لازم تبقى معمولة عند حد كويس علشان تضمن نضافة الشغل و امانك
و بصراحة من بعد الحادثة بتاعتي دي قررت اني مش هركب عربية كوري و باذن الرحمن هيبقى كلو اوروبي لأنهم عاملين حساب الحاجة تتفك ة تركب ازاي و هي عن طريق بنط لحام كثير في العربية لو عاوز تفكها تضرب فيها شنيور تتفك و في الفورمة الاصلية مكان اللحام موجود تلحم مكانو و شكرا على كدة. و فعلا انا مش قادر افهم الناس اللي بتترعب من تغيير رفرف او شنطة او او او بتترعب ليه طالما قوايم العربية و اساسياتها سليمة؟ الخوف في تغيير النص لأنك بتقطع في قوايم العربية و تلحم فيها و ده معرفتوش غير اما عملت الحادثة و كنت قبل كدة بقول اللي الناس بتقوله.
الطريف في الامر اني مش عاوز اركب اوروبي بعد كده من بعد ما جربت اللوجن وقلت ياباني وبس وان مكنش ياباني يبقى كوري اما ان فرنساوي ( بيجو رينو ولا حتى استروين توووووبه من دي النوبة :openflower3:
و الله يا باشا بص اللوجان بكل عيوبها بعد الحادثة اللي حصلتلي بصمتلها بالعشرة و مش هقدر اقول عليها نص كلمة ... اما اني اجيب كوري فاكني باخد واحدة حاطة 6 كيلو مكياج في وشها مع الاعتذار لأصحاب الكوري
العربيات الكوري حمالة اسية فعلا و مليانة اوبشنز بس بعد فترة هتلاقي اصوات غريبة بتطلع و عوامل امان مش قد كدة و لو حادثة بسيطة انت و حظك . اه في تحسن في حتة الامان بس الاوروبي سابقو بمراااااااااحل لأنهم مهتمين بالقصة دي من مدة كبيرة اما الكوري فمؤخرا بدأو يهتموا بيه
و لو على قوة التحمل و استحمال البهدلة فالياباني
انا في رأيي اوروبي او ياباني و يليهم الكوري
كما وضح العضو جبريل مشكورا يوجد طبعا رفرف خلفى بالكامل لكل العربيات ... و طبيعى جدا و مش حاجه جديده ...
لكن الفكره كما وضحت انه لعدم اللعب فى اللحام و برشام الفابريقه يتم فقط السمكره او القص من تحت اللحامات الاصليه كما وضح فى الصور الاخ/جبريل لذلك المعروض منه فى سوق قطع الغيار قليل لعدم وجود طلب كبيرعليه ... كذلك المنطقه دى نادره حدوث الحوادث فيها ...
و ربنا يكفينا شر الطريق جميعا ... تحياتى ...
بيتغير كلو عادى بس بسحتاج شغل فك لحام ولاحام جديد ففى صنايعيه كتير مبتعرفش تعمل الكلام ده فبيقطعو ويلحمو او يسمكره وطبعاً خبطه جامده زى اللى فى الصوره لو اتسمكرت واتخبطت تانى هتوصل للصالون
لا طبعا الرفرف الخلفى بيتغير مفيش اى مشاكل خالص و اللحام بيكون تحت قايم السقف