استطلاع فى سوق السيارات عن الاسبيرانزا

**AMGAD1521977** · 15-02-2013 09:51 PM

تحياتى لاعضاء المنتدى المحترمين انهاردة حبيت انقل لكم موضوع لا اعرف له تفسير انا قررت اليوم انزل سوق السيارات فى مدينة نصر و اكتشفت فى السوق ان المعروض من عربيات اسبيرانزا قليل جدآ سواء كانت التيجو او ال 516 او حتى 116 يا ترى ده تفسيره ايه مع العلم ان المعروض من باقى الماركات و خصوصآ الكورى و اليابانى كتيييير قوى ياريت اعرف الآراء بخصوص الموضوع ده و تحياتى لكم جميعآ

**hugan** · 15-02-2013 09:54 PM

انا شايف ان الاسبرانزا مطلوبه في البيع
لانها بتحق المعادله الصعبه
عربيه رخيصه بامكانيات ممتازه

**hugan** · 15-02-2013 10:18 PM

المشاركة الأصلية كتبت بواسطة amgad1521977

اشكرك على سرعة الرد و لكن هل قلة المعروض منها معناه انه اللى بيشترى العربية ما يفكرش يبيعها و طبعآ انا بتكلم عن سوق المستعمل مش الجديد احب اعرف رأى حضرتك و خصوصآ ان انا قرأت لحضرتك انك بتفضل الجديد او المستعمل استعمال خفيف ما تكونش مشيت كتير

اظن والله اعلم
ان المعرض منها قليل
اللي بيشتريها مستعمل ما بيفكرش يبيع لانه شاريها بسعر رخيص
الا لو كان غاوي وما تفرقش معاه ده اللي يبيع علشان يغير العربيه ما بتكونش العربيه زي ما هو متخيل
ونسبتهم قليله بين المصريين
الجزء التاني اللي بيشتري
وبعد كده يكتشف ان العربيه صيني
اصله كان شاريها وفاكرها الماني
لكن طلعت صيني
هنا بقي يجي الصياد
الي عايز حاجه كسر زيرو وبسعر رخيص
ودي الشيء اللي انا بقضله في شراء الصيني