السلام عليكم ورحمة الله وبركاتة
انا محتار اجيب الشكل القديم 2013 ولا الشكل الجديد من نيسان صنى مع العلم الشكل القديم 1600 سى سى وكمان انا ميال لها.
الرجاء من الخبراء ومالكى السيارة ان يفيدونى ايهما افضل.
عرض للطباعة
السلام عليكم ورحمة الله وبركاتة
انا محتار اجيب الشكل القديم 2013 ولا الشكل الجديد من نيسان صنى مع العلم الشكل القديم 1600 سى سى وكمان انا ميال لها.
الرجاء من الخبراء ومالكى السيارة ان يفيدونى ايهما افضل.
نصيحة لوجه الله , أنا معايا الشكل القديم وحقولك مميزاته عن الجديد بإختصار وبدون تحيز والله ,
- ماتور أقوى 1600 cc
- صاج أقوى وامتن بكثير
- ثبات أعلى بكتير خاصه على السرعات العالية
- مشاكل أقل وده بشهاده كتير من اللى جربو الشكل الجديد بعد ماكان معاهم الشكل القديم
- (من وجهه نظرى) الشكل أفضل وأكثر إنسيلبية وإيروديناميكية
.
وفى النهاية هيه أذواق وإستخير ربنا وربنا يوفقك إن شاء الله
انا كنت فى نفس الحيرة من شهر واستقريت على نيسان الشكل القديم هى افضل فى وجهة نظرى بالرغم ان الجديدة المفروض تكون تكنولوجيا افضل لكن شكل من جوة ومن برة ماعجبنيش ومحستش ان ليها شكل كلاسيكى والا مودرن هى خلطة بيطة بس ماتنساش انها بتنتشر وعنينا بتاخد عليها فعلا صاجها اخف ماتورها اقل مقابل توفير بنزين عن الشكل القديم فانت بقى قرر وشوف ميولك
شكرا للجميع
هل يوجد من الشكل القديم سوبر صالون.
أنا كمان احترت لما نزلت أحجز و خصوصا ان القديمة أرخص بفرق حلو..بس استقريت على الجديدة..
من كلام الأعضاء هنا و تقييماتهم و كمان من خلال معاينتى ليهم:
فى صالح القديمة: قوة صاج-ثبات أعلى شوية-قوة موتور
فى صالح الجديدة: التقفيل و الفرش-الوسع الداخلى-الراحة فى الجلوس فى الأمام و الخلف-حجم الشنطة و تقفيلها-التوفير فى البنزين بفرق واضح-الانسيابية-الشكل من وجهة نظرى-و الأهم الأمان و قوة الفرامل (2 وسادة هوائية-أنظمة: Abs,ba,ebd)...تكنولوجيا موتور حديثة و صوته هادى و معزول عن الكابينة..باور كهرباء..ايمبوليزر..مروحة للجالسين فى الخلف...
لا..الموجود ex بس و عاملة 95000 جنيهاقتباس:
المشاركة الأصلية كتبت بواسطة migo_1
اولا : فرق السعر بين ال ex سواء الشكل القديم او الجديد مبلغ قليل و لذلك السعر مش مقياس للمقارنه
@ مميزات الشكل القديم :
- قوه موتور
- الصاج اقوى
- الخامات الداخليه جيده
- توافر قطع الغيار (لانها بتنتج من ٢٠٠٦ فده طبيعى)
- سعر اعاده البيع ممتاز (مرتبط بالانتشار و انها كويسه و كمان بتنتج من زمان)
@ عيوب الشكل القديم
- استهلاك البنزين اعلى من الشكل الجديد
- ضيق الكنبه الخلفيه
- الكراسى متعبه (بس ممكن تتحسن شويه )
- متوافره بدون ABS فقط
@@ مميزات الشكل الحديث:
- جيل أحدث
- اوسع من الداخل من الشكل القديم
- موفره فى استخدام البنزين
- فيها ABS
@@عيوب الشكل الجديد
- الموتور اضعف من الشكل القديم (من كلام الناس و ليس عن تجربه شخصيه)
- الصاج اضعف (من خلال الملاحظه لعربيات ماشيه فى الشارع و الخبطات اللى فيها)
- الخامات الداخليه متوسطه و كان ممكن تبقى احسن من كده
- عدم توافر قطع الغيار ( و ان كان ده امر مؤقت و ده بحكم ان العربيه لسه نازله جديد)
لو حضرتك بتتكلم عن رينج اعلى بتاع السوبر صالون فهتلاقى معاها التيدا السيدان فهناك تقارب فى السعر برضه و ده يجعل هناك مجال للمقارنه و برضه هتلاقى المقارنه عباره عن جيل جديد بكماليات كتيره قصاد فئه اعلى شويه تقفيل مكسيكى لكنها بتنتج من كام سنه وواسعه برضه من الداخل بس كمالياتها اقل.
