والله انت راجل محترم ........ جزاك الله خيرا
وتسلم ايدك
والله يباركلك
والله انت راجل محترم ........ جزاك الله خيرا
وتسلم ايدك
والله يباركلك
البولو كعربية بينزلها مواتير gti
المشكلة في الموتور مش في العربية
مواتير البولو هي اللي مش بتركب عندنا
ويمكن تكون القاعدة بتتفك - والميكانيكية بيستسهلوا - الله اعلم
بس انا شوفتها بعيني القاعدة دي ساعة لما كنت بسقط
عجبتني مكنة شكلها نظيف وعمتها سليمة - بس الميكانيكي بتاعي قالي ماتركبش عندك - ووراني القاعدة وقالي هتعاكسنا في التسقيط ومش هتركب
والله المستعان
،
،
انت قصدك على اللى بتبقى طالعة من الفبرة اللى من الجنب؟؟؟
دى صورة موتورى ال 1400 والميكانيكى كان قايلى انه بتاع بولو عشان القاعدة دى وقالى انه ممكن يشيلهالى بس لازم اجيبلو فبرة بتاعت ابيزا عشان الفبرة التانية فيها فاتحة
http://nileup.com/up/uploads/nilemotors_13618856091.jpg
فعلا البولو بيكون ليها قاعدة زيادة من الجنب بس عادى بتتشال
:tumb:
ايوة الله ينور عليك
هي دي
بس اعتقد انها بعيدة اوي عن الشاسيه
يبقي مشكلتها فعلا في غطاء التقسيمة وليس خبطها في الشاسيه
تحياتي يا نجم
اخيرا لقيت حد غير ايهاب منصور بيصد ويرد معايا :049:
والله انا سعيد جدا بردودك ووجودك معانا في القسم
ربنا يبارك فيك وفي كل اعضاء القسم
تحياتي
ياباشا انا كانت راكبة عندى عادى جدا واساسا ارتفاعها اعلى من الشاسيه
الفكرة انك لو حبيت تشيلها يبقى لازم تجيب غطاء التقسيمة بتاع الابيزا لأنك لو سبتها مفتوحة ممكن حاجة تدخل للتقسيمة لا قدر الله
ياباشا احنا بنتعلم منكم والله
وانا اسعد انى امتلكت عربية عرفتنى على ناس محترمة وبيحبوا يساعدوا الناس زيكم
والله ان جيت للحق - كلنا بنتعلم من بعض
اللي عنده معلومة وفاكرها مالهاش لازمة وبيقولها وهو مكسوف بتبقي كنز لحد تاني
انا دخلت القسم وانا لا افقه شئ عن الانجيكشن - وكانت كل معلوماتي عن الكربراتير والجر الخلفي - معلومة من هنا علي معلومة من هنا بقيت بفك واركب في الانجيكشن
ومعلوماتي السابقة نفعتني شويتين
مجال عملي بفضل من الله وحده علمني ازاي اجيب المعلومة وازاي اقرأ اي white page بتاعة اي vendor وازاي ابحث واطلع المعلومة الصح من وسط 100 معلومة مغلوطة من المنتديات والمواقع وصفحات الانترنت
وكلمة ايهاب منصور قالها وصدق فيها - فكرة العربيات كلها واحدة والاختلاف في تطبيق هذه الفكرة
ولما اسقطت مقولته علي جميع العربيات اللي قابلتها لقيتها سليمة 100% ودة فادني كتير في تعلم عربيتي
وايضا مجال عملي علمني تتبع المشكلة + الخبرات المتراكمة من اعطال سيارات الاعضاء
وعشان تعرف ازاي تستعمل الحاجة صح لازم تعرف ازاي بتشتغل الحاجة دي
كمان لما تحب تعمل troubleshooting لازم تكون فاهم كيفية عملها
انا استفدت كتير من قسم سيات واتعلمت منه كتير اوي
واكبر استفادة هي معرفة اعضاءه - اقسملك بالله اني برتاح وانا جوة القسم وحاسس اني حافظه شبر شبر زي بيتي - ولما بدخل قسم تاني بحس اني ضيف
