ينفع اعمل فتحة سقف؟؟؟

**m_medo** · 15-02-2013 03:30 PM

السلام عليكم يا اخوانى
انا عايز اسأل هل ينفع اعمل فتحة سقف فى عربيتى اللانوس؟
طيب هتتكلف كام؟ وهتبقى عملية والا اية؟

**maio_do** · 15-02-2013 04:06 PM

مش عارف يا معلم انا ماشوفتش لانوس قبل كده معملوها فتحه سقف

واكيد هتبقى مكلفة ودا هياثر ع سعرها ولا لا هيزيد ولا هيقل

من الاخر مانصحكش ونشوف راى باقى الاعضاء

**elpasha1** · 15-02-2013 04:20 PM

ينفع طبعا
تعمل فتحة سقف لكن اسعار انا معرفش- مين اللى بيركب برضة معرفش
وممكن تجيب سقف لانوس بفتحة سقف استيراد وتركبة
لكن انصحك لوجه الله
تكلفة وفلوس هتدفع كتير وفى الاخر لما تيجى تبيع يتخفس بثمن العربية الارض
انا وجهه نظرى فى الموضوع دا انك لو محتاجها اووووى تبيع عربيتك وتجيب عربية تانية بفتحة سقف اصلا

**AlGazar2** · 15-02-2013 04:21 PM

من حيث تنفع تنفع طبعا بس عايزه سمكرى فنان و ايده كويسه

الخطوات هاتجيب قشره سقف لانوس بفتحه سقف كامله بالفرش بتاعها من الحرفيين او الوكاله هتبقى بالقوايم تقريبا بحوالى 1000 جنيه و هتوديها للسمكرى يقص مكان فتحه السقف او يشيل قشره السقف و يركب القشره الجديده و كهربائى كويس يكملك التوصيلات بتاعتها لانها موجوده على حد علمى و ليها مكان فى علبه الفيوزات

الموضوع تقريبا هيتكلف 2000 جنيه و لو اتعمل بنضافه مش هينزل سعرها فى اعاده البيع بس متوقعش يرفعهه اوى برضه و كان فى عضو فى بروتون عامل فى عربيته الجين 2 الموضوع ده و جايب سقف لانوس برضه :)

**modo88** · 15-02-2013 05:10 PM

عم الحج متخليهاش تنونو تاني في دماغي مصدقت اهدي

عموما هيا تنفع ممكن تجيب قشرة سقف فعلا بتاعه لانوس استيراد بس صدقني صغيره وشكلها مش ظريف
عايز الخلاصه هات بتاعه الاوبل كورسا شكلها جاامد جداا وزي الجديد اعرف اتنين جايبنها وعاملينها في فيرنا بس سعر مش عارف قريب هانزل اسال بنفسي في بورسعيد.

**SAMEH_FOUAD** · 15-02-2013 05:23 PM

اكيد طبعا ينفع , وفية قدامك اختيارين :

1- انك تجيب قشرة سقف مزودة بفتحة السقف , وتقص وتركب ودية هتدخل فى تكلفة 1500 جنية
بس طبعا هتكون كدة لاعب فى اساسيات العربية

2- انك تروح عند ارابكوم وتركب فتحة سقف ودة عن طريق قص جزء من السقف على قد فتحة السقف يعنى وتركيب المكنة وزرار ليها , وكل دة بتكلفة 3500 جنية , ودية مشكلتها هتكون فى حاجتين , انها هتنزل من تمن العربية شوية + ان مش هيبقى فية مجارى مياة فى القائم زى الاصلية طبعا