بناء على المقارنات السريعه دى حضرتك اكتب اولوياتك و شوف هتلاقيها فى اى عربيه منهم
شوف الموضوع ده وهيفيدك
http://www.nilemotors.net/Nile/334050-2010-6.html
الصراحة انا عاجبنى اوى الرد دة تحس فية بتوفير الوقت والجهد وكل حاجة بمعنى تانى لو انت مقتنع او عندك ذرة ميول للشكل القديم فهى هتتقلب بيك لا محالة ..والله انا شايفها ثابتة وقوية ومش محتاجة عواميد اتزان لانها متزنة خلقة وكمان كل واحد بيحتاج فى عربيتة ماتناسب قيادتة الشخصية يعنى دى ناس بتكلم على غرز فى 160 وانا واحد لما بجيب 120 بعمل فرح وبوزع بلالين ..الراجل لما طلب الماشورة طلب رائى معتدل فبلاش احنا نرميلوا لينكات مالهاش لازمة عشان هو مايتوهش انا شخصيا اشتريت نيسان صنى شكل قديم بسعر الشكل الجديد لانى جبتها اوفر برايس وكنت اقدر اجيب الجديدة بواسطة فى احدى الموزعين بسعرها الرسمى يعنى خيرونى بين الشكل الجديد بسعرها الرسمى تاخدها وتمشى حالا او الشكل القديم اوفر برايس 7000 جنية تقريبا وتاخدها بعد يومين اختارت الاوفر التانى قلت عايز الشكل القديم 2013 فهى ازواق واقتناع ومش هكدب عليك اليومين دول الى بعتوا يجبوها فيهم فكرت كتير معقول اشترى عربية قديمة والناس بتجيب الشكل الجديد وبنفس السعر كمان بس والله اول ما استلمت واتحركت بيها ووصلت للجراج تحت البيت وركنتها قلت الحمد لله على نعمتك يارب اختيار عيبة الوحيد انة جة متاخراقتباس:
المشاركة الأصلية كتبت بواسطة miceg
شكر للجميع على اهتمامكم
انا هحكلكم حيرتى مع العربيات انا كنت عايز اجيب byd f3 وخصوصا عشان نصف تكاسى مصر شغالين بيها وبيشكروا فيها وبعد كدا فكرت فى الفيرنا بس لاقين انها خفيفة على السرعات العاليه وديقة وواطية وبعد كدا استقريت على النيسان صنى القديمة بس باردو انا محتار.
الى الخبراء ممكن تيفودونى اعمل اية.
يعنى byd f3 متخوف منها عشان صينى بس الناس بتشكر فيها.
والفيرنا عشان زى ماقولتلكم.
والنيسان الشكل القديم 2013 انا ماضوفتش عيوب فيها ليغاية دلوئتى غير حاجات بسيطة.
ممكن تسعادونى اختار اية ولو كان كلامى فية غلط قولوا لى.
هو الصراحة كلامك كلة غلط ماتزعلش منى انت بتقارن اية بمين دة السؤال يعنى byd نقارنها مع الاسبرانزا ممكن ودة يبقى غلط بردو احط معاها لوجان ولما اقارن الفيرنا اقارنها بلانوس وممكن ازنق جنبهم افيو ولما اتكلم عن نيسان بتكلم على السيراتو اوبترا لانسر الصراحة لما كنت بعمل مقارنات كنت بعملها على الاساس دة ودة معتمد على الفئة السعرية وفئة العربية يعنى ريو دى فئة شبابية صغيرة وسيراتو فئة اعلى شبابية عائلية النيسان نفس الكلام اوبترا اختهم كروز زيهم فاهم قصدى لكن انت بتقارن بين حاجات ما ينفعش مقارنتها لان هيكون فى ظلم عالى وكمان السعر انت بتنط اسعار عالية الا اذا كانت byd معدية 100 الف هنا يبقى انا الى طلعت هندى فى بلد افيال والرقابة لاتسمح اقول اكتر من كدةاقتباس:
المشاركة الأصلية كتبت بواسطة migo_1
انا لا طبعا مازعلش منك.اقتباس:
المشاركة الأصلية كتبت بواسطة asyl84
انت معاك حق بس انا بقول يمكن الصين احسنت الصنع فى السيارة byd f3 وخصوصا ناس كتير بتشكر فيها وماشوفتش حد بيقول عاليها كلام سيئ انا بكلمك بعيدا عن الفئة السعرية ممكن تكون العربية رخيصة بس ممكن تكون احسن من العربية الغالية ده كان وجهة نظرى.
