نويت انضم لوحوش الاوبل b .. وطالب مشورتكم :)

السلام عليكم ياشباب .. كيف الأحوال ؟ يارب يكون كله تمام
ببساطه كده انا بقالى فتره كبيره بافتح قسم الاوبل كل يوم و قريت كل مواضيعه تقريبا على الفيكترا لحد 50 صفحه فاتت (مش مبالغه واقف على صفحه 51) فخلاص بقى عندى فكره قويه عنها وحضراتكم حببتونى فيها جدا و ماشاء الله القسم مليان ناس قويه وفاهمه ربنا يباركلها ..

انا نزلت السوق النهرده كنت باتفرج ع الفيكترا كنوع من انى اخد فكره عن قرب.. الحاله الكويسه قليل فعلا ..اغلبه الصالون متهان جامد ...بس انا بدور زى ما حضراتكم كنتو بتفضلو فى الb1 مانيوال 1600 ودى اللى ناوى عليها ان شاء الله
بكره فى واحده هشوفها بس مستغرب فيها انها 1600 و بى 1 و فتحه سقف و صاحبها بيقول انها المانى مش مصرى فمش فاهم القصه دى ؟؟ وايه اهم حاجه اخد بالى منها ونا باتفرج عليها ؟
هى ده اللينك بتاعها على كونتاكتhttp://www........cars.com/usedcars_...?CarID=1121580
مستنى ارائكم و اقتراحاتكم ..
اخوكم .. محمد بدر

أنا معايا بى 1 كل اللى انت هتشوفه بعينك حالة الصالون والدهان والصاج والكاوتش وكشف ظاهرى على الحوض الموتور وغيره مش هو اللى يطمنك 100%
اكيد هتحتاج تكشف كمبيوتر عشان لو فى اى اعطال او حساسات محتاجة تتغير ودى ممكن تكلفك كتير
وربنا يوفقك فى عربية حالتها كويسه عشان العربية لو مش كويسة جدا a1 هتكره نفسك وهتكره العربيات كلها بالذات الاوبل او اى عربية المانى

نصيحة العربية اللى تنوى عليها لازم تكشف عليها فى التوكيل ... هتدفع صحيح بس هتضمن انك مش هتلبس بعد كده لان دى لبستها مريعة بعيد عنك

ربنا يوفقك وتلاقي حاجة كويسة
هو الاسعار في السوق عاملة ايه دلوقتي ؟
سمعت ان اسعار المستعمل كله زادت
الفيكترا اسعارها ايه دلوقتي ؟

زى ما هى يا عمرو لسة فى حدودها

الف شكر على الردود الجامده و ربنا يكرم ان شاء الله و تكون كويسه ..
و ياعمرو فعلا الاسعار هى هى فى رينج اواخر الاربعينات ..كان فى 2 بس اوفر شويه واحده ب 54 واتنين ب 64 بى 1 و مش cdx ولا حاجه بس كانو شكلهم نضاف اوى و عاملين فى حدود 90 الف كيلو و فابريكه

بس محدش برده قالى ايه حكايه فتحه السقف ووارد المانيا دى ؟؟

فتحه السقف شفتها في عربيات وارد المانيا واوروبا عموما وبتبقي بمواتير ايكوتك 1600 و2000
في منها كتير 1600 سي سي معوقين

والله الواحد فى نيته ينضم للوحوش الاوبلاوية بس لسه فى مرحلة التحويش وربنا يرزقنا بحالة محترمة

العربية من شكلها واقفه
و عدادها قليل
شوفها مش هتخسر حاجة

العربية من شكلها واقفه
و عدادها قليل
شوفها مش هتخسر حاجة

العربية أكيد اتباعت عشان الاعلان اتشال.

انا جيت تانى يا شباب :))
انا روحت شوفتها ووريتها لواحد عفشجى بيتاجر تبعى برده..العربيه شكلها مش متهانه ..واتفقت معاه على 44 ونص من 47
العربيه فابريكه دواخل ومن بره راشه نضافه من غير معجون تقريبا حجات بسيطه جدا
ماشيه 126 الف صوتها ممتاز مفيش مشاكل وبتفصل كويس وبتجيب ميه من الشكمان
الحراره مش بتعدى ال 85 تقريبا بعد ما دخلنا فى زحمه وعلى الطريق ..
التكييف قالى هسلمهولك تلاجه ان شاء الله .. هو بيقول انه كان مفضى شحن الفريون فى الشتا و كان هيشحنه على الصيف ..
الازاز اللى قدام كان فيه نقره كده و المساحات معلمه عليه قالى هغيره و فعلا جاب واحد عليه من تحت علامه اوبل و جى ام .. قالى انا لقيت جريش بس معجبنيش ... كانت حركه كويسه منه
بيقول مراجع على العفشه كلها و لسه جايب مساعدين استيراد امامى ..وجربنا العربيه فى طرق مكسره و كنا بنجرى ومفيش مشاكل ..بس من نفسه كده خلانى اركز فى صوت نقره كده قالى دى هظبطها برده
هيديها وش بوليش قبل ماخدها على اخر الاسبوع ده ان شاء الله
جنط 15 ..
الصالون حالته كويسه جدا وفرش الابواب بحالته و التابلوه مش متهان
ككماليات فيها كاسيت و شاشه عرض و سماعات وفوجات ومرياات كهربا مش ضم و ازازين كهربا قدام ..و فتحه سقف وهى دى مشكلتها الوحيده !
المشكله فيها فتحه السقف متقفله من جوه بالفرش عشان الازاز بتاعها كان مشروخ والرف متشال .. بس مفيش بارومه او مشكله فيها .. سالت عند ارابكوم قال يظبطها ب 2800 كهربا او 2500 مانيوال (طبعا كتير ) خصوصا ان ده نفس السعر اللى هتدفعه لو مكانش عندك فتحه سقف اصلا وهو يعملهالك..وقابلت واحد من يومين كان عامل الحركه دى فى فيكترا برده (مكانش عنده فتحه سقف و ارابكوم عملهاله )و طالعه زى الفل ..وتقريبا مدينه ضمان 10 سنين او حاجه كده !!
واحد كان شغال فى مقار سالته عالحكايه دى قالى ممكن نجيب سقف استيراد بفتحه السقف بتاعتها و نركبها مكانها و نظبطها (وطبعا هتبيع باقى السقف اللى اشتريته بعد كده بالكيلو !!)على حوالى 2000 مثلا .. فايه رايكم فالموضوع ككل ؟؟
وشكرااااا