انت ماتعرفش انا بحب اعضاء القسم دة قد ايه - ولما بيجيلنا ضيوف من اقسام تانية ببقي طاير بيهم من الفرحة ولما بينضم لينا عضو جديد بحس ان اسرة سيات زادت واحد
وانا سعيد جدا بمعرفتك زي سعادتي بمعرفة كل الاعضاء
ربنا يديم المعروف دائما ويوفقنا لما يحبه ويرضاه
نرجع ونقول فين الجزء التالت يا كريم ؟؟؟؟؟
انا برده نفس الموضوع انا كان معايا لادا 2105 موديل 84 بتاعت الحاج مكنتش اعرف حاجة غير بيك السلانسيه وبيك السرعة والابلاتين والكوندنسر والبيضات ومرة طيرت الموتور ال 1200 سى سى بتاعها وكان السبب ان البييل connecting rods اتكسر وخرم البلوكة وطلع من الجنب ولقيت الحاج بيكلمنى من عند الميكانيكى وطبعا شايط وبيقولى كسرت البييل!!!! قولتله ايه البييل ده اصلا :hugging: وساعتها سقطنا موتور 1300 سى سى (من الواضح انى بستهلك مواتير كتير :120105~352:)
الحمد لله وبفضله ثم فضل القسم قدرت اجمع معلومات كتير فى وقت قليل عن الابيزا والتكنولوجيا اللى فيها (طبعا بالنسبة لواحد كان معاه لادا 84 الابيزا بالنسبة له سفينة فضائية) انا شارى الابيزا من شهر 6 اللى فات
وبالنسبة لموضوع الضيوف اللى من الاقسام التانية اللى بيشرفونا انا ملاحظ الاتى:
ملاك الفولكس انتمائهم قل بالنسبة للفولكس وبدأ يزيد للسيات لدرجة ان استفسارتهم بيطرحوها هنا فى القسم وكمان هيحضروا معانا مقابلات (Ahmed Pico) اللى هيشرفنا حضوره :tumb: وكمان تويوتا :049:وحاسس ان قريب جدا هينضملنا ناس منهم
على قد ما عدد اعضاء القسم قليل بالنسبة للأقسام الكبيرة التانية و جايز كمان يكون عدد المواضيع والمشاركات اقل بس كل موضوع فى القسم بيضيف معلومة فى غاية الأهمية وده بيخلى الكيف اكتر من الكم
وده ان دل فأنه يدل على مدى نقاء اعضاء القسم وحبهم للغير واحترامهم لبعض وطبعا قى الاصل اللى زرع الروح دى هو حضرتك ودورك الناجح كمنسق واهتمامك ورعايتك للقسم مع ان مفيش مقابل مادى يخليك تتابع كل المواضيع وتعلق عليها فى ساعات عملك الرسمية والساعة 1 بالليل والساعة 5 الفجر (انت ايه ياعم مبتنامش؟؟؟؟!!!!!!) :fun_36_3_4[1]:
ربنا يجازيك خير ويجازى كل عضو بيحب الخير لغيره زى مابيحبه لنفسه
فى حاجة عايز اقولها ومقولتهاش قبل كده: الناس اللى متابعانى من اول انضمامى لعائلة السيات اكيد عارفين ان العربية بعد ما اشتريتها كانت مديالى ضهرها وكانت كل اسبوع لازم تعمل معايا نمرة بباكوين تلاتة (يعنى 2000 - 3000 جنيه) (اللهم احفظنا من شر العين) لدرجة انى اتشائمت منها وكنت بخاف اركبها وفكرت انى ابيعها
بعدين قولت طيب هشترى ايه؟؟؟ وفكرت فى كذا ماركة تانية وكل ما افكر فى ماركة ادخل القسم بتاعها فى المنتدى عشان اشوف قطع الغيار والاعطال واراء الناس بس برجع اشيل الفكرة من دماغى لانى كنت بحس انى مش هلاقى مساعدة زى اللى بلاقيها هنا وانى هلووص (والله مش ببالغ)
ربنا يجمعنا دايما بالخير
اسف انى طولت عليكم بس حبيت انى اوفى كل الناس حقها