بس انت اية رايك اجيب byd f3 ولا نيسان صنى الشكل القديم 2013.
وشكرا عى اهتمامك
اكيد طبعا بدون اى شك الصنى !!!اقتباس:
المشاركة الأصلية كتبت بواسطة migo_1
و كمعلومه لك ان الصنى قبل مل تتجمع فى مصر كانت مو 2005 موتور 1300 استيراد ب 125 الف !!! يعنى لو استيراد اليوم مش اقل من 155 الف ...
اما تشتريها اليوم ب فقط 95 الف اكيد انت الكسبان و ده الى منجح الصنى فى مصر لان التجميع مقلل سعرها و فى نفس الوقت من انجح العربيات الى بتجمع فى مصر ...
تحياتى ...
سيبك من رائى الشخصى لانى اشتريت نيسان الشكل القديم يوم 15/1/2013 لكن هقولك حاجة النيسان دى موجودة بنفس الامكانيات مع تغير فى الشكل من 2002 تقريبا بس الفرق فى التجميع كان من اليابان دلوقتى بتتجمع عندنا ودة مش مهم قصة التقفيل دى بس الى اقصدة الصينى بقالة كام سنة هنا فى مصر وعيوبة لسة مظهرتش لكن نيسان بقت كتاب مفتوح للجميع انا كنت بقارن بينها وبين السيراتو والى خلانى اجيبها كلمة واحدة انت عايز عربية معمرة لوقت طويل والا حاجة قريبة قلتلة بتاع 10 او 15 سنة انا مضمنش الى جى قالى عايز النيسان لون اية ؟ وش كدة دة رائىاقتباس:
المشاركة الأصلية كتبت بواسطة migo_1
شكرا على اهتمامكاقتباس:
المشاركة الأصلية كتبت بواسطة asyl84
بس انا لسة متصل بأوتو ايجيبت قال لى واقفين الحجز عليها واتصلت بمعرض اباظا قالى مافيش منها غير لونين عندة والونين دول مشعايزهم.
ماتعرفش معرض متوافر فية الون الاسود.
شكرا على اهتمامكاقتباس:
المشاركة الأصلية كتبت بواسطة asyl84
بس انا لسة متصل بأوتو ايجيبت قال لى واقفين الحجز عليها واتصلت بمعرض اباظا قالى مافيش منها غير لونين عندة والونين دول مشعايزهم.
ماتعرفش معرض متوافر فية الون الاسود.
ياباشا لا شكر على واجب بص انا هقولك جبت عربيتى منين جبتها من ناشيونال موتورز الى فى ميدان فينى الدقى وليهم فرع فى مدينة نصر لو روحت بتاع الدقى دة هما عارفنى كويس لانى اتعاملت معاهم مرتين فقولهم انا زميل لؤى فى الشغل هتلاقى استاذ اشرف او استاذ محمد دول اقل اوفر برايس وصلتلة استلام فى خلال يومين لكن هى موجودة فى المصرية شفتها الى على كورنيش المعادى وموجودة عند السبع وسمير ريان اعتقد بس سعرهم عالى بجد فشوف الناس دى يمكن سعرها اقل منهم بتدفع الفين وبتيجى فى خلال يوميناقتباس:
المشاركة الأصلية كتبت بواسطة migo_1
وشوف بردو عند الابيض موتورز الى فى اول فيصل بص انا لما قارنت الاسعار كانت كدة ايام ماروحت اشتريها السبع =.102.500
سمير ريان =102
الابيض =99
ناشيونال =98
اوتو=95 وحجز شهرين والسعر عند الاستلام والحمد لله انى ماتغبتش وحجزت لانها وصلت 97 دلوقتى وكان زمانى لسة ما استلمتش ولسة ادامى شهر ونص كمان على الاستلام وطبعا على زيادة السعر كمان وكمان
شكرا لك على المعلومات
انا اتصلت بسمير ريان لاقيتها ب 96000
بص هى حاجة غريبة السعر دة لان الناس بتقول بقى سعرها رسمى 97 وبالحجز ياريت تتصل بباقى الناس ولو كدة يبقى انزل احجز بسرعة عند سمير ريان وحاول تاكد المعلومة تانى ولو السعر دة يبقى ممتااااااااازاقتباس:
المشاركة الأصلية كتبت بواسطة migo_1