ههههه نسيت اقول ان العربيه 97 1600 مانيوال !! معلش الواحد مهنج ولسه راجع من الشغل :))

مش فاهم هى فتحة سقف اللى فيها اصلى اوبل والا هو مركب اي حاجه؟؟؟وفى منها كان بينزل بفتحه اصلى لو مركب اي حاجه انسى العربيه دى وفتحة السقف بتاعت ارابكم بتعمل اصوات وبتشوه العربيه لو هى الاصليه ومكسوره عادى تتجاب استيراد لو هو فاتح فى الصاج ابعد عنها

والله انا كان رائي تجيب بي 2 بموتور اتنين كامة

اقتباس:

---

المشاركة الأصلية كتبت بواسطة احمد فهمى

مش فاهم هى فتحة سقف اللى فيها اصلى اوبل والا هو مركب اي حاجه؟؟؟وفى منها كان بينزل بفتحه اصلى لو مركب اي حاجه انسى العربيه دى وفتحة السقف بتاعت ارابكم بتعمل اصوات وبتشوه العربيه لو هى الاصليه ومكسوره عادى تتجاب استيراد لو هو فاتح فى الصاج ابعد عنها

---

شكرا يا احمد باشا على الرد .. اللى فى العربيه اصليه ..العربيه كانت نازله بيها ...
يعنى كلام الراجل صح انها تتجاب استيراد .. بس هل لازم اجيب السقف كله عشانها ولا ممكن تيجى هى بس ؟؟ ورينج سعرها بالتقريب وتيجى منين ؟؟
معلش باتقل عليك .. بس طمعان بقا :049:

و ربنا يجازيك خير على ردودك القيمه جدًا و مساعدتك للاعضاء :tumb:

اقتباس:

---

المشاركة الأصلية كتبت بواسطة amr elsisi

والله انا كان رائي تجيب بي 2 بموتور اتنين كامة

---

والله يا عمرو انت صح طبعا الموتور اكيد هيكون اقوى ,, بس انا ماصدقت لقيت حاله كويسه بصراحه ... انا لما نزلت السوق كرهت نفسى :120146b
وشكرا يا جميل على الرد :))

اقتباس:

---

المشاركة الأصلية كتبت بواسطة m7nsh

شكرا يا احمد باشا على الرد .. اللى فى العربيه اصليه ..العربيه كانت نازله بيها ...
يعنى كلام الراجل صح انها تتجاب استيراد .. بس هل لازم اجيب السقف كله عشانها ولا ممكن تيجى هى بس ؟؟ ورينج سعرها بالتقريب وتيجى منين ؟؟
معلش باتقل عليك .. بس طمعان بقا :049:

و ربنا يجازيك خير على ردودك القيمه جدًا و مساعدتك للاعضاء :tumb:

---

اللى هيبعلك الميكانيكا بتاعت الفتحه والزجاج اكيد هيدهالك بسعر السقف كلو يعنى اعمل حسابك فى سقف وبيع الصاج

يا معالى الباشا انا معايا اوبل 97 فتحه سقف كهرباء فابريكه 1600 سي سي المانى على ابوه
كانت من سنتين 53000 حالتهت نضيفه انهارده تعمل 49000 بس قمه الفخامه والاداء والثبات روعه

اقتباس:

---

المشاركة الأصلية كتبت بواسطة احمد فهمى

اللى هيبعلك الميكانيكا بتاعت الفتحه والزجاج اكيد هيدهالك بسعر السقف كلو يعنى اعمل حسابك فى سقف وبيع الصاج

---

ربنا يباركلك يابو حميد .. تسلم على الرد .. هو فعلا الراجل قالى كده

طب مفيش اى فكره الموضوع يكلف اد ايه ؟؟؟:049:

ربنا يباركلك فيها يا جوكر .. و اللى هاجيبها دى كده برده ان شاء الله ..وربنا يكرم