انا جبت اخرى من العربية

**maio_do** · 16-02-2013 10:58 AM

المشاركة الأصلية كتبت بواسطة bebom

ابقا طمنا عملت ايه وبلاش تمسي بيها لحد متعملها افضل

نزلت للميكانيكى قالى ممكن المكنة تكون بتنفخ زى مانتوا قلتوا قالى غير الخرطوم وجربها لو اتخرم تانى يبقى جوان ركبته ورحت بيها مشوار رايح جاى بتاع 40 كيلو كده والحمد لله سليمة لحد دلوقتى

شكرا يا باشا لاهتمامك

**maio_do** · 16-02-2013 11:04 AM

المشاركة الأصلية كتبت بواسطة tarek_2005

كل الي بيحصل ده ومرحتش تكبس دورة التبريد
ياراجل روح اكبس دورة التبريد

اروح اكبس فين دورة التبريد واية فايدتها؟

**maio_do** · 16-02-2013 11:06 AM

المشاركة الأصلية كتبت بواسطة sameh_fouad

شوف ياباشا اى سبب لتلف الخرطوم او انة يتقطع , بتكون بسبب ارتفاع الضغط داخل المحرك , يعنى الضغط بيزيد جدا عن حدة فبيؤدى الى انتفاخ وطبعا من قوة الضغط بيروح الخرطوم مقطوع

ومشكلة اللانوس ان مافيش غير غطاء واحد هو غطاء القربة , عشان مافيش غطاء ريدياتير

فدلوقتى هنقول حل مبدأى وهو ان ممكن الدايرة عندك تكون واخدة هواء , ولازم يتفضى , ودة اللى كان بيعمل عندك انك اول لما تركن العربية تلاقى المياة بتقع

فحاول ماتملاش القربة غير على الماكس

شكرا يا باشا للمعلومات القيمة دى

بس يعنى اية ماملاش القربة غير على الماكس تقصد لاخرها ولا لليمت بتاعها؟

**maio_do** · 16-02-2013 11:07 AM

المشاركة الأصلية كتبت بواسطة shaddadfalcon1

انا الحوار ده حصل معايا وطلعت عين اهلي مره علي الصحراوي ومره في طلعة الدائري ومره علي الزراعي وفي الأخر جابت وش سيلندر واللي حصل كالأتي

اول مره ماسورة الريداتير اللي علي الناحيه اليمين ويومها ريحيت دماغي وغير الريداتير بواحد جديد وبعدها اشتغلت تمام
بعد كده سخنت علي الصحراوي وكان معايا مراتي والعيال بس الحمد لله عملتها عند الرسيت بالظبط وكانت الماسوره اللي واصله المكنه بالريداتير فيها خرم صغير جدا وغيرتها الحمد لله

بعدها رحت الميكانيكي لقيت الطبات كلها بايظه وبعدها سخنت تاني لقيت الماسوره اللي طالعه من طرمية المياه متاكله قمت شتلها ورحت للخراط عملي واحده
بعدها سخنت تاني لقيت الخرطوم اللي واصل من صدر العربيه للمكنه بتاع السخن مشقوق طوالي وده بقي كان يوم مايعلم بيه اللي ربنا لاني كنت مسافر القاهره وكنت لسه قبلها بيوم عامل حوار الطبات ده يعني المفروض العربيه متظبطه ويومها بقي سخنت وانا طالع الدائري من الزراعي والدنيا نااااااااار واالطريق واقف ومفيش اي حاجه اعملها غير انه دخلت في الكبوت وفضلت الف شكرتون لحد ماوقفت التسريب ولحد ماعديت الزحمه وبقيت في نص الدئري سخنت تاني والشكرتون ساح قمت حاطط مياه وطاير لحد ماوصلت مدينة نصر وغيرت الخرطوم

بعدها سخنت تاني بسبب خرطوم تاني فيه خرم بسيط والمره ده بقي كانت القاصيه والعربيه جابت وش سليندر

انا برده حاصل معايا نفس الكلام بس يا رب متجيب وش سلندر انا سارف عليها لما فلست

بس هو فعلا الخرطوم الاخير دا هو اللى بيتخرم انا ركبت واحد تانى لان اللى قبله مكانش بتاع العربية فقلت يمكن واهو هجرب قولى بس الجوان اتكلف كام بالمصنعية فى تصليحه

**tarek_2005** · 16-02-2013 11:20 AM

كبس دورة التبريد بيبين اماكن التسريب بسهولة للفاحص
وفي ناس كتير عندهم المكبس ده وعلي سبيل المثال محمد عبده في فيصل

**bebom** · 16-02-2013 11:49 AM

هوا لانوس كلها فيها عيب تسريب

**tarek_2005** · 16-02-2013 01:10 PM

المشاركة الأصلية كتبت بواسطة maio_do

تمام يا باشا بس فيه ناس قالت ع الموضوع دا ان لو الريدتير تعبان هيتعبه اكتر

انا ركبت الخرطوم بتاع العربية وان شاء الله ميحصلش حاجة جديدة هى بتنقص لما بركنها بس قليل اوى

اتحركت بيها الصبح وكل حاجة تمام هجربها لحد ماشوف هتعمل حاجة تانى ولا لاء

شكرا لاهتمامك يا باشا

لايضر الردايتير الا اذا كان الردياتير متهالك ووجب تغيره
وعلشان خرطوم يضرب معناه ان الضغط في دورة التبريد عندك بيعدي لمراحل اكثر بكثير من ضغط المكبس ولو ضرب الخرطوم تاني لاقدر الله بدون تفكير غير غطاء القربة مع الخرطوم

المشاركة الأصلية كتبت بواسطة bebom

هوا لانوس كلها فيها عيب تسريب

لا بس دورة التبريد بتاعتها دورة مغلقة وبنسيبها من غير صيانة وبنهملها لحد ما تطلع عنينا علي الاهمال الي اهملناه في صيانتها

**shaddadfalcon1** · 16-02-2013 05:44 PM

المشاركة الأصلية كتبت بواسطة maio_do

انا برده حاصل معايا نفس الكلام بس يا رب متجيب وش سلندر انا سارف عليها لما فلست

بس هو فعلا الخرطوم الاخير دا هو اللى بيتخرم انا ركبت واحد تانى لان اللى قبله مكانش بتاع العربية فقلت يمكن واهو هجرب قولى بس الجوان اتكلف كام بالمصنعية فى تصليحه

انا يومها غييرت وش سليندر استيراد ب 600 جنيه مع ان واحد صاحبي جابه بعديا ب 500 بس
وبالزيوت وكل حاجه ومصعنية 100 جنيه النتيجه الكليه كانت حوالي 900 جنيه والميكانيكي كمان غيرلي الغطا بتاع الفرن بواحد من عنده ومخدش فلوس بس انا برده سبتله وش السيلندر القديم بكل حاجته ومخدش منه فلوس